الموضوع: اجيب فيرنا ولا افيو اوتوماتيك

المشاركة الأصلية كتبت بواسطة borio1704

لو ما عندكش اختيارات تانية... يبقى الفيرنا بدون شك..

أول مشكلة معروفة عن الآفيو هي الصدأ.. وبالذات عند الرفارف من تحت ... وممكن كمان من عند البربريز..

تاني مشكلة.. التكييف.. أول حاجة بتضرب في العربية هو كمبريسور التكييف... وعمره لا يتعدى 3 سنوات على الأكثر... وسعره جديد لا يقل عن 2000 جنيه.

ثالث حاجة... الأمان... والآفيو زي اللانوس بالضبط... بتتحول لكومة صاج مع أقل حادثة... والآفيو لو أخدت نجمتين (من خمسة) في اختبارات الحوادث يبقى كويس قوي.. مع العلم بإن الفيرنا واخدة 3 نجوم.

رابع حاجة.. أداء العربية... فرق السحب كبير جدا... وده كمان بيأثر في استهلاك البنزين.

خامس حاجة.. الاعتمادية بشكل عام... كون الآفيو إنتاج شركة جنرال موتورز فده لوحده كفاية إنك تبعد عنها... مشاكل وأعطال ... على عكس الفيرنا...

عمرك شفت آفيو تاكسي؟؟؟؟؟ على فكره فيه كتير افيو تاكسى عندنا فى الاسكندريه كتير تاكسى والقاهره والدلتا

كفاية كده.


...

المشاركة الأصلية كتبت بواسطة borio1704

أنا من اسكندرية على فكرة.. بس أنا سايب مصر بقالي حوالي 3 سنين.. وفاكر إني كل ما أنزل القاهرة لازم أركب التاكسي الأبيض و95% بيكون فيرنا.

اسكندرية معروفة بالتاكسي اللادا.. بس بصراحة ما شفتش تاكسي آفيو لا في القاهرة ولا في اسكندرية لما نزلت في الأجازة الصيف اللي فات.

عموما.. العربية اللي بتثبت نفسها كعربية تاكسي بتبقى حاجة من اتنين... إما عربية مصاريف تشغيلها وصيانتها بسيطة... أو عربية اعتمادية أعطالها قليلة...

والفيرنا ناجحة في الاتنين.


اللي مستغربله فعلا... ليه النيسان صني الجديدة ما بقتش تاكسي... من وجهة نظري دي أفضل تاكسي ممكن تركبه علشان الوسع اللي في الكنبة الخلفية.


...

طبعا هوى نسبه التاكسى فيرنا او لانوس اكتر لكن يوجد افيو تاكسى بنسبه قليله مش زاى الانوس او الفيرنا بنسبه للنيسان صنى عشان مشكله الفرامل اللى فيها وحشه فيها عيب صناعه والتوكيل اعترف بيها لكن من موديل 2016 و2017 اللى لسه نازل ده حالو مشكله الفرامل وعيب الصناعه بس برضه بعض العملاء ظهر عندهم مشكله ف الفرامل ده للموديل 2016 لسه بقى موديل 2017 اللى لسه نازل ده مفيش حد لسه جرب العربيه كتير عشان كده الصنى مش موجوده تاكسى وكمان الصنى استهلاك البنزين عالى شويه عن فيرنا ولانوس وافيو

بس الله الرحمن الرحيم
السلام عليكم و رحمة الله و بركاته
انا ليا رأي شخصي فى الموضوع ده ممكن يفيد و ممكن لا و الاختيار الاول و الاختيار طبعا ليك . انا كان معايا الاول افيو خليجي كورى اتوماتيك موديل ٢٠٠٩ بحكم انا كنت فى السعودية و لما رجعت مصر جبت فيرنا مانيوال ٢٠١١ و مميزات و عيوب الاتنين منوجهة نظرى كالتالى :

