رينو لوجان عامله كام النهارده ؟

**gemy1990** · 24-08-2016 02:16 PM

يارب تكونوا بخير جميعا ...
نويت ان شاء الله اجيب رينو لوجان لسه مكلم الليثي قالي عامله 136 مانيوال كل حاجه بس طاسات ومن غير شاشه كنت عايز اعرف احسن مكان اجيب منه و لو عايزها كامله جنوط و شاشه بكام و لو كل حاجه ما عدا الشاشه بكام و هل الشاشه دي بتتباع في التوكيل لو حبيت اركبها قدام و بكام و معلش اخر حاجه لو حبيت انا اركب حاجه على مزاجي هتزبط مع التاره المالتي ولا لا

**gemy1990** · 24-08-2016 04:30 PM

بعدين معارض تقولي الفئه دي فيها abs ومعارض تقولي لا مفيهاش هي الفئه دي فيها ولا مفيهاش اصل لو مفيهاش كدا الواحد يفكر في حاجه تانيه !!

**Silent Storm** · 24-08-2016 06:21 PM

تقريبا أعلى فئه داخله على 140 ألف الاوتوماتك
ونصيحه هات أعلي فئه بكل الكماليات علشان مش تندم بعدين, وقصدي هنا النافيجيشن
+
الabs ضروري جدا في أي اختيار ,
انا معرفش الفئة اللي حضرتك بتتكلم عليها

,
اجابة على سؤال المالتي , لا للاسف يكاد يكون مستحيل تركب سي دي من بره وتشتغل على طاره العربية

**gemy1990** · 24-08-2016 09:47 PM

اعلى فئه اوتو حضرتك وصلت ١٦١ :d
واعلى فئه مانيوال مفيهاش abs و ب ١٣٥ :)
مستعمل وخلاص حرام المبلغ دا بالمواصفات دي :(

**gemy1990** · 24-08-2016 09:48 PM

الي بتكلم عليها بيسموها e2

**Mohamed Desoky** · 24-08-2016 10:47 PM

اللوجان وصلت 140 الف ج معقول انا فاكر اول مانزلت مصر كانت 55 الف معقوله تنط كل ده ؟؟؟؟؟؟ هيا حلوه زى البيجو والسيتروين واللى سعرهم اغلى من الرينو بمراحل مش فاهم مع ان كلهم صناعه فرنسى ايش معنى الرينو ارخص من البيجو والسيتروين مش كلهم فرنساوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**keep smile** · 25-08-2016 01:03 AM

هات اللوجان اوتوماتك الفئة الثانية ( e2 ) كانت عاملة من اسبوعين 143 الف ممكن يكون سعرها زاد مش عارف
المهم التارة المالتي في الفئة التالتة
ووجهه نظري انها مالهاش لازمة لان مافيهاش غير محدد سرعة ومثبت سرعة بس ودول عمرنا ما هنستخدمهم في مصر
عموما كل اللوجان فيها دراع ورا الدركسيون للتحكم في الكاسيت

**Markmek** · 25-08-2016 02:06 AM

المانيوال حاليا مفيهوش abs.الاوتو فقط فيه .لكن للعلم فيها مكان مجهز فاضى فى حوض الموتور غالبا ممكن يتركب لو عاوز

**gemy1990** · 25-08-2016 09:20 AM

المشكله كمان ان معامله اغلب الموزعين مش حلوه بيتكلموا دا اذا ردوا من مناخرهم دا انا بسأل على عربيه ممكن اشتريها زبون يعني مش كدا يعني بيخزنوا العربيات علشان بتغلى وكمان معامله وحشه :d
المعامله تخليك تقفل من الجديد اصلا

**keep smile** · 25-08-2016 04:44 PM

المشاركة الأصلية كتبت بواسطة gemy1990

المشكله كمان ان معامله اغلب الموزعين مش حلوه بيتكلموا دا اذا ردوا من مناخرهم دا انا بسأل على عربيه ممكن اشتريها زبون يعني مش كدا يعني بيخزنوا العربيات علشان بتغلى وكمان معامله وحشه :d
المعامله تخليك تقفل من الجديد اصلا

الصراحة ماقابلتش حد اتكلم من مناخيره او حاول يخزن او ياجل بيع العربيات عشان تغلا غير معرض واحد
الباقي كانوا كويسين
اساسا السيلز بيبوسوا ايدك لو لاقوك جد في شراء العربية عشان ياخد العمولة والتارجت من بيع العربية وهتلاقيه بيتصل بيك يصبح ويمسي عليك عشان تروح تشتري منه