الموضوع: عودة التيريوس

بسم الله الرحمن الرحيم

بداية احب اقول اني كنت محتار جدا في اختيار اسم للموضوع ولقيت ان انسب حاجه هو عودة التيريوس علي غرار عودة الابن لاني فعلا بقيت بحب العربيه جدا و الفتره اللي غابت فيها كنت متضايق جدا من غيرها علي الرغم اني كنت بستعمل عربيتي التانيه الا ان التريوس حاجه تانيه خالص.

الحمد لله استلمت انهارده عربيتي من التوكيل و طبعا لاني زي ما انتو عارفين كنت عامل بيها حادثه و الباب بتاعي كان محتاج يتغير و شوية شغل في العتب تحت الباب والحق يقال اني علي الرغم من ضيقي من عدم استخدام العربيه لمدة شهر تقريبا الا اني بعد ما استلمتها نسيت كل ده لان النتيجه كانت بنسبة 95% زي الاصل و ال 5% اشياء لا تظهر الا بعد التدقيق.

والحقيقه اود التقدم بالشكر للعاملين بتوكيل دايهاتسو مصر علي مجهودهم واتقانهم لعملهم و هو المنتظر منهم .

انهارده اثناء انتظاري لاستلام العربيه اتيحت لي فرصه ممتازه للحوار مع المهندس محمد عبد الوهاب الشخصيه المحترمه جدا حوار جيد بفضل الله و طبعا الراجل كان متابع لموضوع المقابله ومستعد لها وقال علي سبيل المزاح انه رايح المقابله بالامر المباشر و كمان قال ان الاداره العليا للتوكيل علي علم جيد بمنتدانا العزيز وسعيده بما يجري فيه و ستعمل علي تدعيمه بأذن الله ومما اسعدني انه قال انه سعيد بعلاقته بملاك الدايهاتسو كأصدقاء اكثر منها كعلاقة تسويق او عملاء وطبعا ذكر موضوع المفاجأه اثناء المقابله ونحن في انتظارها بفارغ الصبر ان شاء الله وقد اقترحت عليه ان يدعو الممثل الشاب احمد السقا لحضور هذه المقابله بما انه من ملاك التيريوس ودي حاجه تسعد اي واحد يملك سياره دايهاتسو في مصر.

اخيرا وليس اخرا بعد استلام السياره دفعت مبلغ 165 جنيه فقط وهي نسبة 5% تحمل وثيقة التأمين (علي ما اعتقد ان التكلفه في حدود 3200 جنيه تقريبا) و طبعا ده كل اللي عملته بخصوص موضوع التأمين و فيما عدا ذلك قام به التوكيل بدون تدخلي في اي تفاصيل.

في النهايه انا سعيد جدا بعودة صديقتي العزيزه تيريوس الي جواري بعد الغياب الطويل و الحمد لله.

ايه يا جماعه مفيش مبروك و لا حمد الله علي السلامه و لا اي حاجه كده
علي العموم مبروك عليا وربنا يجعلها اخر الاحزان

المشاركة الأصلية كتبت بواسطة msh2179

ايه يا جماعه مفيش مبروك و لا حمد الله علي السلامه و لا اي حاجه كده
علي العموم مبروك عليا وربنا يجعلها اخر الاحزان

ليه بس يا باشمهندس

طبعا الف مبروك

ربنا يبارك لك فيها, و إن شاء الله ربنا يجنبك الحوادث و يحفظك من كل سوء

هو بس فى لخبطة فى المنتدى اليومين دول

Welcome back ya Terrios for your esteemed Owner

شكرا لاخي العزيز معاذ و الاخ بيردي والخ المحترم مصطفي فاروق و جزاكم الله خيرا جميعا

مبروك ياباشا على الاستلام ورجوعها ليك


بس انا كنت عاوز اعرف ان مأمن عليها تبع ايه وايه الاجراءات اللى عملتها معاهم بعد الحادثه وكده

معلش لو تقلت عليك

[align=center]°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°
اخي العزيز المهاجر جزاك الله خيرا و كلامك صحيح فيما يخص السياره الاندونيسي ان اجزاء تمثل نسبة 40%فقط هي من اندونيسيا و الباقي ياباني و لكن اولا هي ليست دفع رباعي ثانيا فرق الوزن لم يعوض بفرق في قدرة الموتور لذلك انا شخصيا افضل التيريوس الياباني لان دقة التقفيل عامل مهم جدا و ليس فقط المواد وهناك فروق غير التي ذكرت و منها النظام الصوتي مثلا واشياء اخري و في النهايه انا انصحك بالتيريوس الياباني و القرار لك و هي بفضل الله جيده و لكن لا تقارنها بسيارات اعلي مثل الراف فور او الهوندا سي ار في لانها او سياره في فئة الفور ويل.

اخي العزيز مادو جزاك الله خيرا و بالنسبه للتأمين انا لم افعل شيئا سوي انني سلمت السياره للتوكيل و ثم ذهبت لاستلامها و دفعت نسبة 5 % من قيمة الاصلاح كما ذكرت سابقا وذلك لانني امنت علي السياره من خلال الشركه العالميه و هي احدي شركات دايهاتسو مصر و عبد اللطيف جميل.[/align]

[msg]كل عام وانتم بخير[/msg]