مشكلة مدوخاني في لادا 2107 انجيكشن فشل الجميع في حلها
ا مشكلة مدوخاني في لادا 2107 انجيكشن فشل الجميع في حلها
بقالي فترة سحب العربية مش مبسوط منه المهم رحت امبارح الجمعة بعد الصلاة للميكانيكي وخدت له تيل فرامل امامي وعمل الاتي
شد الكاتينه لانها كانت مرخية شوية
غير التيل
فك الحساسات وغسلها في بنزين
خرجت من عند الميكانيكي تمام بس المروحة مش عاوزة تفصل بمعني اول ما العربية تسخن المروحة بتشتغل دايركت ومش بتفصل
رحت لبتاع ريداتيرات فكه ونضفه وغيرنا الترموستات ومفيش فائدة
رحت لكهربائي قالي الكهرباء تمام ومفيش اي مشكلة
رجعت للميكانيكي تاني راجع شغله قالي كله تمام
رحت لميكانيكي عنده كشف كمبيوتر قالي العربية تمام بس المشكله ان الحرارة بتوصل ل 77 ومش بتنزل روح لبتاع شكمان ينضف لك علبة البيئة
رحت لبتاع جكمان فك العلبة وغسلها وركبها قالي الجكمان زي الفل
انا من امبارح قاعد جمب العربية وموصلتش لحل
ارجو المساعدة لتعقد الموضوع
الحل من طرف كهربائي تركيب ترموستات اعلي بدل 82/68
