عايزني امضي على القائمة المنقولات قبل مالحاجه تيجي طب لاقدر الله محصلش نصيب بعد الامضاء ولسه مكتبناش كتاب هل عليا ضرر بالنسبه للقايمه
عايزني امضي على القائمة المنقولات قبل مالحاجه تيجي طب لاقدر الله محصلش نصيب بعد الامضاء ولسه مكتبناش كتاب هل عليا ضرر بالنسبه للقايمه
امضي يا باشا متقلقش هو مأمنك علي بنته وانت مش عايز تمضي ورقة !!!
1- انا ضد القايمة شكلا و موضوعا
2- لو مصمم تمضي ما تمضيش حاجة قبل ما الحاجة تيجي
3- هيقول لك مخوننا قول له لا بس انت كده اللي مخونني
4- لو عمل مشكلة بناقص الجوازة
5- ما تلفش حبل المشنقة على رقبتك بايدك
أحمد كمال 1- انا ضد القايمة شكلا و موضوعا
2- لو مصمم تمضي ما تمضيش حاجة قبل ما الحاجة تيجي
3- هيقول لك مخوننا قول له لا بس انت كده اللي مخونني
4- لو عمل مشكلة بناقص الجوازة
5- ما تلفش حبل المشنقة على رقبتك بايدك
تمام كلامك بس اذا مضيت ومحصلش نصيب قبل كتب الكتاب ....هل القايمه بتكون دليل ادانه ضدي برضه في الحاله دي ...
العرف ان العريس بيمضي علي القايمة قبل كتب الكتاب مباشرة، وبتكون الحاجات جت والشقة اتفرشت
انما تمضي قبل الهنا بسنة ؟! ايه الفكره
بص العرف انك بتمضي عليها فعلا قبل الحاجه ما تروح الشقة علشان لو حصل اي اختلاف بينكوا يبقي لسه علي البر
انا كنت معتقد زيك كدة ولما سالت لاقيت الناس كلها بتعمل كدة
امضي مادام الناس امينه ومش نصابين
انا كنت في الحوار دا من اقل من شهر
السلام عليكم
شوف ياريس انت اكيد دخلت بيتهم وشوفت البيت والعلاقه بينهم انت تحدد بالنسبه لرؤيتك موقفك ايه للقايمه من تعاملاتهم بينهم مع بعض
موقف حصل معايا انا قبل كتب الكتاب جابوا القايمه ومكانتش لسه مكتملتشي كتابه مضيت علي القايمه في الاخر وقلتلهم حطوا اللي انتوا عاوزينه راح حمايا ماسك القايمه ومقطعها وقال مش عاوز قايمه
والجواز داخل علي ١٠سنين اه والحمدلله نعمه
وخلي بالك الواحد لو بيطلق ولو ملايين لو كره الزوجه لا بتفرق قايمه ولا غيره لانه بيكون زهدها
للامانه العفش كان عندي قبل كتب الكتاب بشهر علشان تركيبات الغاز الطبيعي وخلافه
الله يرحمه كنت بحترمه وبستشيره في امور حياتي وكانت اراءه ممتازه
وشوف العرف عندك ماشي ازاي وتحدد عليه
انا مره زمان قولت القايمة دي شيء مقزز
وانا من رأي استاذ احمد كمال
الجواز ده فيه رحمة و معاشرة بالمعروف
مش شركة بنمضي بعض على ورق و جو رخيص
شوفت جوازات من كل المستويات من غير قايمة و شايلين بعض فوق الراس والله
بس طالما انت راضي بكده يبقى متمضيش الا على اللي عينك تشوفه عشان متتحبسش
تخيل واحد بيتجوز و داخل على شهر عسل اجمل ايام العمر ( ده المفروض ) و بيفكر يمضي على نفسه ورق :))))
لا حول ولا قوة الا بالله ..
