احذروا هذه الفوطة فهي خطر علي سياراتكم

**zeroten** · 14-09-2016 08:29 PM

اخواني في الله كل عام وانتم بخير

في مشاركتي هذه احب ان اوضح الخطر الشديد الذي يقع فيه جسم السيارة وهيكلها من الخارج بسبب ما يسمي تداولا بــ ( الفوطة الزفرة ) فهي اكبر خطر يهدد بوية السيارة بل هي اكثر خطرا من الشمس المباشرة علي صاج السيارة لأن اغلب الشركات تضع مادة علي البولش ( الملمع ) تسمي ( wax ) او الشمع وهي مادة حافظة للطلاء من الشمس والعوامل الاخري .

نعود للفوطة الجبارة التي هي المصدر الاساسي لضياع الطلاء واللمعة واختفائهما تدريجيا

والسبب ان جسم السيارة محمل بالاتربة من الجو ونضع نحن هذه الفوطة التي هي الاخري محملة بالاتربة وتقوم الفوطة بحك هذه الاتربة المليئة بحبيبات الرمل منها ومن جسم السيارة ومع الوقت يضيع الطلاء والطبقات الحافظة له تدريجيا لدرجة ان هناك سيارت وخصوصا الاجرة نجد طبقة المعجون ظاهرة عليها وبرسمة اتجاه الفوطة وخصوصا سقف السيارة (( هل تعلم ان الصنفرة تصنع من حبيبات الرمل الدقيقة ويتم لصقها علي ورق او قماش معين )).... فاحذروا اخواني منها ومن السياس الذين يقفذون علي سياراتكم في الاشارات وفي اماكن الانتظار .... وفي موضوع خاص ان شاء الله سأعرض لحضراتكم الطريقة المثلي لغسل جسم السيارة لنحافظ علي الطلاء اطول فترة ممكنة ان شاء الله وكل عام وانتم بخير .

**htkamal** · 14-09-2016 11:57 PM

مساء الخير ياباشا مهندس
طب الحل ايه ماهو مش ممكن كل يوم الواحد حيغسل العربية هل فىحل لغير الفوطه الزفرة

**Mohamed Desoky** · 15-09-2016 12:38 AM

السلام عليكم ورحمة الله وبركاته وكل عام وانتم بخير شكرا لحضرتك على المعلومه وانا شايف ان الافضل الفوطه المبلوله بماء الحنفيه هتكون افضل وانا عن نفسى عمرى مااستخدمت الفوطه الزفره لانى عارف اضرارها على البويه وكمان السايس بيزفر الفوطه بجاز على زيت مخلوط واحتمال كبير يكون فى زيت باكم بتاع الفرامل وسط الكوكتيل ده وطبعا الفوطه هتاكل البويه على طول ؟

**zeroten** · 15-09-2016 07:08 AM

مساء الخير ياباشا مهندس
طب الحل ايه ماهو مش ممكن كل يوم الواحد حيغسل العربية هل فىحل لغير الفوطه الزفرة

والله هؤلك حاجة انا عن نفسي بغادي الموضوع ده اذاي انا بكون مغطي العربية بالغطاء الجلد لانه ما بيدخلش اتربه لجسم العربية فالموضوع بيقل كتير وبحاول اشيل الاتربة من علي الزجاج بالازاحة من الجنب بقدر الامكان واكيد ظروف كل واحد مش زي التاني لو انته متاح ليك تستعمل بلاور هيكون افضل ده لو متاح وعموما غسيل العربية كل اسبوع بشكل دوري في الحالات العادية هيريحك شوية وهنعمل ايه ما باليد حيلة بلدنا جوها مترب

**zeroten** · 15-09-2016 07:15 AM

السلام عليكم ورحمة الله وبركاته وكل عام وانتم بخير شكرا لحضرتك على المعلومه وانا شايف ان الافضل الفوطه المبلوله بماء الحنفيه هتكون افضل وانا عن نفسى عمرى مااستخدمت الفوطه الزفره لانى عارف اضرارها على البويه وكمان السايس بيزفر الفوطه بجاز على زيت مخلوط واحتمال كبير يكون فى زيت باكم بتاع الفرامل وسط الكوكتيل ده وطبعا الفوطه هتاكل البويه على طول ؟

كل عام اخي الكريم مشكور لمرورك وردا علي كلامك واضافاتك الرائعة اكيد الفوطة المبلولة افضل كتير ولكن خطر الاتربة والرمله ما زال قائم .... وعلي فكرة المظلوم في الموضوع ده سواق التاكسي لانه اكتر واحد عربيته معرضه للأتربة ولوني بشوف سواقين بيغسلوا عربياتهم كل يوم ليل نهار عموما بالنسبة للعربية الملاكي غسيلها اسبوعيا وبانتظام في الحالات العادية مع الغطاء الجلد او المشمع هيوفر حماية كتير من الاتربة ان شاء الله .

**Mohamed Desoky** · 15-09-2016 09:20 PM

طبعا غطاء العربيه افضل وخصوصا فى الصيف للعربيات الغامقه خصوصا الاسود كارثه فى الصيف مع الشمس لازم العربيه تبقى بعيد عن اشاعة الشمس والاتربه بس للاسف مصر بلد الاتربه والشمس الحاميه هتروح فين الشمس من قفه المصريين؟

الموضوع: احذروا هذه الفوطة فهي خطر علي سياراتكم

LinkBack

أدوات الموضوع

عرض

المواضيع المتشابهه

الفوطة الزفرة

مساعدة فى الفوطة الزفرة

لملاك الهاتشباك..هل تشعرون بالأمان في سياراتكم؟

الفوطة (ولامؤاخذة ) الزفرة

الكلمات الدلالية لهذا الموضوع

المفضلات

المفضلات

ضوابط المشاركة