كاسترول ايدج 5w30 وصل مصر

**ahmedz310** · 09-09-2016 01:17 PM

الناس اللي بتفضل زيوت كاسترول ايدج
وصل مصر اللزوجة 5W30 من
Castrol Edge Professional
بمواصفات:
Api: SN
ACEA: A5
ILSAC: GF4
وسعره 440 / 4 لتر
بس ياتري الزيت ده تخليقي من اساس غير معدني ولا من اساس معدني!!؟؟

**zeroten** · 09-09-2016 01:55 PM

يا تري موجود للبيع فين وايه المنشأ بتاعة ؟؟؟؟؟

**ahmedz310** · 09-09-2016 05:21 PM

علي حد علمي موجود في
مبني 184 ، عمارات صقر قريش،المعادي الجديده،علي الأوتوستراد
وده رقم الموزع 01001004664

**Eslam.Elrefaey** · 11-09-2016 12:10 PM

أنا حاطه بقالى شهرين فى عربيتى وكان سعره ارخص من كده بس مش فاكر كام بالظبط

**ahmedz310** · 11-09-2016 08:10 PM

المشاركة الأصلية كتبت بواسطة eslam.elrefaey

أنا حاطه بقالى شهرين فى عربيتى وكان سعره ارخص من كده بس مش فاكر كام بالظبط

عربيتك نوعها ايه؟
والزيت عامل معاك ايه فيما يخص استهلاك الوقود وصوت الموتور

**tasaka** · 11-09-2016 08:23 PM

الزيوت ال a5 حتوفر معاك من 3 الى 5% بالكتير .. لو كنت حتستعمل نفس اللزوجه بس زيت a5

لو كنت بتحط زيت تقيل شويه و لكن ضمن المواصفات حتحس بالفرق اكتر .. يعنى ممكن 5% بالتقريب او اكتر شويه

الزيوت a5 بيكون فيها اضافات لتقليل الاحتكاك .. ده بيكون من ضمن اسباب توفير الوقود .. و بتكون برضه سبب ان صوت الموتور يهدى بعد فتره من الاستعمال ( لو كان زيت نوعيته كويسه ) ..

الفتره دى مطلوبه علشان اضافات الاحتكاك فى الزيت تكون طبقه على الاسطح ( على ما اتذكر ؟؟ محتاجه مراجعه للتأكيد ) .. و بعدها ستحس بالتأثير الكامل لهذه الاضافات .. يعنى احتمال كذا الف كم و ممكن اقل من كده بكتير حسب نوعيه الزيت

**ahmedz310** · 11-09-2016 08:30 PM

المشاركة الأصلية كتبت بواسطة tasaka

الزيوت ال a5 حتوفر معاك من 3 الى 5% بالكتير .. لو كنت حتستعمل نفس اللزوجه بس زيت a5

لو كنت بتحط زيت تقيل شويه و لكن ضمن المواصفات حتحس بالفرق اكتر

الزيوت a5 بيكون فيها اضافات لتقليل الاحتكاك .. ده اللى بيكون ضمن اسباب توفير الوقود .. و بيكون برضه سبب ان صوت الموتور يهدى بعد فتره من الاستعمال ( لو كان زيت نوعيته كويسه ) .. التره دى مطلوبه علشان اضافات الاحتكاك فى الزيت تكون طبقه على الاسطح

تمام يا كبير
طب ماتعرفش زيت كاسترول ايدج ده من اساس معدني ولا من اساس غير معدني

**tasaka** · 11-09-2016 09:33 PM

المشاركة الأصلية كتبت بواسطة ahmedz310

تمام يا كبير
طب ماتعرفش زيت كاسترول ايدج ده من اساس معدني ولا من اساس غير معدني

- عيد قراءه ردى السابق لانى زودت عليه

العلبه مكتوب عليها تصنيعى بالكامل ..
- لو العلبه مكتوب عليها صنع فى المانيا .. يبقى ده تصنيعى من اساس غير معدنى اكيد
لو العلبه مكتوب عليها صنع فى امريكا مثلا .. يبقى ده تصنيعى من اساس معدنى او غير معدنى .. لن تستطيع الحكم الاكيد
- فيه طريقه تخمين .. عن طريق مقارنه السعر لان زيوت المجموعه الرابعه بتكون اغلى شويه