واضح من الشكل العام انهم مش ضامنينك و مجهزين نفسهم لمشاكل متوقعين حدوثها فى اى لحظة .. انت ليك كبير معاهم ولا انت كبير نفسك؟ مدى التزامك و قربك من ربك ومدى رضى والديك عنك و نجاحك فى شغلك + عشرتك مع نسايبك فيها مؤشرات تدلك مثلا حماك كريم؟ بيضايفك كويس؟ بيحترم عيلتك؟ بيجيب فى سيرة الناس بالكويس فى وجودك .. ذو توجهات عقلانية؟ بيخاف ربة؟ مش بيدقق على كل حاجة.. ؟ حماتك مدى تدخلها فى حياتك؟ مدى تهذب لسانها فى الحديث عن الغير و الظاهر من الزامها فى علاقتها بربها
متمضيش على حاجة قصاد ناس قلبهم ميت.. لو موجدتش فية حرص على الصلاة ورحمة بالضعيف و عطف عالفقير و عدم الشكوى المستمرة و الوجة الصبوح الواثق فى الله ثم فيك .. إدرس لو ليها اخوات قبلها اتعمل معاهم اية و استخير ربك قبل ما تمضى
توقيت الإمضاء زي توقيت دفع المهر
بندفع المهر وقت كتب الكتاب
لكن معرفش العرف في موضوع القايمة
والمفروض إن المتفق عليه بيتنفذ محدش بيطلب تنفيذه
لو خايف ينصبوا عليك يبقى بلاها الجوازة كلها
مش واثق فيهم إخلع
انا ضد الحاجه اللي اسمها الزوج يمضي على قايمة لزوجته مش واثقين فيه بلاها الجوازه
لان الاولى يمضي تعهد على نفسه انه ميزعلهاش او يتعرضلها بسوء اهم من انه يمضي انه استلم خشب
ولا البنت مش مهم و الحاجه اهم طالما الموضوع اهل الزوجة بيأمنو نفسهم منه ..
مجرد التفكير في الموضوع بيجيبلي إشمئزاز والله ربنا يكون في عون اللي بيرضى بالحاجات دي !!
القايمة دي وصل أمانة و لا دخل له بالزواج
يعني لو بعد ما مضيت بيوم رفع عليك قضية تبديد أمانة هتخسرها في أسبوع و هتبقى مطالب تسلمهم محتويات القايمة أو الثمن لو مكتوب أو تتحبس
لكن الناس بتبان إن كان ده تمسك بعادة أو طمع أو جبروت
هقولك على اررد من وجهه النظر القاونية ومن واقع تجربة شخصية لاحد اقاربى
من الناحية القانونية فقائمة المنقولات فى حالة المطالبة بالمنقولات وعدم ردها فده يشكل جريمة خيانة الامانة
وخلى بالك انه فى حالة تم مطالبتك برد المنقولات و عرضت رد قيمة المنقولات نقدا فده لاينفى قيام جريمة خيانة الامانة فى حقك يعنى احتمال دخولك السجن كبير جداااا
وكمان المفروض متمضيش على القايمة إلا بعد الحاجة متيجى عندك فى البيت كلها وتكون المنقولات المكتوبة فى القايمة مطابقة للموجود عندك فعلا
وكمان تمضى على القايمة قبل كتب الكتاب مباشرة
وده مش عيب لان ده الى بيحصل والى الناس بتعمله وانا واخواتى واصحابى الى مضينا على قايمة عملنا كده ومحدش فينا مضى على قايمة الا بعد وجود المنقولات فى الشقة فعلا وفرشها وقبل كتب الكتاب ....... لانى ازاى الواحد يمضى على حاجة ممكن تدخله السجن وهيا مش موجوده عنده
ومتقولش ان مفيش مشاكل هتحصل لان اكيد اكيد فى مشاكل هتحصل خصوصا بعد الزواج لان حدوث المشاكل شئ طبيعى بين الازواج بس بيفرق نوعية اهل الزوجة وهل هيخافوا على بيت بنتهم ولا مش هيفرق معاهم
ومع العلم ان نسب الطلاق مرتفعة جداااا وخصوصا فى السنة لاولى من الزواج واخطف رجلك لاى محكمة اسرة وشوف كم قضايا الطلاق والخلع والنفقات وتبديد المنقولات المتداولة فى المحاكم وعلى اسبب اتفه مما تتخيل
