جراند بونتو موضوع مش عارف حله ازاي

**medoalex007** · 12-08-2016 03:46 PM

السلام عليكم
دي اول مشاركة ليا بالمنتدي والمنتدي بصراحة ليه افضال عليا كتير في فهم حاجات كتير الواحد مكنش عارفها
عربيتي جراند بونتو موديل ٢٠٠٩ عاملة ١٢٧٠٠٠ كيلو مشتريها مستعمله

بداية المشكلة كنت بسمع صوت في تشغيل الموتور صوت تكتكة ناحية سير الدينامو المهم غير السيور كلها بقالها ٣٠٠٠ كيلو ولسه بسمع الصوت روحت مركز صيانه قالولي الصوت ده طبيعي

المهم رحت اكشف علي العربية في توكيل فيات علشان اشترك في ماي فيات
عملو كشف وتم ظهور ان كبس الموتور فيه اختلافات بين الاربع قراءات فقالي المهندس كده محتاج تعمل اجراء وقائي علشان دي بداية مشكلة في الموتور تغير طقم جوان وشنبر

سحب العربية كويس مفيش دخان من العادم مفيش تبخر زيت هل الكلام ده صح ولا فيه حاجة تانية مأثرة علي الاختبار كبوجيهات او الحقن بصراحة مش عارف اقرر وقرات كتير هنا في المنتدي بس لقيت انا مشكلتي مختلفة
محتاج النصيحة

**ahmed.biso13** · 12-08-2016 11:15 PM

انا راى تكمل بيها لغاية لما العطل يظهر بوضوح اكثر من كده
لانه التوكيل ممكن يعمل معاك شغل وفى الاخر يرجع العيب تانى
وبعدين انت موضحتش الصوت ده خارجى فى الديانامو
ولا داخل الماتور زى عمود الكرنك او عمود التاكيهات

**ahmed.biso13** · 12-08-2016 11:31 PM

وياريت تتواص معانا دايما على الرابط ده
رابطة مالكي وعشاق التمبرا (الجزء السادس) - الصفحة 31 - نايل موتورز - NileMotors.net

**esam_comm** · 13-08-2016 01:26 PM

نصيحه ف ميكانيكي اسمه صابر هو شغال في التوكيل فعلا وبيفتح بالليل ده دكتور فيات من الاخر ومكانه امام بوابه اسكان جامعه الازهر الحي السادس مدينه نصر للاسف رقمه مش معايا

**ELDESEL2001** · 13-08-2016 03:11 PM

صوت التكتكة اللي فى الموتور ده لو بتسمعه من ناحية الدينامو فممكن بنسبة كبيرة او فى الغالب يكون مانيفولد

**medoalex007** · 13-08-2016 05:05 PM

الصوت ده بسمعه ناحية الشمال عند السيور غيرت السيور بالبلي بتاعها
انا شاكك يا اما تاكيهات (بصراحة مسمعتهاش قبل كده)
هل رشاشات البنزين تعمل كده؟؟؟

**modykh** · 13-08-2016 08:48 PM

سلام عليكمغالبا دي مشكلة تاكيهات و هي كمان على فكرة اللي تسبب اختلاف ضغط البساتم نتيجة عدم تفريغ العادم بشكل صحيح و كمان ممكن تسبب سخونة في المحرك
حلها ظبط لو هي النوع القديم او تغيير التاكيه بس اللي معلق لو هو بيشتغل بضغط الزيت
ممكن تسال في التوكيل على سعر التاكيه الواحد و غالبا هو رخيص مش غالي و تغيره عند اي ميكانيكي