ان راجل طول عمرى قانع بما اعطاة الله لى وماشى جنب الحيط لا بقعد مع حد ولا سبت ولا عمرى هوبت ناحية قاعدة قهوة ولا حتى شاى ولما اللحمة وصلت الى 100 جنية قلت مش مشكلة ما الرسول اشرف الخلق اللى بينزل علية الوحى السماء مكنش بياكل لحمة الا 3 مرات بالسنة هكون يعنى انا اكرم عند ربنا من الرسول والحمد لله الفراخ موجودة وكلة بروتين

لما الاولاد بيمشوا معايا فى السوق و نفسهم فى مانجة او تفاح .............. بعمل زى محمد صبحى فى مسلسل ونيس وبقول للاولاد الحمد لله احنا احسن من الصومال وسوريا ومجاعات السودان وان شاء الله ايام قليلة فى الدنيا ونشوف المانجة والتفاح فى الجنة

جت الفراخ ووصلت الى 25 جنية الكيلو قلت مش مشكلة بلاها لحمة وفراخ ما فى سمك بلطى رخيص وزى الفل واهوة كلة بروطين برضة وفى علبة تونة ممكن كمان نتغدى بيها بس ربنا يدمها نعمة علينا

ولما كل حاجة فى الاخر زادت برضة قلت الحمد لله على نعمة الفول والطعمية على شوية طرشى ومخلل وربنا لك الحمد والشكر اهوة كلة فى المجارى اللى هياكل لحمة وكافيار زى اللى هياكل فول بزيت الحار المغلى

لكن الكهربااااااااااااااااااا ااااااااااااااااااااا لاااااااااااااااااااااااا ااااااااااااااااااااا لااااااااا

دى بقا بالذات ملهاش صرفة عندى ولا مليون حل او بديل ممكن يحلوا مشكلة زيادة لكهربا

بجد دة اناحالى وقبل ما الكهربا هتزيد بنقعد انا وولادى فى اوضة واحدة عشان المكيف وكلنا بنام فى حجرة وحدة عشان نوفر التكييف والله بنام على الارض عشان كلنا مزنوقين فى كهربا التكييف لما ظهرى اتنى واتقوس من نومة الارض رغم ان فى بيتى كبير وفية 3 مكيفات بس طبعا لو كل واحد فى البيت هينام على تكييف معناة ان الدخل الشهرى كلة كهربا بس ودة قبل ما الكهربا تزيد فما بالك بقا لو الكهربا ذادت !!!!

انا اى حاجة اقبل بيها والله وراضى وقانع بس الكهربا صعب امنع ولادى فى الحر يناموا من غير تكييف

حرام بجد دة والله

انا عايز اهاجر اشتغل حتى عامل بنزين برة اللى عندة شغل فى محطة بنزين برة مصر انا موافق بس هما يقبلونى