وبرده متقولش ان نسيابك مختلفين لان ساعة المشاكل هتشوف وش تانى خالص غير الى شوفته ايام الخطوبة
اما بالنسبة للتجربة الشخصية فإبن خالى عمل كده ومضى على قايمة منقولات قبل ما المنقولات ما تيجى عنده الشقة وحصلت مشاكل بينه وبين مراته بعد اربع شهور زواج فقط علشان الزوجة كانت عايز تركب وتدلدل وتكون هيا راجل البيت وهو مرضيش وطبعا اهلها وقفوا معاها فى الغلط وطبعا شاف الوش التانى عالطول ورفعوا ضده قضية تبديد منقولات وفوجئ انهم كاتبين حاجات كتير فى القايمة مش موجودة عنده وبرده لو عرض قيمة المنقولات نقدا فده برضه ممكن لا يعفية من المسؤلية وهو حاليا فى حيص بيص
ومتقولش ان ابو خطيبتك مامنك على بنته لان دى مش طريقة الناس المحترمين فى تامين البنت وكمان القانون بيامن الزوجة كويس وبتاخد المنقولات والذهب ومؤخر الصداق ونفقة المتعه ونفقة العدة ونفقة الصغير واجره الحضانة ومسكن الحضانة وكل حاجة وحضرتك يا مولاى كما خلقتنى وده كله ممكن يحصل حتى من غير غلط من ناحيتك ولمجرد العوج من الزوجة واهلها
كونك انك تمضى على قايمة فده مفيهوش مشكلة بس يكون بعد الحاجات ما تيجى بيتك وتكتب مطابقة للمكتوب فى القايمة وقبل كتب الكتاب عالطول
ومتزعلش منى بس مفيش ناس محترمين يطلبوا من خطيب بنتهم يمضى على قايمة قبل الحاجات ما تيجى والناس دى داخلة على طمع او ناويين ان بنتهم تكون هى المسيطرة ورأس البيت وعاوزين يكتفوك بالورقة دى علشان يعروفوا يعملوا الى هما عاوزينوا معاك
ههههههههههه
سلو بلدنا يا استاذ احمد
القضية مش القائمه
القضية فى البشر الى بتتعامل معاهم
انت داخل بيت و لهم ايضا مخاوفهم
دا فيه ناس لو زعلت بنتهم و غضبت عندهم مترجعش الا بعد ما تمضي علي شيك على بياض
حضرتك انا ربنا كرمني باني اكون ابو بنات
صدقني لو واحد هان بنتي اخر حاجة هافكر فيها شوية فلوس او شوية عفش
القايمة دي لتركيع الراجل و ركوبه من الست و اهلها ......
جدي ابو امي الله يرحمه رفض يمضي ابويا على قايمة و قال له انا مديك لحمي و دمي هاخاف على شوية خشب؟
و اللي عنده مخاوف ما يديكش بنته احسن ....... معلش يعني لو عنده مخاوف ..... هي الفلوس اللي هتنفعها؟
و الاهم من ده كله ..... تعالى نبص من زاوية تانية ..... لو جوز بنتي كرهها خلاص ..... هابقى مبسوط انه يخليها على ذمته عشان خايف يدفع قرشين؟
لا و الله اكرم لها ترجع لي بيت ابوها تعيش معززة مكرمة ..... عن انها تعيش مع واحد عاصر على نفسه لمونة و بيبغضها بس مامعاهوش فلوس يسلك نفسه بيها منها
انا مستغرب الصراحة من اللي بيتعاملوا مع الجواز من منطلق انه بيزنيس و بيحشروا فيه كم الماديات التعجيزية دي، مهو منطقي بعد كده نلاقي كم الجوازات الفاشلة دي طالما الموضوع فقد معناه الحقيقي و قلب بيع و شراء..
انا عن نفسي لو داخل حوار جواز و لاقيت اهل البنت مجرد فكروا يتعاملوا معايا بالمنظر ده و البنت عامت على عومهم انا هقفل الموضوع كله و هنسحب..
