السلام عليكم
عندي استفسار بعد اذن حضراتكم انا عملت عمرة في عربيتي النوبيرا وبعد مستلمت العربية لقيت لمبة الزيت بترعش في وقت السلانسية لما بكون محمل رجلي ما بين الدبرياج والبنزين بس غير كده اللمبة مبتنورش وبتكون عادي وانا استلمتها من الميكانيكي بليل متاخر ومشيت بيها 300 كيلوا وهي كان فيها ده بيحصل ولما قولت للميكانيكي علي موضوع اللمبة خلاني رجعتله العربية وغير طلمبة الزيت تاني وفلتر وزيت وجاب الخراط ريح الكرنك وبرده لسه نفس الموضوع فيها فهو بيقولي كده هيحل الماتور تاني عشان يشوف ايه المشكله جوه فهل في حاجه تانيه ممكن تخلي اللمبة ترعش وهل لو فيه مشكله في الزيت جو الماتور مش المفروض اللمبة تنور بستمرار وانا مشيت كده 300 كيلوا ومحصلش مشكله مع العلم ان قبل العمرة كانت نفس مشكله اللمبة دي موجودة واسف علي الاطالة والرجاء الرد