مشكله فى نوبيرا 2 اوتوماتيك وعاوز الخلاصة

عندى مشكلة غريبة بقالها مده وهى ان العربية لو مشيت بيها فترة كده تنتش على الطلعة كده يعنى من وضع الثبات واجى اتحرك ادوس بنزين تقطع او متسحبش كان حاجة بتصدها او مكتفاها غيرت بوجيهات وسلوكها وعملت الجوان وغيرت زيت الموتور ونفس القصة وصوتها عالى فى المشى انما سلانسية لا هى بتعمل الموضوع ده لما تسخن وامشى بيها شوية تبتدى تعمل كده انما وهى باردة لا وهى اتوماتيك كهربا كورى موديل 99 فتيس كهربا بتقرفنى دايما فى الزحمة لان بقف وامشى تقعد تقطع او متسحبش تنتش كده بتاع 4 او 3 مرات ولازم مضغطش على دواسة البنزين جامد علشان اسايسها وبعد كده تمشى عادى ارجو الافادة ضرورى علشان مجبش حاجة والبس تمنها

حطها على جهاز سكانر كشف اعطال موتور وفتيس وخد تقرير مطبوع على ورق بأرقام واكواد الاعطال الاول عشان نقف على ارض ثابته في حل المشكله وماتكشفش عند واحد بيديك النتيجه شفوي لانه غالبا بيشتغل بطريقة عشوائية وبيوفق البرامج بتاعته على متطلبات السوق وهنا بيعتمد على خبرته والموضوع يخش في تخمينات وسكة التجربة والخطأ زي نظام صنايعية اليومين دول

الفتيس دا بسببه خسرت كتير وفي الاخر بعت العربيه..لو هي غالية عليك اقلبها مانيوال وانسي العك بتاع الفتيس دا..

الخلاصه ، الفتيس يتغير

انا مغير فتيس قريب من كام شهر ومعتقدش انة فتيس لانة بينقل عادى جدا ومفيش لمبة بتنور سواء تشيك او باور هى المشكلة لما العربية امشى بيها مده او تسخن تبتدى تنتش وتكن كده على الطلعة بس وبيزيد لما اشغل التكييف بتعملها 3 او اربع مرات وبعد كده العربية ماشية عادى اهدى او اقف امشى من الثبات تعمل الحركة دى وتمشى عادى فيه ناس قالولى موبينة او طرمبة بنزين بتودع وعلى فكرة فيه ملحوظة ان العربية وهى باردة بتبقى خشنة شوية وصوتها عالى لكن مع المشى بتنعم وصوتها يهدى نسبيا انتم ايه رايكم

المشكله دي مع واحد صاحبي في لانسر بومه 2006
وكله قال طرمبة بنزين

انا مش عارف هيفيدك الموضوع دا ولا لا

http://www.nilemotors.net/Nile/491643-2001.html

احنا محتاجين نحدد المشكله فالموتور ولا الفتيس دى اول خطوه

أعتقد المشكلة في الحساسات...

جرب تستخدم منظف دورة الوقود (منظف البخاخات).. ممكن تأثر في تنظيف الحساسات وأحيانا كتير بتجيب نتيجة مبهرة.

بس الموضوع عايز تستخدم المنظفات دي كل فترة (كل 5000 كم أو مع غيار الزيت).


...

طرمبة بنزين

اعراض طرمبه البنزين بتبان اكتر على السرعات العاليه- التقطيع بيبان اكتر على السرعات العاليه

لو ظهرت على السرعات الواطيه انا بحطه رابع احتمال بعد حساس الايديال والبوجيهات حساس ال tps وال map

ياريت تبلغنا وصلت لايه؟ مشكلت حضرتك مشكله متكرره فعربيات كتير

اقتباس:

---

المشاركة الأصلية كتبت بواسطة salam100100

اعراض طرمبه البنزين بتبان اكتر على السرعات العاليه- التقطيع بيبان اكتر على السرعات العاليه

لو ظهرت على السرعات الواطيه انا بحطه رابع احتمال بعد حساس الايديال والبوجيهات حساس ال tps وال map

ياريت تبلغنا وصلت لايه؟ مشكلت حضرتك مشكله متكرره فعربيات كتير

---

لسه مفيش جديد بس انا مقلق يكون فتيس مع انة بينقل عادى وهى مشكلتها فى الطلعة او اقف بالعربية او اهدى خالص تعمل الموضوع ده اطفيها واسيبها ساعة متعملش كده الا بعدها بشوية ولازم مضغطش على دواسة البنزين لو ضغطت تحس ان فيه حاجة حايشه العربية لازم اسيبها كده تعمل الموضوع ده مرتين تلاتة قبل الطلعة كده ومجرد ماتسرع شوية تختفى الكنة دى على السرعات مفيش مشكلة

الموضوع ده عندي في عربيتى المانيوال نوبيرا برده غيرت موتور الطرمبة و سرفيس كامل و متحلش

اقتباس:

---

المشاركة الأصلية كتبت بواسطة zendo

لسه مفيش جديد بس انا مقلق يكون فتيس مع انة بينقل عادى وهى مشكلتها فى الطلعة او اقف بالعربية او اهدى خالص تعمل الموضوع ده اطفيها واسيبها ساعة متعملش كده الا بعدها بشوية ولازم مضغطش على دواسة البنزين لو ضغطت تحس ان فيه حاجة حايشه العربية لازم اسيبها كده تعمل الموضوع ده مرتين تلاتة قبل الطلعة كده ومجرد ماتسرع شوية تختفى الكنة دى على السرعات مفيش مشكلة

---

1. ممكن تفك حساس الايديال وتنظفه باسبراى تنظيف الكاربيراتير وجرب
2. دور على صوت تسريب هواء (فسسسسسسسسسسسس) - ممكن يكون خرطوم فاكيوم اتفك وبيخلى العربيه تبرجل على السلانسيه

معلش هى كلها انصاف حلول ونظام جرب وشوف try and error دا مينفعش مع العربيات الجديده لكن نعمل ايه احنا على قدنا

اكشف على الموبينه ساعات لما بتسخن تعمل كده