سوف اتكلم من الناحية الشرعية
اولا : الزوجة غير ملزمة شرعا بشراء منقولات بيت الزوجية وهي مسئولية الزوج
ثانيا : الزوج ملزم شرعا بدفع مهر للزوجة
إذا كان أهل الزوجة يساهمون في شراء المنقولات فهذا من باب تيسير الزواج ، وتفضلا منهم ويستحقون الشكر لما يقومون به
وإذا كانت الزوجة تتنازل عن مهرها تيسيرا على الزوج ، فهذا تفضلا منها تستحق الشكر عليه أيضا.
كيف ترفض ان توقع على قائمة منقولات تضمن بعض حقوق الزوجة التي قدمتها عن طيب خاطر؟
هي ليست ملزمة شرعا بتأثيث بيت الزوجية ، وانت ملزم شرعا بأداء المهر المتفق عليه
تبقى نقطة مهمة ، هي حسن اختيار الزوجة
إن أسأت الاختيار من البداية فلا تلومن إلا نفسك ، لأن المشاكل لن تتوقف عند قائمة المنقولات فقط
بل ان قائمة المشاكل لن تنتهي
حيرتووني! ! !
ليه تمضي عليها وهي لسا مجتش؟!
افرد العربيه ولعت ولا عملت حادثه ولا أي حاجة تبقي تحت رحمتهم ليه بدون داعي..؟
مع احترامي لرأيك لكني اختلف معاك في معظم كلامك..
لو هنتكلم من منطلق ان الزوج هو المطالب شرعا بتأسيس بيت الزوجيه وان اهل الزوجه بيساعدوا تفضلا وتيسيرا عل الزوج يبقي المنطق يقول انه يمضي بس علي المنقولات اللي هم هيشتروها مش علي كل شيء ...
اما بخصوص حسن الاختيار. فمفيش واحد بيتعمد يسيء الاختيار انما اوقات كتير التصنع واخفاء الحقيقه والتجمل بيخدع وبيصور للواحد انه هيتجوز ملاك من السما وبعد الجواز بيكتشف الوش الاصلي اللي بيظهر بسرعه في بعض الاحيان واوقات بتبقي العروسه تقيله وعايزه تحكم التدبيسه فبتستني لحد ما يحصل حمل وبعدين تطلع اللي جواها وبتكون من ضمن اسلحتها القايمه اللي ممكن بيها تحبسك والعيل اللي هيتبهدل لو اتربي بعيد عنك ...
اخيرا. الناس برغم تحفظها علي القايمه وانا منهم. الا انهم قالوا انه لو هيمضي علي قايمه يمضي انما علي الحاجه اللي جت فعلا وشافها وراحت بيته لكن ما يمضيش علي حاجه ما جاتش وممكن ما تجيش...
اما بخصوص سؤال حضرتك ازاي ترفض ان توقع على قائمة منقولات تضمن بعض حقوق الزوجة التي قدمتها عن طيب خاطر؟ اقول لحضرتك اولا انه ما رفضش لكنه عايز يمضي بعد ما يشوف الحاجه وده حقه.. ثانيا القايمه ما بتضمنش بعض حقوق الزوجه اللي قدمتها (اللي هي مساهمتها في المنقولات) ده بتضمن كل حقوق الزوجه اللي قدمتها واللي ما قدمتهاش ومع كده هو مش ممانع ولا جاب سيرة انه رافض ...
علي فكره. كتير من ولاد الاصول لما بييجوا يمضوا العريس علي القايمه بيبقوا محرجين انهم بيطلبوا ده ولكن بيبقوا مضطرين لاسباب زي العرف وشكليات العيله الخ ..فلما حد يطلب يمضيني علي قايمة منقولات لسه ما اشترهاش والله اعلم هيشتريها ولا لأ . ده يبقي شخص بجح وانا شخصيا ارفض اناسبه حتي لو بنته نازله من السما بجناحات...
انا مش شايف حيره خصوصا ان 95 % من الردود كانت بتقول ما تمضيش علي حاجه ما شفتهاش بعينك ودخلت بيتك...
