لحام الخابور

**م.محمد حافظ** · 11-08-2016 12:52 PM

اول امس وان داخل على بوابات مصر اسكندرية الصحراوى لقيت العجلة الخلفية شمال مريحه للنص تقريبا .المهم لقيت واحد بيتاع كاوتش خلف بنزينة مصر الامارات ..قلت ازود هوا وامشى ..فجأة ..قال لى العجلة عايز يتكشف عليها يا بيه...خلفيتى القديمة ان العجلة هتتفك وبنيو ولحام داخلى وحوار..بصراحة كان معايا وقت يكفى قلت ماشى ...تاخد منك وقت كام ...قلى 5 دقائق ...ولقيته رش مية وصابون ...قال فك فرامل اليد.؟!..ولقيتة بيقول انت مشيت على ازاز ...قلت دا الطبيعى فى طرق المحروسة فيها من كل ما تشتهى...المهم قلى فى لحام الواحد ب15 وواحد ب10ج ...قلت خلى ب15 ...كلنو فى الاول خرمين فضل يلفف الكاوتش لحد ما وصلو ل6 ..ولقيت مفك غبريب وبيغرزة فى العجلة بصراحة مطمنتش ومش عارف اعمل اية والعجلة الثانية كان فيها مسما ر...قلى اتحرك عجلة جدا رجعت لقيت فيها كمان خرم فجاء بيقولى 120جنى...اعطيتة اربعين وقلتلة الباقة وانا راجع غضب طبعا وسيبتة ومشيت ......وولقيت الفاجعة لماقرأت عن هذا الاختراع المسمى بالخابووووووووور وطبعا رحت لصانيعى بتاعى قالى العجل جديد واستعوض ربنا انت اتنصب عليك والعجلة هتبوظ....المهم العجلتين دول هيمشونى ؟؟؟....وطيب ابعت للراجل ده بقيت فلوسة ولا ميستحقهمش؟؟؟؟......ونصيحة بافضل انواع العجل واسعارة مقاس 185/65 R15 وعافاكم الله من نصب الصنيعية

**amr011111** · 11-08-2016 01:29 PM

طبعا بتاع الكاوتش ده نصاب والله اعلم ونصيحه خلى معاك كمبريسور تزود بيه العجل وتبقى تروح لبتاع الكاوتش اللى بتتعامل معاه

**a7medsh3rawi** · 11-08-2016 01:30 PM

الازاز عمره ما يخرم الكاوتش واخرك تلاقى مسمار وتعمله بالرقعه لكن الخابور اختراع فاشل وبيتعمدو يحطوه علشان الكاوتش يبوظ وتغيره وسيبك من النصاب ده كذاب وحرامى و40 ج كسبان فيهم فما بالك ب 120ج
امشى عليها لغايه ما تبدأ تنام كل شويه وبعد كده غيرها
الانواع تويو يابانى او هانكوك كورى او بريدجستون ماليزى
انا جبت ب 320 للفرده gt r14/185/70

**م أحمد** · 11-08-2016 02:18 PM

الزجاج فعلا بيخرم الكاوتش.... واحد عملها معايا فى ال 128 ...قالى لى فى ب 5 و فى 7 قلت اشتغل ابو 5 ...ادى الفردة 12 خابور...كل ما يلاقى تنسيمة دب دب دب... قلت له عايز كام قالى 60 ج ...قلت له امال الفردة الجديدة بكام دا لو اخدت منك واحدة مستعملة ب 100 ج... انا كنت عارف ساعتها كارت الخوابير ب 3 ج فى 5 خوابير ...يعنى هو اتكلف حوالىى 7 جنيه و عايز 60 جنيه....قلت له مفيش غير 30 طلع و نزل اديته 40 جنيه و مشيت
كارت الخوابير بيعمل دلوقتى 5 جنيه فى 4 او مش فاكر
الفردة دى كانت عجلة امامية و قعدت حوالى 3 سنين و فيها ال 12 خابور و نقلتها ورا خدت وقتها و غيرتها او خليتها استبن مش فاكر

**ahmed.biso13** · 11-08-2016 03:07 PM

ربنا يعوض عليك
وزى ما قال الاخ عمرو خلى كمبرورسر معاك يمشيك لغاية ماتخلص مشوراك
وتروح لحد بتاع كاوتش تعرفه
لان الكمبروسر ده هينفعك فى الشتاء ضرورى
واطمن على الاستبن من فترة للتانية

**دكتور خالد** · 11-08-2016 04:58 PM

حركات بتوع الكاوتش النصابين دى المفروض اتهرشت - وعلى فكرة هوه اللى بيخرم الكاوتش كل لما عينك تغيب عنه - لو اتزقت و مش معاك كومبريسور زود هواء بس يمشيك لغاية ما توصل لبتاع كاوتش جوه اى بلد لان معظم اللى على الطرق حرامية الا من رحم ربى

**Mohamed Desoky** · 11-08-2016 08:09 PM

المشاركة الأصلية كتبت بواسطة a7medsh3rawi

الازاز عمره ما يخرم الكاوتش واخرك تلاقى مسمار وتعمله بالرقعه لكن الخابور اختراع فاشل وبيتعمدو يحطوه علشان الكاوتش يبوظ وتغيره وسيبك من النصاب ده كذاب وحرامى و40 ج كسبان فيهم فما بالك ب 120ج
امشى عليها لغايه ما تبدأ تنام كل شويه وبعد كده غيرها
الانواع تويو يابانى او هانكوك كورى او بريدجستون ماليزى
انا جبت ب 320 للفرده gt r14/185/70

ربنا ينتقم من كل نصاب اكل للحرام ؟ لو سمحت حضرتك ركبت كاوتش نوعه ايه وسعره ايه ابو 320 لانى عندى الهانكوك امامى باظ فى خلال سنتين والاصلى خلفى كومهمو وشغال كويس رغم انه قديم تنصحنى اركب ايه نفس المقاس ال 14 وشكرا