الدنيا واقفة النهاردة كده ليه في القاهرة؟

النهاردة الطريق آخد مني ساعة و نص للرجوع للبيت، و هو أصلا آخره نص ساعة.. الدنيا واقفة بشكل مزعج من أول شارع 26 يوليو في ميدان لبنان، مرورا بجامعة الدول العربية و ميدان سفنكس و شارع النيل في العجوزة لحد ميدان الكيت الكيت كات.. أما بأه كوبري الساحل فحدث و لا حرج.. واقف من أوله لآخره و حاجة كانت خننننننننننقة الصرحة.. الحمد لله مش انا اللي كنت سايقة النهاردة.. أخويا هو اللي كان سايق و كان عايز يطلع من هدومه ياعيني من وقفة الطريق.

دي على فكرة أول مرة الطريق يقف بهذا الشكل الغريب.. مع ان امبارح الدنيا كانت بييييييييييس جدا في طريق الرجوع من الشغل.. انما فيه ايه؟ محدش يعرف.. يمكن عشان قرب دخول العيد؟؟ الله أعلم :k15:

العيد بقة يا أستاذة علا كل سنة وانت طيبة ، وأكيد فيه حركة زيادة وبيع وشرا وطلبات
كل سنة والجميع بخير .
عندنا المنصورة هادية جدا بالنهار ولما الطريق بيقف دقيقتين ثلاثة بنقول ياه دي المنصورة بقت زحمة ولا القاهرة .. النهاردة العسكري قفل إشارة من الإشارتين اليتام اللي في المنصورة وطِّول شوية يعني دقيقتين كده ، رحت مكلكسله .. قام فاتح الإشارة على طول..
القاهرة كبلد ممكن تسوق أو تركب مواصلات فيها فعلا لا تحتمل ، ربنا معاكو جميعا يا أهل المحروسه

يعني هي جت ع النهاردة مصر طول عمرها واقفة لغاية ماتشلت

والله انا بقالي فتره مش طايق اركب العربيه
المفروض من شقتي في المريوطيه الى الصيدليه في المهندسين 20 دقيقه بالدائري
...
المشكله ان المنزل بتاع ميدان لبنان بيكون واقف من قبليه ب 3 كيلو وبيحصل شلل في الدائري كله بسبب النزله دي
لدرجه ان احيانا باخد شارع الهرم كله ثم السودان كله عشان ارتاح من وقفة الدائري...

-------------------
المصيبه الاكبر بأه ان كل الحلول المروريه مشلوله من اي اتجاه لأي مكان
تيجي تاخد الدائري او الاتوتستراد او كوبري اكتوبر او 15 مايو او من وسط البلد مصيرك هو الشلل التام

لأ هو امبارح فعلا كان شئ غير عادي.. أنا أول مرة في حياتي أشوف كوبري الساحل عامل كده من أوله لآخره، مع انه طريقي للبيت بقالي حوالي 6 أو 7 سنين، انما الشكل ده عمري ما شفته قبل كده.

انا خايفة آخد العربية النهاردة يحصل نفس اللي حصل النهاردة و شكلي هاقضيها تاكسي لحد العيييييييييييييييد :K_crying[1]:

اقتباس:

---

المشاركة الأصلية كتبت بواسطة ahmadkeshta

القاهرة كبلد ممكن تسوق أو تركب مواصلات فيها فعلا لا تحتمل ، ربنا معاكو جميعا يا أهل المحروسه

---

:K_crying[1]: :K_crying[1]: :K_crying[1]:

والله الطرق في مصر بقت زحمه على طول ماعدا يوم الجمعه ويوم السبت بتبقى الزحمه على خفيف

والواحد بقى حاسس انه مفيش فايدة خلاص لانافع محور ولا دائري ولا اوتوستراد كله زحمه لا تطاق

أنا عن نفسي بحاول اتكيف مع الموضوع دة بأني بسيب العربية وأروح بأتوبيس الشغل كل يوم ومن البيت للغشل ومن الشغل للبيت وبس ، ويوم الخميس بتفق مع اصحابي لو خارجين نخرج متأخر قوي ونسهر للصبح عشان لا نشوف زحمه ولا نتلحوس فيها

زحمة يا دنيا زحمة .....:10d5c8~1107:....... زحمة ولا عادش رحمة

الكلام ده ايام عدوية زمان .... أمال دلوقتي يقول إيه؟؟؟؟

حضرتك العيد طبعاً عامل فرق وكمان سمعت إن المترو كان عطلان طول النهار وقرأت في المصري اليوم إنه عطل 6 ساعات متواصلة بسبب قطع في كابل الكهرباء الرئيسي يوم الأحد وأعتقد كمان وقف يوم الإثنين لنفس السبب وده زود الموضوع أوي
حضرتك أنا إمبارح ماشي من شغلي في المعادي الجديدة الساعة 4 راكب العربية أنا وصلت شبرا الساعة 7 مساءاً :fdsa:

i kept asking myself all the way what is the use of staying in cairo or staying in egypt...i was afraid to die and rotten in my car

أنا كنت في أسوان الأسبوع اللي فات

بصراحه أنا راجع متعقد من الفضا و الروقان و النضافه و إحترام النظام اللي هناك
لدرجه إن الناس بتحترم الإشارة مع إن الشوارع فاضيه و مفيش عساكر مرور !!!

انا مش عارف هي ليه القاهرة بقت بالزحمه الرهيبه دي

أنا بقيت بكره أنزل الشارع و أحاول اقلل مشاويري لدرجة إن بروح الشغل بالعافيه !!

تعالوا فيصل والهرم وانتو تعرفوا الزحمة بقة بجد

امبارح كنت رايح اكتوبر من الهرم لقيت على الجنب التانى مقطوره مقلوبه وموقفه الطريق فقلت وانا راجع ارجع من المحور مشيت من اكتوبر الساعه كانت 5.10المفروض الرحله من اكتوبر لشارع جامعه الدول العربيه ياخد من 15-25 بالكتير اوى معرف بقى ايه الى حصل الطريق كان بايظ خالص وصلت لميدان لبنان الساعه 7.5 مش عارف ليه بعد ما وصلت لشارع البطل احمد عبد العزيز وقفت هناك كمان ربع ساعه ومروح البيت فى المنيل الساعه 8.5 وكان فى كميت ظباط ولوأت بطريقه غريبه بس برده محدش عرف يعمل حاجه

فعلا يوم الاثنين كان في حاجه غريبه لاني اول مره اشوف ضباط شرطه واقفين بدل الامناء في طريق رجوعي من الكليه في صلاح سالم