مرتب سائق خاص

**ran_73** · 28-08-2016 05:59 PM

السلام عليكم ورحمة الله و بركاته اخواتي الأعزاء عاوزة اعرف لو سائق على عربيتي يوصل الأولاد للمدرسة الصبح و يجبهم بعد الظهر بس في اليوم حوالي شغل او وقت 3ساعات اديلو كام في الشهر وجزاكم الله خيرا

**Mohamed Desoky** · 28-08-2016 06:28 PM

مفيش حاجه اسمها 3 سعات او 5 حضرتك كده محتاجه سائق خاص يبقى موجود الصبح الساعه 7 يجهز العربيه والاولاد ينزله على مدارسهم والسواق يوصلهم ويرجع يكمل شغل لحد مواعيد خروج المدرسه ويرجع الاولاد بلسلامه للمنزل مش ده المطلوب يبقى سائق خاص وده على حسب الاتفاق وله شروط معينه ؟ او سائق يكون عنده مثلا تاكسى يعنى غير متفرغ وده حسابه حسب المشوار او بليوميه وده هيكون افضل ؟ ونشوف راى باقى الاعضاء ؟

**ran_73** · 28-08-2016 06:42 PM

جزاك الله خير اخي الفاضل هي واحدة كانت بتعمل في جراج و بعدين مكان الجراج اصبح عمارة و هي مسكاها بتعمل فيها و تركن سيارتها وبتعرف القيادة و معها رخصة و اتعرفت عليها علشان تنزل معاي و انا في بداية تعلمي االفيادة يعني حصص ممارسه دلوقتي هي تيجي الصبح تودي الأولاد و بعدين ترجعلي العربية و بعد الظهر نفس الكلام تاخد العربية تجيب الأولاد و تركن العربية و تروح عمارتها بالسلامة انا مش عارفة اديها كام و خايفة اظلمها عندها أولاد و زوجها متوفي يعني بتشتغل لوحدها انا محتارة و مستني رائيكم و زي ما تقولوا حعمل سامحوني على الأخطاء الاملائيه

**Mohamed Desoky** · 28-08-2016 07:18 PM

المشاركة الأصلية كتبت بواسطة ran_73

جزاك الله خير اخي الفاضل هي واحدة كانت بتعمل في جراج و بعدين مكان الجراج اصبح عمارة و هي مسكاها بتعمل فيها و تركن سيارتها وبتعرف القيادة و معها رخصة و اتعرفت عليها علشان تنزل معاي و انا في بداية تعلمي االفيادة يعني حصص ممارسه دلوقتي هي تيجي الصبح تودي الأولاد و بعدين ترجعلي العربية و بعد الظهر نفس الكلام تاخد العربية تجيب الأولاد و تركن العربية و تروح عمارتها بالسلامة انا مش عارفة اديها كام و خايفة اظلمها عندها أولاد و زوجها متوفي يعني بتشتغل لوحدها انا محتارة و مستني رائيكم و زي ما تقولوا حعمل سامحوني على الأخطاء الاملائيه

علشان تبقى راضيه ضميرك امام الله عز وجل خليها هيا اللى تحدد اللى يرضيها وكله ثواب وصدقه عند الله لمن يفهم ان الصدقات تزهب السيئات وكله فى ميزان حسنتك وربنا يعطيكى الخير ؟

**melouk1** · 28-08-2016 07:33 PM

السواق عندي من ٩ ل ٥ بديله اساسي٢٠٠٠
و لو طول شويه بليل او بعته شغل ليه بكرمه اكتر في حاجات كتير و ده من فضل الله و مبسوط

**ran_73** · 28-08-2016 09:03 PM

المشاركة الأصلية كتبت بواسطة mohamed desoky

علشان تبقى راضيه ضميرك امام الله عز وجل خليها هيا اللى تحدد اللى يرضيها وكله ثواب وصدقه عند الله لمن يفهم ان الصدقات تزهب السيئات وكله فى ميزان حسنتك وربنا يعطيكى الخير ؟

اخي هي مش راضية تقول تقول انتي الي تشوفيه

**ran_73** · 28-08-2016 09:05 PM

المشاركة الأصلية كتبت بواسطة melouk1

السواق عندي من ٩ ل ٥ بديله اساسي٢٠٠٠
و لو طول شويه بليل او بعته شغل ليه بكرمه اكتر في حاجات كتير و ده من فضل الله و مبسوط

جزاك الله خير يعني بتحسب بالساعات

**ran_73** · 28-08-2016 09:08 PM

يااخواني قولوا اديها كام على طول انتوا .....يا اختنا اديها .....في الشهر الله يكرمكم

**ran_73** · 28-08-2016 09:10 PM

الباص بتاع المدرسة كان بياخد على الطالب 1600 في ال8 شهور الدراسة

**amr011111** · 28-08-2016 10:43 PM

الباص كده اوفر. ﻻن لو المدرسه 22 يوم فى الشهر. وهتديها يوميا 30 جنيه يبقى 600 جنيه غير البنزين واهلاك العربيه. لو بصيتى للموضوع من ناحية تانيه انك بتساعديها يبقى جزاك الله خيرا