الموضوع: عاجل فليشيا

سلااااام عليكم جميعا...
تجربتى ال ٧ مع الفايفورت فى تغيير جوان الراس
طبعا ماكينه الفليشا هيه هيه ماكينه الفيفورت والفورمان.
المهم كنت جاى من السفر وماشى ١٢٠- ١٣٥رايق جدا سحب ناعم وتجميع سريع جدا وثبات انتو غارفين عربيتنا ماشاء الله عليها فى السفر . ماعلينا لقيت الحراره رفعت ..مش عوايدها خصوصا بعد تغيير المتور من حوالى سنه ونصف.
لقيت الحراره عدت النص ورفعت قرب الخط الاحمر كمان بدات الميه تفور من القربه . انا عامل مروحه بزار شده للطوارىء شغلتها هديت الحراره بس برده عاليه
ركنت ..سبتها دايره ..فتحت القربه.. زودت ميه..بصيت على غطا الزيت ..لقيت معرق طحينه
شويه والعربيه بدات شبه تتلت والحراره قرفتنى ...بقيت اقف كل ١٠كيلو ازرود ميه الاقى القربه فاضيه طبعا المياه بتطلع نصها من الشكمان ونصها بخره
سايستها لغايه ماوصلت..المهم رحت الميكانيكى وطبعا معايا جوان وش السلندر والجملاكه
حل الوش قالى مش حلو يابيه فى دوبان وبارومه قلتله نمسحه مسحه على المخرطه مرضيش وقال مش هتظبط ..المهم هات ياسيدى الوش ..طبعا الصينى مستحيل اجيبه لانى جبته من سنتين وكان عامل ١٢٥٠ وركبته وماظبتش.
فجبت وش سلندر استيراد..عامل ١٢٠٠ بصراحه كانه جديد وعملته روديه فى المخرطه وجلد صباب ب ١٠٠ جنيه
ركبنا والحمد لله وطبعا المصنعيه ٢٠٠ جنيه وجارى التجريب بس الحراره بعد التركيب مش عجبانى واقفه فى النص
والمروحه ساعات تشتغل وساغات تخرف..بقول يمكن الترموسات لما الميه خلطت بالزيت عملت عازل عليها او قللت كفائة القراءه
وبكره ان شاء الله جارى غسل دوره المياه ببنزين وتغيير الميه وتغيير زيت وفليتر
ونوافيكم بالجديد..عذرا على الاطاله بس حبيت افيد واستفيد.

تم تركيب جوان والحراره ماظبتش
ثم تم تركيب جوانين ونفس المشكله