انا هكرر رد الزملاء تاني وفي الاخر القرار قرارك وانت اللي هتتحمل مسئوليته.. قائمة المنقولات بتحبس في حالة انك ما ردتش كل مسمار مكتوب فيها بمجرد ما يطلبوها ومن حقهم يطالبوك بيها بعد ما تمضي عليها ب 5 دقايق ولو المواصفه اختلفت يعتبر تبديد . بمعني لو كتبوا غرفة نوم مكونه من سرير ودولاب وتسريحه وكمود من الخشب الزان وهي خشب ابيض وطالبوك بيها بعد كده ما ينفعش تقول للقاضي هي ده الغرفه اللي جابوها وقيس علي كده كل حاجه تانيه...
والله العظيم انا ليا واحد صاحبي مراته واهلها خدوا العفش ورفعوا عليه قضية تبديد وبرغم انه قال للقاضي ان العفش عندهم في العنوان الفلاني وطلب من القاضي يطلع معاه حد من القسم يعاين ويثبت صحة كلامه الا ان القاضي حكم عليه بسنه حبس والولد لما سمع الحكم جاتله سكته قلبيه ومات... الله يرحمه ويجازي اللي اتسبب في موته
اولا الناس بتمضي القايمه مع كتب الكتاب
لو طلب منك تاني قوله واحنا بنكتب الكتاب قبلها ع طول همضي على القايمه.
ثانيا القايمه فعلا حاجه تحسس الواحد بالإشمئزاز وفعلا ازاي البعيييد يآمنلي على بنته ويخوني في الخشب والبلاستيك.بس هوا ده السائد .الاخوه اللي معترضه على القايمه اصلا اتجوزوا ولا لسه؟؟؟؟؟؟؟؟؟؟؟؟؟
هقولك علي تجربتي شخصيا من زواج تم من عشر سنوات
انا بقي كنت شاري زوجتي لأقصي درجه و جه حمايا أتكلم معايا في موضوع القايمه دي و قلي احنا هنجيب حاجات ب١٥٠ الف من عشر سنوات
روحت قايله هات ورقه بيضه و روحت ماضي عليها و هيا فاضيه و قولتلوا حط الرقم الي انت عايزه و لو عايز أضعاف الرقم ده معنديش مشاكل .
مش عايز أقولك علّيت في نظره قد ايه و في نظر زوجتي و مامتها و اخواتها و فضلت حديث الساعه بسبب الحركه دي و انا فعلا مكنتش بعملها منظره انا كنت شاري زوجتي الي أقصي درجه
انت عارف علي مدار ال١٠ سنوات دول محدش وقف جنبي في حياتي غير حمايا وعارف ليه عشان الأب كل الي محتاجه من الدنيا ان بنته تكون مع زوج شاريها و بيدور علي سعادتها و صدقني ساعت الانفصال ولا بتفرأ مع الواحد شقه و لا عفش و لا مهر
هسألك سؤال واحد انت شاري زوجتك لحد فين ؟
وانت الوحيد الي هتقرر تمضي و لا متمضيش
إنما تجارب الأعضاء كل واحد ليه ظروفه و أكيد الظروف مختلفه أستخير ربنا و هو يدلك
نفس القصة دي سمعتها في الراديو
لحد إن الراجل قال عليت في نظرهم
و بعد شهر من الزواج حماه جالهم باستدعاء بنته على مشكلة تافهة و خدها و مشي و خد حاجتها معاه
و بعد اسبوع لقى موحضر جاي و بيقله مطلوب في قضية تبديد ممتلكات
و القايمة معمولة بمليون و نصف جنيه
طبعا الراجل راح باس ايديهم و رجليهم و مرضيوش يتنازلوا
المحامي طعن في الوثيقة إنها مش مكتوبة في وقت الامضاء و إن الناس استغلوا حسن النية
بس القانون لا يحمي الناس العالية في نظرهم
و احنا بشر
و الراجل مستني حكم بالحبس
لأنه أصلا معهوش المبلغ و مش هيقدر يتهرب لأنها امضته
فبلاش الثقة الزيادة دي