فيرنا ولا لانوس

**theman** · 26-08-2016 09:54 PM

سلام عليكم انا عايزاجيب عربية بسعر من 70000 لحد 85000 بحد اقصي وبقارن بين شيفروليه لانوس او فيرنا انا عايز عربية كويسة وموديلها قريب تستحمل الشقي وعداد قليل واستهلاك البنزين فيها ميكونش عالي واسعار قطع الغيار والصيانة علي اد الايد ايه رايكم فيرنا ولا لانوس ؟

**smsmsmsm1983** · 27-08-2016 05:04 PM

الفيرنا افضل الان من الانوس

**bluemail** · 27-08-2016 06:36 PM

فيرنا اوتوماتيك
بالتوفيق

**theman** · 29-08-2016 01:02 PM

المشاركة الأصلية كتبت بواسطة bluemail

فيرنا اوتوماتيك
بالتوفيق

لا مش هجيب أوتوماتيك لأن رينج السعر بتاعي ميجيبش حاجة أوتوماتيك حالتها كويسة وكمان الفيرنا الأوتوماتيك في شكاوى منها بيقولوا عليها مش حلوة انا هجيب لانوس أو فيرنا مانيوال علشان اجيبها كسر زيرو حالة ممتازة لكن الأوتوماتيك النضيف سعرها أعلى من 85 وللأسف انا معنديش إمكانية ادفع أكتر من 85

**رامي مصطفى** · 29-08-2016 02:40 PM

متهيألي حضرتك ليك موضوع قديم من سنه تقريبا او ١٠شهور عن نفس المقارنه صح؟
لو صح حضرتك ايه ماجيبتش ليه تلاسعار نطت نطه غريبه ال ٨٥ الف كانو يجيبوا حاجه محترمه جدا ايامها!!!!!
على العموم العربيتين واحد في المميزات والعيوب تقريبا الفرق الوحيد ان الفيرنا ثباتها اقل شويه واللانوس موتورها اقل من الفيرنا شويه. حضرتك شوف اللي تعجبك شكلا.
وكنت سألت سواق تاكسي جاري زمان وهو كان سواق على عربيات ناس وجرب عربيات كتير كان قالي رد منطقي وجميل
قاللي لو سواقتك معظمها جوا البلد هات فيرنا لو معظمها سفر هات لانوس
وبالتوفيق.

**theman** · 29-08-2016 03:13 PM

المشاركة الأصلية كتبت بواسطة رامي مصطفى

متهيألي حضرتك ليك موضوع قديم من سنه تقريبا او ١٠شهور عن نفس المقارنه صح؟
لو صح حضرتك ايه ماجيبتش ليه تلاسعار نطت نطه غريبه ال ٨٥ الف كانو يجيبوا حاجه محترمه جدا ايامها!!!!!
على العموم العربيتين واحد في المميزات والعيوب تقريبا الفرق الوحيد ان الفيرنا ثباتها اقل شويه واللانوس موتورها اقل من الفيرنا شويه. حضرتك شوف اللي تعجبك شكلا.
وكنت سألت سواق تاكسي جاري زمان وهو كان سواق على عربيات ناس وجرب عربيات كتير كان قالي رد منطقي وجميل
قاللي لو سواقتك معظمها جوا البلد هات فيرنا لو معظمها سفر هات لانوس
وبالتوفيق.

جبت ساعتها نيسان صني 2008 بمبلغ 90000 بس قطع غيارها وصيانتها طلعت غالية بالنسبة لي اعلي من امكانياتي بعتها من شهرين ورجعت ادور تاني ومعايا 85000 ومش هقدر ازود عليهم تاني لقيت الاسعار عليت والمبلغ ده ميجيبش غير فيرنا او لانوس انا اغلب مشاويري جوه البلد وبسافر ممكن 2 او 3 مرات فقط في السنة

**theman** · 03-09-2016 03:18 PM

طيب انا رفعت المبلغ لحد 110000 او 115000 بس مش عارف اجيب ايه انا اغلب مشوايري داخل البلد ممكن سفر 3 او 4 مرات في السنة فقط عايز اجيب عربية تكون اعتمادية قليلة الاعطال قطع غيارها تكون معقولة صيانتها سهلة مش معقدة حتي لو في التوكيل الصيني مستبعد تماما حتي لو زيرو والالماني برضه لارتفاع تكاليف الصيانة وقطع الغيار يفضل الكوري او الياباني تنصحوني بايه ؟

**dr_haitham79** · 12-09-2016 09:33 PM

هات زيرو ده اهم شئ
وانا شخصيا بفضل اللانوس عن الفيرنا
لسبب بسيط هو انى وانا قاعد فى الفيرنا بحس ان الكرسي واطى ومش ببقى مستريح فى القعدة.
الفيرنا تجميعها اسرع واحسن فعلا جوة البلد
بس فراملها وحشة مع السرعات الاعلى من 100 كيلو
اللانوس زيها فى الفرامل لكن ممكن تعديلها وموجود فى المنتدى ده بيتم ازاى.
والاتنين عموما مقاربين لبعض. المهم هات زيرو.