مشكلة فى التكييف مطلوب المساعدة

**melsheshtawy** · 28-08-2016 03:50 PM

السلام عليكم زملائى الأعزاء
واضح إن عوامل الزمن بدأت تؤتى ثمارها ، بعد 5 سنوات بدون أى شكوى من سيارتى byd بدأ تكييف يمثل صداع فى رأسى كل ما أشحنه يقعد فترة والشحن يهرب تانى ورحت عند أكتر من صنايعى ما بين مش لاقى تسريب ومابين بيفتى ويغير جوان وبعد كده تهرب تانى لدرجة أنى فكرت جديا أروح التوكيل فى حد قالى إن التوكيلات بضغط بغاز ملون وبيكون سهل إكتشاف أى تسريب أسهل من السفنجة والصابونة وشغل الصنايعية ده والسؤال بقى هنا .. هل حد تعامل مع التوكيل فى تصليح تكييف قبل كده أو بمعنى أدق هل صنايعى التوكيل يتميز عن الناس اللى بره فى أى حاجة ولا شغل فهلوه برضة

**mozart face777** · 30-08-2016 04:19 AM

توكيل اية ياراجل بلا قرف وقلة قيمة شوية انجاس انت فاكر انك رايح توكيل مرسيدس حجيبلك التايهة انت رايح للحرامى تقولوا اسرقنى وانا موافق ههههههههه دة انت اكرملك تروح لبتاع التين الشوكى احسن من التوكيل

**mbx4e** · 30-08-2016 09:00 AM

عفوا هوالتسريب بياخد وقت قد ايه ؟
اقصد الفريون بعد الشحن بياخد وقت قد ايه والتكييف يسربه او مايسقعش؟

**melsheshtawy** · 30-08-2016 11:20 AM

المشاركة الأصلية كتبت بواسطة mbx4e

عفوا هوالتسريب بياخد وقت قد ايه ؟
اقصد الفريون بعد الشحن بياخد وقت قد ايه والتكييف يسربه او مايسقعش؟

كان الأول بيقعد كام شهر ، آخر مرة قعد 3 أسابيع بالضبط بعد ما آخر واحد قرر يغير جوان كده عامل زى جلدة الحنفية

**melsheshtawy** · 30-08-2016 11:21 AM

المشاركة الأصلية كتبت بواسطة mozart face777

توكيل اية ياراجل بلا قرف وقلة قيمة شوية انجاس انت فاكر انك رايح توكيل مرسيدس حجيبلك التايهة انت رايح للحرامى تقولوا اسرقنى وانا موافق ههههههههه دة انت اكرملك تروح لبتاع التين الشوكى احسن من التوكيل

طب حضرتك تعرف حد كويس وأمين نواحى الهرم وفيصل .. عشان بصراحة شغلانه التكييف دى بالذات أساسها الأمانة

**mozart face777** · 02-09-2016 10:39 AM

انا اعرف فى جسر السويس المراكبى

**mbx4e** · 03-09-2016 08:36 AM

المشاركة الأصلية كتبت بواسطة mozart face777

انا اعرف فى جسر السويس المراكبى

مشاكلة كتير

**Colin Chapman** · 03-09-2016 10:59 AM

المشاركة الأصلية كتبت بواسطة melsheshtawy

السلام عليكم زملائى الأعزاء
واضح إن عوامل الزمن بدأت تؤتى ثمارها ، بعد 5 سنوات بدون أى شكوى من سيارتى byd بدأ تكييف يمثل صداع فى رأسى كل ما أشحنه يقعد فترة والشحن يهرب تانى ورحت عند أكتر من صنايعى ما بين مش لاقى تسريب ومابين بيفتى ويغير جوان وبعد كده تهرب تانى لدرجة أنى فكرت جديا أروح التوكيل فى حد قالى إن التوكيلات بضغط بغاز ملون وبيكون سهل إكتشاف أى تسريب أسهل من السفنجة والصابونة وشغل الصنايعية ده والسؤال بقى هنا .. هل حد تعامل مع التوكيل فى تصليح تكييف قبل كده أو بمعنى أدق هل صنايعى التوكيل يتميز عن الناس اللى بره فى أى حاجة ولا شغل فهلوه برضة

انا بنقل المعلومة طالما انك بتسأل على حد والتعامل معاهم بيتم على مسؤوليتك للاتصال او الاستفسار
اسم المهندس: أحمد حنفى محفوظ
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

و

وبيركب تكيف ساندن لجميع انواع العربيات حتى ال 128 1100 سى سى او حتى ماروتى 800 سى سى

**mgamal01** · 03-09-2016 03:17 PM

السلام عليكم
في واحد إسمه زيدان الصعيدي في مدينة نصر عند رابعة أمام بنزينة موبيل، أول يمين بعد إشارة رابعة في شارع الطيران في إتجاه مصطفى النحاس، 01001260070
جربته في العربه Excel غير كل التكييف بواحد تويوتا (إستعمال طبعاً ) وكان عامل ضمان وإشتغل كويس لحد ما اتباعت