ماكينة الاستوب في 301

**mohamedyounis** · 11-08-2016 10:22 AM

السلام عليكم ..

كنت عاوز استفيد من خبراتكم في موضوع ماكينة الاستوب في 301 ..... دي ماكينة صغيرة كده تحت دواسة الفرامل .. دي اللي بتخللي اللمبة تنور النور الاحمر وقت الدوس علي الفرامل وكمان هي مسئولة عن ان الفتيس يتحرك معاك من وضع p الي اي وضع لما تدوس علي الفرامل وتيجي تحركه

الماكينة دي اتغيرت عندي في اول صيانة في التوكيل ( صيانة 2500) .... وبعدين برضه اتغيرت تاني في صيانة العشرين الف (ده العطل اللي طلع في الكمبيوتر) والعربية زبطت بعدها تمام

ودلوقتي في صيانة الاربعين حصل نفس الحكاية واتغيرت

معقول ماكينة الاستوب بتتغير كل عشرين الف ؟؟؟؟ حد ممكن يعرف ايه سبب المشكلة دي ؟؟؟ كل مرة العربية بتبقي تمام التمام بعد ما نركبها وتعد عشرين الف وبعدها تبتدي تعلق تاني في نور الفرامل ...

حد عنده معلومة ؟ هل الموضوع له علاقة بالكهرباء بتاع العربية مثلا؟ مع ان مفيش اي شكوي منها في اي حاجة تانية والاداء عادي جدا وسلس في كل حاجة..

الارجو الافادة وشكرا

**tameem2010** · 11-08-2016 10:50 AM

حاجة غريبة جدا
الماكينه ديه مش بتتغير اساسا
نادرا لما تبوظ في اي عربيه

**a7medsh3rawi** · 11-08-2016 11:59 AM

بتكون عيب تصنيع بيخليها تبوظ وتعلق وهتضطر بعد الضمان ما يخلص تشتريها على حسابك
وهى حاجه عاديه يعنى لو روحت لكهربائى وقولتله ركبلى مفتاح تلاجه مكانها هتشتغل احسن

**bassem.aly** · 16-08-2016 03:25 PM

المفروض ماكينة الاستوب دى من الحاجات المعمرة فى العربية و ما بتتغيرش و تقريبا ثمنها غالى فى التوكيل.
لييه كل 20 الف تتغير ؟؟
ده معناه بعد ما يخلص الضمان تشترى و لا اييه؟؟
و يمكن هما فى التوكيل بيصلحوها اى كلام مش بيغيروها -- و الله اعلم

**bassem.aly** · 16-08-2016 03:28 PM

المفروض ماكينة الاستوب دى من الحاجات المعمرة فى العربية و ما بتتغيرش و تقريبا ثمنها غالى فى التوكيل.
لييه كل 20 الف تتغير ؟؟
ده معناه بعد ما يخلص الضمان تشترى و لا اييه؟؟
و يمكن هما فى التوكيل بيصلحوها اى كلام مش بيغيروها -- و الله اعلم