عيوب الافيو ان الصاج بتاعها ضعيف الفيرنا اقوى منه بمراحل و كان عفشتها ناشفة و كنت باسمع منها اصوات تزييق على الرغم من الفراق الشاسع بين طرق السعودية و مصر . من ناحية التسارع بتاعها فهى بطيئة جدا بالنسبة للفيرنا و كان التكييف بيأثر جدا على عزم الموتور و ياسلام لو راكب معاك اتنبن ورا تحس انك راكب بطة بلدى .
التكييف بتاع الفيرنا اقوى بس ده ما يمنعش ان تكييف الافيو كان كويس . من ناحية الثبات الاتنين مش تمام خاصة مع السرعات العالية بس الفيرنا تمام لغاية ال١٢٠ لكن الافيو تحس انها بتعوم معاك على ال١٠٠ بسبب ارتفاعها عن الارض . الفرامل كانت الصراحة فى صالح الافيو لان الفرامل كانت abs و كوري لكن اللى اسمعه ان الافيو المصرى مافيهاش abs . لكن بالنسبة للفيرنا الصراحة الفرامل بتاعتها الحمد لله كويسة مش وحشة . من ناحية استهلاك البنزين فعلى الرغم من ان موتور الفيرنا اكبر و اسرع الا ان استهلاكها فى البنزين الاقل و من ناحية قطع الغيار ف الاتنين متوفرين و الفيرنا ارخص من الافيو_ ده من سؤالى على قطع غيار الاتنين فى مصر بعد ماجيت . و بالبحث عن اكثر السيارات مبيعا فى مصر بالنسبة لفئة الملاكى فى ٢٠١٥ و٢٠١٤ هتلاقيها الفيرنا كما ان سعر الفيرنا بقي اعي كتييير من اللانوس على الرغم من ان الاتنين نفس الفئة بل ان سعر الفيرنا بقى تقريبا زى سعر الافيو و بالمقارنة فى الاسعار الجديدة هتلاقى ان الافيو اغلي ٣٠٠٠ او ٤٠٠٠ مش بالنسبة و ال١٢٠٠٠ زى قبل كدة .
نقطة الوكلاء مش هتكلم عنها لانى ماجربتهاش
نقطة اعادة البيع و بسعر كويس فدى فى الاتنين
نقطة الوكلاء الاحسن فدى اذواق و ان كنت احب شكل الافيو اكتر
نقطة العلو عن الارض فدى في صالح الافيو عامل بيها اتخنها مطب من غير ما تخاف انها تتحك على عكس الفيرنا لو راكب معاك ناس ورا هتحك يعني هتحك .
نقطة الصراحة فى الجلوس فدى فى صالح الافيو باكتساح لان الكنبة الافيو فى الفيرنا ضيقة زائد انها مش مريحة فى قعدة السواق انا الافيو فهتستريح خاصة و لو انت طويل و مش هتتعب من القعدة الطويلة على كرسي السواق
التابلوه و الخامات الداخلية فتقريبا واحدة و ان كان تابلوه الافيو شكله احسن بعص الشئ من الفيرنا .
الفيرنا هنا فى مصر فى السعودية كانت هيوانداى اكسنت موديلات ٢٠٠٣ و ٢٠٠٤ و شوفت منها اللى ماشى ٤٠٠٠٠٠ ربعمائة الفيرنا و اكتر فحكاية ان موتور الفيرنا بيفوت بسرعة و ان موتور الافيو بيعيش اكتر لانك جنرال موتورز ماتخدش ليه و الرد الجاهز ان موتور الهيوانداى بتعتمد على تكنولوجيا ميتسوبيشي اكبر شركة تصنيع مواتير فى العالم
نقطة اخيرة نسيت اقولها موتور الافيو ممتاز و خاصة على السرعات العالية و بيجيب معاك دى انا جربتها بحكم الطرف الممتازة و السرعات المفتوحة فى السعودية لكن هنا مقرتش اجرب الموضوع ده مع الفيرنا بحكم الطرف و كدة لكن تجارب ناس قالت ان الفيرنا تجيب ٢٠٠
من ناحية تحمل موتور الفيرنا فانا مجربتش لان استخدامي خفيف لكن استخدامها كسيارات اجرة يرجح انها ممتاز و فى الموضوع ده .
الافيو دايما بتحتاج صيانة و بتطلع فيها حاجات كدة يعنى مثلا كانت ساعات فى وضع idle او المور تلاقي ان عداد الrpmوصل لتلاتة و صوت الموتور علي بدون مناسبة .
بقي صوت الموتور و النقطة دى فى صالح الافيو و ان كان الموتور فى الفيرنا عالي و خاصة مزعج لما تشغل المكيف بس ده لتن الاول مش تمام لان موتور الفيرنا نفس موتور الماتركس و الماتركس صوتها ناعم و هادى . مش هاتقول المصنع هيديك نفس مميزات العربية الاعلى كدة يعنى بنفسك سعر الفيرنا

ارجو انت اكون افدتك
حاجة اخيرة لله عشان شهادتى تبقى كاملة عيوب الفيرنا انها ناحية العفشجية شافولها حل و بيركبولها جلب تعليها و لمسكلة عدم الثبات بتركب لها جنط اعرض خاصة ان الفيرنا الاتوماتيك جنطها ١٤ و ثبتها اغلي بكتير من الفيرنا المانيوال .
و شكرا

عحبني اوي موضوع عمرك شفت الافيو تكس كلمه بسيطه بس معبره ومقنعه انا من رائيي الاتراج نفس السعر ولو مش بتسافر كتير هتكون افضل كفايا معاير السلامه والامان absواير باج

المشاركة الأصلية كتبت بواسطة احمد دودى

طبعا هوى نسبه التاكسى فيرنا او لانوس اكتر لكن يوجد افيو تاكسى بنسبه قليله مش زاى الانوس او الفيرنا بنسبه للنيسان صنى عشان مشكله الفرامل اللى فيها وحشه فيها عيب صناعه والتوكيل اعترف بيها لكن من موديل 2016 و2017 اللى لسه نازل ده حالو مشكله الفرامل وعيب الصناعه بس برضه بعض العملاء ظهر عندهم مشكله ف الفرامل ده للموديل 2016 لسه بقى موديل 2017 اللى لسه نازل ده مفيش حد لسه جرب العربيه كتير عشان كده الصنى مش موجوده تاكسى وكمان الصنى استهلاك البنزين عالى شويه عن فيرنا ولانوس وافيو

انا من ملاك الصنى 2015 وعامل 35000 كم
لسه بتيل الفابريكه - مبشتكيش من الفرامل
استهلاك البنزين المتوسط داخل المدينه بالتكييف 7.3 كم لكل 100 كم
فالسفر 6.3 كم لكل 100 كم

ياريت الصنى تكون التاكسى القادم- دا اكيد هيكون فى صالحها- انا عارف ان ملاكها هيدعوا عليا
هى موجوده كتير فشركه اوبر
كاعتماديه اكيد هتكون احسن من الكورى

يعنى اتكل على الله و اجيب نيسان صنى و ابعد عن الافيو و الفيرنا ؟