إحــذروا من التــعامل مع مــركز العــدوى - المنصـــورة

**samehkadous** · 01-12-2008 12:36 AM

ذهبت اليوم لتغيير الزيت من مركز العدوى بالمنصورة وقام المختص بالكشف على السيارة قبل تغيير الذيت فعاد واخبرنا ان هناك تكلفة اضافية مك رسالة مئة جنية وذلك لاعادة برمجة كمبيوتر السيارة حيث ان هناك رسالة (change oil soon)فابلغتة انة يمكن ازلة الرسالة بالضغط على (reset)فابلغنى انة لا يمكن ذلك الا عن طريق جهازخاص بهم فاتصلت ب(16202)فابلغنى المسؤل انة لا يملك رقابة مالية عليهم وان الرقابة فنية فقط فطلبت منهم تغيير الزيت والفلتر فقط وبعد تغيير الزيت مشيت وفتحت الكتالوج فاكتشفت انة المفرود الضغط على زر (reset)لمدة عشر ثوانى...! وبالفعل قمت بمسح الرسالة وعدت اليهم لكن للاسف وجدتهم فد اغلقوا وانا مسافر الحج غدا ولن استطيع العودة اليهم فارجو من الاخوة من يستطيع متابعة الموضوع وابلاغ المسؤليين فى توكيل رينو وانقاذ اهالى وسط الدلتا من هذا المركز لانى ايضا رايت فاتورة لهذا المركز اثناء صيانة عادية بها 250 جنية كشف كمبيوتر وان شاء اللة ادعيلكوا فى الحج .

**Mohd_Adel_Amin** · 01-12-2008 02:15 AM

يا باشا توصل بالسلامة ودعواتك لكل اخواتك في المنتدى , وتقبل الله مقدما ..
وبالنسبة لمركز العدوي انا اتعاملت معاهم مرة و عرفت انهم عار على اسم رينو عايزين يسرقوك عيني عينك وبأي طريقة وبيحاول يحسسك ان عربيتك عايزة تترمي في الزبالة علشان لما تدفعلهم تبقى مبسوط انهم صلحولك الخردة اللي معاك ..
انا كنت في دمياط و بعدين وانا مروح لبست مطب و كانت العربية محملة وكنت خايف على العفشة فعديت عليهم وانا مروح لقيته مطلعلي العفشة كلها محتاجة تتغير مش فاكر ساعتها كانت التكلفة تدخلها في 4آلاف , مسكت لساني بالعافية من انه يطلع اي كلمة مش محترمة لقيت المهندس ( مع اني شاكك في انه خريج صنايع )لما لقاني مش مقتنع ورحت سبته ودخلت تحت العربية وبقوله فين ده اللي بايظ قالي خلاص احنا ممكن نعمل الحاجات الضرورية بس دلوقتي قلتله لا شكر و طبعا طلعت من عنده بدون ما أدفعله مليم.. وكملت طريقي ورحت بعدها للتوكيل في المقطم ولقيت العفشة زي الفل الحمد لله .
يا ريت لو فيه طريقة نوصل بيها للتوكيل ان الناس دول بيسيؤو لسمعتهم ولسمعة الإسم العريق بتاع رينو ..

**samehkadous** · 01-12-2008 09:10 AM

شكرا للرد بس فى نفس الوقت يجب اللوم على التوكيل لانه عند الاتصال بهم كان المفروض الاجاابة بامانة وصراحة مش يقول لى ليس لنا اشراف مالى:k17:

**Ahmed Selim** · 01-12-2008 09:30 AM

أولا تروح وتيجى بالسلامة أن شاء الله

ربنا يتقبل ويغفر لك.....و لا تنسونا من صالح الدعاء

حضرتك ممكن تكلم 16202 تانى وقلهم أنا عندى شكوى من مركز خدمة معتمد و عاوز أكلم حد ( بس من غير ما تقول أسم المركز ).....اعتقد أنهم هيقولوك أتفضل قول الشكوى....قولهم " ماشى بس قبل ما قول أنا هاخد رقم للشكوى دى عشان أتابعه بعد كده وأشوف حصل فيه أيه.....يا أما كده يا أما أكلم حد مسئول."

لو الطريقة دى منفعتش يبقى كلمهم مرة تانية و أطلب تحويلك على المهندس حسام شهاب.

لو برضه معرفتش توصله يبقى أبعت أيميل لفرنسا على طول.......من هنا
بس يفضل بعد لما ترجع عشان فى خلال يومين تلاتة هتلاقى حد من التوكيل كلمك.

و أخيراً.....أدعيلنا معاك...أى دعوة ( بس لينا مش علينا :) ) وتروح وتيجى بالسلامة أن شاء الله

**samehkadous** · 01-12-2008 12:27 PM

اولا الف شكر يا استاذ احمد على النصيحة ولكننى لم استطيع الانتظار حتى العودة لان دمى محروق
فاتصلت فورا للشكوى وابلغتهم بما حدث وابلغتهم ايضا انى مسافر ايضا غدا الى الحج ولو حد هيتصل بيا ياريت يكون النهاردة او بعد العيد وفعلا بعد حوالى نصف ساعة اتصل بى المهندس رضا وابلغنى ان المشكلة فى الشخص اللى قابلنى ولكن مركز العدوى محتم وملتزم فاولتلة على الفور على فكرة انا حطيت الشكوى على موقع نايل موتور وان سمعتة مش حلوة وبعد ذلك اتصل خالد العدوى وحاول يبرر الموضوع واعتزر اعتزارات غير عادية وصمم ان يكون اى صيانة عندة والاتصال يكون به شخصيا فى حالة اى مشكلة وانا شايف ان انا لو دخلت مركز العدوى تانى ممكن يعملولى اى صيانة من غير ولا مليم

**Ahmed Selim** · 01-12-2008 01:51 PM

يبقى روح تانى أن شاء الله فى الصيانة اللى جاية وشوف هيحصل أيه معاك

وبرضه وأنت هناك أبقى خللى بالك من الناس التانية اللى جاية تصلح و الصنايعية بيقولولهم أيه....لو لقيتهم بيشتغلوهم أتكلم على طول...... وأنا أنصحك أن ساعتها تبلغ جهاز حماية المستهلك كمان.

ممكن أطلب منك طلب كمان ؟؟؟

أكتبلى اللى حصل بالظبط فى رسالة خاصة ( و يا ريت بالأنجليزى ) وأنا هحاول أوصلها لواحد كبير فى التوكيل أن شاء الله