تسقيط ماتور سيفيك 92 95

**حاتم هوندا** · 15-08-2016 01:32 AM

قررت اسقط ماتور لسيارة هوندا سيفيك موديل 92 او 95 اوتوماتيك في ناس قالت يمشي عليها
المهم الراجل اللي بيبيع الماتور قالي مافيش غير ماتور الانجيكشن
هل ده ينفع يركب عليها و هيجتاج تعديل ولا ايه اصل مش فاهم بصراحه اي شيء و الميكانيكيه دوخوني
اي نصيحة رجائا عشان بجد زهقت كل صنايعي بكلمه كرهوني في العربية من اصله

**SAMEH_FOUAD** · 15-08-2016 11:50 AM

عربيتك 92 كربراتير وعايز تسقطلها انجيكشن ولا اية بالظبط ؟

عموما لو عربيتك 92 وعايز تسقطلها ماتور معاك من موديل 92-2000 كل دة يركب عليها مباشرا بدون اى تعديل فى القواعد او اى شىء

طيب لو عربيتك كربراتير وعايز تحولها انجيكشن يبقى هتجيب ماتور انجيكشن كامل ( بالضفيرة والكنترول ) + سيستم تحويل من كربراتير لانجيكشن هيكون فية ( تانك بالطلمبة والخراطيم وفلتر البنزين بالقاعدة بالمواسير بتاعتة + فلتر هواء وماسورة اسبور + ريدياتير 2 ماسورة + كتاوت طلمبة بنزين + عداد انجيكشن عشان لمبة الاعطال )

سعر الماتور دلوقتى وهقولك افضل اكواد تدور عليها لو عايز 1500 سى سى انجشكن ( d15b single vtec سعرة فى السوق 6000 جنية كامل بكل حاجاتة

سيستم الانجيكشن ب 2000 جنية

مصنعية تسقيط ماتور 800 جنية ( عند وائل سلام -

مصنعية تركيب ضفيرة الماتور 900 جنية عند حسنى الكهربائى او وليد سلام فى الحرفيين

المواتير والسيستم هتنزل تجيبها من عند

مجدى الدسوقى " الحرفيين " = 01223406486

حكيم العويلى = 01144446798

كدة معاك تقريبا كل حاجة