اى شركه بتغير تركيبه زيوتها بدون الاعلان عن ذلك .. يعنى ده سر تصنيع و لن تجد شركه تعلن صراحه عن تركيب زيوتها

يعنى حتى لو قريت معلومه على النت ممكن تكون التركيبه اتغيرت بعدها .. و بالتالى هو تخمين

كاسترول من الشركات اللى كلامها عام جدا و مايع فى وصف زيوتها على موقعها و حتى فى الداتا شيت اللى المفروض يكون فنى و واضح .. و ده هو حال 99% من شركات الزيوت فى الوصف و المعلومات الفنيه

لكن انا قريت عن كاسترول كتير علشان كنت عايز استعمله .. كلام متضارب

و لكن اللى فهمته كالاتى

- كاسترول تصنع زيوت عاليه الجوده جدا ( تعطى نفس اداء المجموعه الرابعه ) .. و تكون من اساس معدنى بصفه عامه .. و لكن برضه عندها زيوت غير معدنيه

- ان كاسترول ممكن داخل نفس مجموعه الزيوت ايدج مثلا ممكن يكون عندها منه معدنى و غير معدنى

- اللى لاحظته ان لما بيكون فيه الحاله دى بتكون الزيوت الخفيفه داخل نفس المجموعه هى اللى من اساس غير معدنى 0W20 leb .. و الزيوت الاثقل نسبيا هى اللى بتكون معدنيه

- يعنى الاكيد ان كان عندهم زيت ممتاز اسمه Syntec و ده كان بيتباع فى امريكا و كان مجموعه رابعه ( غير معدنى ) و كانت العلب بتيجى من المانيا

- لما نزل الايدج .. دخلوا فيه ال Syntec فى نفس المجموعه و اصبح اسمه ايدج .. و لكن وقتها ( من حوالى سنه تقريبا ) كان الوصف على موقعهم ليه صياغه غريبه شويه .. يعنى عايز يفهمك بطريقه غير مباشره ان موش كل الايدج تركيبه واحده .. لان ال Syntec اصبح ضمن مجموعه الايدج

- ده مجرد ملاحظه و تخمين .. و ما اعرفش ان كان ده بيحصل الى الان ام انهم غيروا لتركيبه جديده ؟؟ .. الله اعلم

الخلاصه

الكاسترول من افضل الزيوت .. و لو انا حاختار زيتين او ثلاثه للمقارنه لازم حيكون منهم كاسترول

موضوع معدنى او غير معدنى موش مهم اوى .. خصوصا لما يكون الزيت المعدنى تصنيعى بالكامل .. اللى يهمك مستوى الخدمه للزيت مثلا SN الخ

الغير معدنى طبعا افضل .. و لكن الفرق فى الاداء حيكون يسيط و الاثنين حيحققوا المطلوب

و خلى بالك ان احيانا كتير .. بيكون الزيت خليط من اكثر من مجموعه و لكن مجموعه منهم هى اللى بتكون الاساسيه الغالبه .. و اعتقد ده اساسا بيكون لاسباب فنيه للتوافق مع متطلبات معينه للاختبارات و اللزوجه و مستويات الخدمه .. او احيانا لتحسين مستوى الزيت بصفه عامه

**tasaka** · 12-09-2016 03:45 AM

- كاسترول تصنع زيوت عاليه الجوده جدا ( تعطى نفس اداء المجموعه الرابعه ) .. و تكون من اساس معدنى بصفه عامه .. و لكن برضه عندها زيوت غير معدنيه

تدقيق للالفاظ ( باللون الازرق )

