شكر واجب لأستاذ سامح وتجربتي مع فتيس si Auto92

**Eng.Bassem** · 08-09-2016 09:16 PM

مساء الخير لكل اعضاء المنتدى الكرام
وتحيه خاصه جدا لاستاذ سامح الراجل اللي داوشه بقالي 4 أيام وماتأخرش ولا مره في الرد عليا واجابه تساؤلاتي لحد ماوصلت لجاسم وشرحله مسبقا مشكلتي مع الفتيس .
بصراحه بوجود الراجل ده في المنتدى الواحد صعب يفكر يسيب الهوندا.

أسف للأطاله انا الفتيس بعد ماقرصت عليها في مشوار على الطريق تاني يوم لقيت السحب ضعف جدا مش بتعدي 40 كم سرعه وال rpm بيعلى ل 3000 ومافيش سحب خالص لدرجه ان العربيه تقف تماما ولو بطلت ودورت تاني ترجع تمشي بس السحب رايح خالص المهم اللي تم بعد وصولي لجاسم وبناء على ارشادات
أ سامح كانت لمبه الاعطال منوره من فتره في التابلوه بسبب حسساس السولونيد اللي على الفتيس وبصراحه رغم انها مشكله كهرباء لكن جاسم حاول معاها لغايه ما أتحلت (كانت مشكله الفيشه اسلاكها رايحه) والحمد لله لمبه الأعطال طفت وطلعنا نجرب العربيه لقينا السحب ضايع برضه لكن ساعات الفتيس يلقط نقلات وتمشي كويس وبعد ماوجعت دماغ م سامح نصحني يتغيير زيت الفتيس (ملحوظه العربيه عملت نفس الموضوع معايا من سنتين واتحل بتغيير الزيت ونزلته وحطيت زيت موبيل تاني على نضافه).

وفعلا حطيت زيت شيل واداء العربيه اتحسن في المشي لكن بليل ومع مشوار تاني لقيت السحب ضعف فنزلت الزيت وحطيت موبيل 320 النهارده وجاري التجربه ومتابعتكم بالجديد.

ملحوظه العربيه لما اجيبها على D or R وانا شادد الهاند بلاقيها بتستجيب وبتطلع لقدام او مارشيدير تمام وتقريبا كده الكلاتشات سليمه والفتيس كويس والله اعلم .

**م/أحمد عبد الفتاح** · 08-09-2016 11:23 PM

الزيت بتاع الفتيس اللى مكتوب فى الكتالوج ايه ؟؟؟؟ مش أى زيت فتيس بيشتغل لكل العربيات - المرجع هو الكتالوج علشان الفتيس مايبوظش

**SAMEH_FOUAD** · 09-09-2016 10:37 AM

ياباشا على اية بس انا معملتش حاجة كان لازم الاول على اللى انت بتحكية انى استبعد الفتيس تماما ويتم تجربة الحلول السهلة الاول واهية الحمد لله ظبطت واهم حاجة ماتتاخرش فى تنزيل الزيت او تحط زيوت نوعها وحش وخير ان شاء الله

**م/أحمد عبد الفتاح** · 19-09-2016 02:19 AM

المشاركة الأصلية كتبت بواسطة Eng.Bassem

شكرا يا باشا على مررورك الكريم وجزاك خير
بتوع قطع الغيار نصحوني ب موبيل 220 او 320 والاخير هو اللي حطيته في الفتيس ولا تزال المشكله مستمره بين التالت والرابع او الاول والتاني

يافندم موضوع الزيوت فى أى عربية مالهوش أى مرجع لابتاع قطع غيار ولاأى حد تانى غير الكتالوج بتاع الناس اللى صنعوا العربية لو مافيش عند حضرتك الكتالوج ممكن تعمل سيرش عالجوجل بسنة الصنع وماركة وموديل العربية زى المثال ده :
year brand model owners manual.pdf