مشكلة ارتفاع مفاجئ في الحرارة نيسان صني n16

**Dr.Men3m** · 03-09-2016 08:11 PM

المشاركة الأصلية كتبت بواسطة borio1704

بقى التوكيل هو اللي قال لحضرتك شيله؟؟؟؟

يا فندم إزالة الثرموستات هي أول مسمار في نعش الموتور بدون مبالغة...

واللي بيقوللك شيله يبقى حاجة من اتنين..

إما جاهل بأساسيات الميكانيكا..

أو جاهل بردو لإنه مش عارف يوصل لسبب المشكلة الأصلي.

لا حول ولا قوة إلا بالله.. وحسبي الله ونعم الوكيل.

...

المشاركة الأصلية كتبت بواسطة borio1704

معلش سامحني.. بس أنا بضايق فعلا من الجهل اللي بقى متفشي في كل شيء في مجتمعنا..

المهم..

النيسان والعربيات اليابانية عموما مش بتستخدم نظام الدايرة المغلقة في التبريد.. على عكس العربيات الأوروبية وكل اللي بيستخدم الأفكار الأوروبية العقيمة في السيارات.

وبالتالي موضوع الهوا ده غير وارد .

راجع وجود تسريب من أي خرطوم في الدايرة... وكمان راجع غطا الرادياتير.... أي تسريب المفروض يبقى باين عندك لإنك بتستخدم المياه الملونة.

...

اولا ،،، انا بشكر حضرتك تاني على الاهتمام ،،،
بس هي دي الحقيقة فعلا انهم في التوكيل اقنعوني بأنه الترموستات دة مامنوش لازمة غير انه يخلي العربية تسخن بسرعة في الشتاء عشان برة الجو عندهم شديد البرودة ،،، وعلى ذلك وكمان بعد ماعرفت سعر الترموستات الاصلي قررت اني ماركبش غيره ،،، ماعلينا،،
ثانيا ،،، مش كل الناس خبراء في العربيات فكلنا او اغلبنا بنمشي ورا الآراء والفتاوي اللي بنسمعها،،،
المهم اني انهاردة الصبح دورت العربية لاحظت شرخ في الفبرا البلاستك السودا اللي فوق الريدياتير او اللي هي عمة الردياتير دي اللي كانت بتسرب ،،، المشكلة اني دورت وسألت كذا حد في اسوان واسيوط والقاهرة ماعرفتش اوصلها لاني عاوزها قطعة اصلية ولو حتى استيراد،،، المهم روحت لصنايعي ريدياتير وركب عمة غيرها بس صيني ،،، ياريت لو حضرتك او حد من الشباب يعرف الاقيها فين اصلية،،،
شكرا مرة تاني

**tasaka** · 03-09-2016 08:42 PM

المشاركة الأصلية كتبت بواسطة dr.men3m

اولا ،،، انا بشكر حضرتك تاني على الاهتمام ،،،

اولا مبروك حل المشكله .. و الحمد لله انها لم تتسبب فى شيئ اخر .. بس باعتب عليك انك مشيت بيها و هى بالحاله دى .. ربنا ستر

بس هي دي الحقيقة فعلا انهم في التوكيل اقنعوني بأنه الترموستات دة مامنوش لازمة غير انه يخلي العربية تسخن بسرعة في الشتاء عشان برة الجو عندهم شديد البرودةذ

تصدق بالله .. نفس الكلمتين دول اتقالو لى من اكتر من 20 سنه ..

لدرجه ان الراجل بيتحايل على علشان اشيله و انا رفضت .. و كان زعلان لاتى حاتسبب فى مشكله للموتور علشان رفضت اشيله

اول ما اشتريت الاسبرانزا اللى معى .. اول نصيحه من ميكانيكى التوكيل انى اشيل ثرموستات الكوعه .. علشان الموديل ده معروف بمشكله سخونه !!!!

يعنى الناس كلها بتتطور و تتعلم .. و احنا محلك سر بعد 20 سنه .. حتى التوكيلات