الموضوع: مشكلة مش عارف احلها ازاي

السلام عليكم
دي اول مشاركة ليا بالمنتدي والمنتدي بصراحة ليه افضال عليا كتير في فهم حاجات كتير الواحد مكنش عارفها
عربيتي جراند بونتو موديل ٢٠٠٩ عاملة ١٢٧٠٠٠ كيلو مشتريها مستعمله

بداية المشكلة كنت بسمع صوت في تشغيل الموتور صوت تكتكة ناحية سير الدينامو المهم غير السيور كلها بقالها ٣٠٠٠ كيلو ولسه بسمع الصوت روحت مركز صيانه قالولي الصوت ده طبيعي

المهم رحت اكشف علي العربية في توكيل فيات علشان اشترك في ماي فيات
عملو كشف وتم ظهور ان كبس الموتور فيه اختلافات بين الاربع قراءات فقالي المهندس كده محتاج تعمل اجراء وقائي علشان دي بداية مشكلة في الموتور تغير طقم جوان وشنبر

سحب العربية كويس مفيش دخان من العادم مفيش تبخر زيت هل الكلام ده صح ولا فيه حاجة تانية مأثرة علي الاختبار كبوجيهات او الحقن بصراحة مش عارف اقرر وقرات كتير هنا في المنتدي بس لقيت انا مشكلتي مختلفة
محتاج النصيحة