السلام عليكم
مشكلة حصلت معايا من فترة ... العربية بترجرج فى الطلعة .... فعرفت انها الاسطوانة بوشت ... و قلت اتقل عليها شوية لغاية لما تجيب اخرها .... و بعدين فك الفتيس و تركيبه موضوع مرهق جدااااا
لغاية لما حسيت بخشونة فى دواسة الدبرياج .... و ده معناه ان بلية الدبرياج بدأت تبوظ .... و بالتالى .. تم اتخاذ القرار بتغيير طقم الدبرياج ....
و لكن ... مغيرتش الديسك ... علشان دورت عليه و لم اجده !!! و القديم حالته كانت كويسة .. فاضطررت الى تركيب الديسك القديم .... و اسطوانة جديدة .. و بلية دبرياج جديدة
و لاحظت ... ان الفولام .. الحدافة .. فيها رفة بسيطة ... و دى كانت غلطتى ... ركبت و لم اهتم كثيرا برفة الفولام ...
من 3 ايام ... وجدت ان نقل الغيارات اصبح تقيل جدا .... دواسة الدبرياج مش بتتحرك للاخر ... و فى النهاية .. العربية مش راضية تاخد غيارات .. فيه صوت حاجة معدن بتخبط !!!!!! و بالمرة كمان ... المارش مش عاوز يدور ....
مفيهاش كلام دى ... الفتيس عاوز يتفك
اول حاجة لاحظتها ....حلة الفتيس بعيدة شوية عن الموتور !!!!! و المسامير مهوية .. و فيه مسمار مش موجود
ترس المارش دائر فى الفولام !!!! هويت مسامير المارش شوية و هزيته ... لغاية لما ترس المارش دخل جوة المارش تانى
بعد شوية معاناة ... تمكنت من تسقيط الفتيس ... و جربت الغيارات ... الحركة عادية جدا
فكيت الديسك و الاسطوانة .... الديسك حالته جيدة .. بس ضوافره مش مستوية ... ياريت الاقى ديسك جديد
و وجدت احد السوست مكسورة .. و فيه شروخ واضحة فى الاسطوانة
انا رفعت الصور ... اتمنى انها تكون واضحة ...
و اتمنى كمان اسمع اراء حضراتكم فى سبب المشكلة .. علشان متتكررش تانى ان شاء الله ...
و ان شاء الله ... فى التركيب .. حركب طقم دبرياج جديد كاااامل ... بما فى ذلك الديسك