كاسترول تصنع زيوت عاليه الجوده جدا ( بعضها قد تعطى اداء مقارب او نفس اداء المجموعه الرابعه ) .. و تكون من اساس معدنى بصفه عامه لبعض زيوتها .. و لكن برضه عندها زيوت غير معدنيه

**tasaka** · 12-09-2016 04:25 AM

و خلى بالك ان احيانا كتير .. بيكون الزيت خليط من اكثر من مجموعه و لكن مجموعه منهم هى اللى بتكون الاساسيه الغالبه .. و اعتقد ده اساسا بيكون لاسباب فنيه للتوافق مع متطلبات معينه للاختبارات و اللزوجه و مستويات الخدمه .. او احيانا لتحسين مستوى الزيت بصفه عامه

..
و ده توضيح تانى بعد بحث اضافى

الكلام اللى هنا ده .. ممكن يكون كله اتغير و التركيبه اتغيرت مرات عديده .. و لكن من باب العلم بالشيئ

الكلام هنا عن ان زيوت كاسترول بصفه عامه ( و ليس كل زيوتها ) تصنع من المجموعه 3 او المجموعه 3+ ( دى اعلى من 3 )

المجموعه 3+ بتكون زيوت VHVI ( مؤشر لزوجه مرتفع جدا )

هل الكلام ده سارى للان ام لا ؟؟ .. الله اعلم

Group III
Similar characteristics to Group II base stocks, Group III base stocks have higher viscosity indexes. Some Group III
base stocks with VHVI are sometimes referred to as Group III+. Group III base stocks are produced by a wide range of
processes, such as further hydrocracking of Group II base stocks, or by chemically modifying slack wax, which is the
end-product of the dewaxing process, which improves the VI. Some Group III+ oils are created by highly processing oil
into what have been called “Severely Hydrocracked,” “Chemically Modifed,” or “Semi-Synthetic.” Castrol™ Syntec® and
Valvoline™ Durablend® are oils manufactured from Group III base stocks

و هنا بيوضح ان زيت كاسترول Syntec كان يصنع من زيوت المجموعه الرابعه غير معدنى PAO .. يحتوى على 70% زيت مجموعه رابعه غير معدنى PAO و الباقى زيت اساس أخر

ثم قامت كاسترول بتغيير التركيبه بتاعت Syntec الى مجموعه 3+ معدنى بالكامل

In 1999 the Mobil™ Oil Corp. lodged a complaint against
Castrol™/Shell™ with the NAD (National Advertising Division of the Council of Better Business Bureaus). Mobil’s™
claims were that Castrol™ had changed the formulation of its “Syntec®” PCEO from a nearly 70% PAO Group IV base
to 100% mineral oil Group III+ base, and yet still misleadingly advertised the oil as synthetic. (Mobil™ itself had been
marketing VHVI Group III based oils in Europe at that time and had advertised them as synthetic.)11 It also charged that
Castrol™ had changed Syntec® to a “degraded” product to the detriment of the consumer, yet was advertising the oil as
“superior” to all other motor oils, both synthetic and conventional.

خلاصه الكلام ده ايه

- تركيب الزيوت مجهول تماما للمستخدم
- التركيب قد يتغير فى اى وقت
- يمكن خلط المجموعات مع بعض مثلا مجموعه رابعه مع مجموعه ثالثه او ثانيه مثلا
- المجموعه 3+ بتكون زيوت VHVI ( مؤشر لزوجه مرتفع جدا )عاده تنتج من معالجه الشمع WAX بالاضافه الى انتاجها بطرق اخرى .. و هى زبوت مرتفعه الاداء
- زيوت المجموعه الرابعه ايضا تنتج عاده من معالجه ال WAX ثم تستكمل مراحل تصنيعها بالاضافه الى انتاجها بطرق اخرى

يعنى كله تخمين .. الا اذا اعلنت شركه صراحه و بوضوح عن تركيب زيوتها