استفسار هام بخصوص زيت فتيس valvoline max life atf

**tasaka** · 20-09-2016 05:04 AM

انا عن نفسى استعملت زيت فتيس امسويل OE و كنت عارف ان زيت امسويل زيت كويس .. بس ده لانى لم اجد زيت الكتالوج ..

و كنت دائما بانصح ان الزيت المتعدد يكون اخر خيار لكن فى النهايه استعملته .. و بصراحه برضه كنت عايز استعمله لانى عارف انه كويس و كنت عايز امسويل سيجنتشر بس للاسف ما كانش موجود فى مصر

لكن بصراحه انا افضل زيت الكتالوج عن اى زيت متعدد الاستخدام .. لانه مخصص لفتيسك تحديدا .. اما الزيوت المالتى فبتكون متوافقه مع اكثر من شيئ .. فبالتالى لن بكون هناك توافق تام مع كل نوع فتيس

هل لاحظت المكتوب على علبه زيت SP iii بتاعه التوكيل Lock-up Clutch .. انا ما بعرفش فى موضوع الفتيس .. بس اعتقد دى طريقه تعشيق و بيلزمها معامل احتكاك معين على ما اظن ( مجرد تخمين ) .. انتظر رد من المتخصصين

طبعا امسويل سيجنتشر زيت متفوق .. هل ده نزل مصر حاليا و موجود ؟؟

بص الامر متروك لاختيارك و تقديرك الشخصى

**tasaka** · 20-09-2016 05:07 AM

المشاركة الأصلية كتبت بواسطة ahmedz310

المشكلة اللي هتقابلني اني الاقي مركز يقدر ينزل معظم كمية زيت الفتيس القديم
مش زي ما التوكيل بيعمل ( بينزل نص الكمية تقريباً اللي في الكرتيرة)
بالاضافة كمان اني لاقيت كتالوج الريو فيه غلطة وكاتب ان كمية زيت الفتيس 2 لتر فقط وهي اصلاً 6.8 لتر

ده رابط لتغيير زيت بالكامل .. شوفه و الامر متروك لتقديرك .. بس خليك حذر فى اتخاذ القرار ده

طريقة تغيير زيت فتيس كيا سيراتو 2010 وكارينز 2011 كامل (6.8 لتر)

انا كنت عايز اغير الزيت بالكامل و لكن الميكانيكى بتاعى خاف يعملها مع انى شرحت له الطريقه بالظبط

هى عربيتك ماشيه كام الف

**tasaka** · 20-09-2016 05:52 AM

هل انت متأكد ان دى علبه الزيت بتاعه الريو بتاعتك .. و ان فتيس عربيتك بيستعمل طريقه Lock-up Clutch ؟؟؟؟؟؟؟؟؟؟؟؟؟؟؟؟؟؟؟؟؟؟؟

استفسر كويس من التوكيل .. و يستحسن لو قررت تشترى زيت التوكيل يبقى تشتريه من التوكيل و تتأكد كويس من النقطه دى

حكايه ان كتالوج يكتب الكميه غلط دى .. الله اعلم ..

الفيصل تشوف مقاس الزيت و هو مظبوط .. و بعدين تعاير الكميه اللى اتصفت فى جركن و تشوف كام لتر نزلوا و تحط زيهم

**ahmedz310** · 20-09-2016 05:57 AM

عربيتي ماشية 50000 كم والتوكيل بيغير زيت الفتيس علي 60000 كم والكتالوج بيقول التغيير بيتم كل 100000 كم في ظروف الاستخدام الشاقة
وغالباً هغير زي التوكيل
انا قريت الموضوع ده فعلاً وشوفت كام فيديو مشابه ليه وحاليا بتواصل مع كام مركز عشان اشوف امكانية التطبيق والله المستعان
بالنسبة لزيت فتيس Amsoil signature فبقي متوافر بس سعره غالي لأنه عالي :)

**ahmedz310** · 20-09-2016 06:07 AM

مش عارف الحقيقة اذا كان الفتيس بتاعي بيستعمل طريقه Lock-up Clutch
هي كيا ريو 2015
بس اللي انا متأكد منه ان هو ده الزيت اللي بيستخدمه التوكيل حالياً
ودي مواصفة الكتالوج

الكمية 2 لتر غلط طبعاً لأن النص التاني من الكتالوج اللي بالانجليزي بيقول 6.8 لتر
( 2 لتر دي كمية قليلة)

**borio1704** · 20-09-2016 05:27 PM

المشاركة الأصلية كتبت بواسطة tasaka

هل انت متأكد ان دى علبه الزيت بتاعه الريو بتاعتك .. و ان فتيس عربيتك بيستعمل طريقه Lock-up Clutch ؟؟؟؟؟؟؟؟؟؟؟؟؟؟؟؟؟؟؟؟؟؟؟

استفسر كويس من التوكيل .. و يستحسن لو قررت تشترى زيت التوكيل يبقى تشتريه من التوكيل و تتأكد كويس من النقطه دى

حكايه ان كتالوج يكتب الكميه غلط دى .. الله اعلم ..

الفيصل تشوف مقاس الزيت و هو مظبوط .. و بعدين تعاير الكميه اللى اتصفت فى جركن و تشوف كام لتر نزلوا و تحط زيهم

المشاركة الأصلية كتبت بواسطة ahmedz310

مش عارف الحقيقة اذا كان الفتيس بتاعي بيستعمل طريقه Lock-up Clutch
هي كيا ريو 2015
بس اللي انا متأكد منه ان هو ده الزيت اللي بيستخدمه التوكيل حالياً
ودي مواصفة الكتالوج

الكمية 2 لتر غلط طبعاً لأن النص التاني من الكتالوج اللي بالانجليزي بيقول 6.8 لتر
( 2 لتر دي كمية قليلة)

أي فتيس أوتوماتك فيه خاصية الوضع اليدوي (استبترونك) لازم ولابد يكون فيه Lock-Up Clutch....

إنما الفتيس الأوتوماتك العادي مش شرط... ومع ذلك.. فالـLock-Up Clutch بقى موجود في معظم الفتيس الأوتوماتك الحديث لإنه بيساعد في توفير الوقود.. خصوصا على السرعات الثابتة.

فكرة الـLock-Up Clutch هي ببساطة عبارة عن اسطوانة دبرياج قريبة جدا من اسطوانة الدبرياج بتاعت العربيات المانيوال... ولكن لما بتتعشق بتعمل Lock على الحركة النسبية بين أجزاء المحول العزم الداخلية...

وبالتالي حركة الموتور بتتنقل مباشرة من الموتور إلى الفتيس بدون أي هدر أو تفويت (المعروف إن محول العزم بيعمل تفويت بمقدار حوالي 10% من الدوران على السرعات الثابتة).

الفيديوهات دي بتشرح طريقة عمل محول العزم وعليه الـLock-Up Clutch.

https://www.youtube.com/watch?v=z5G2zQ_3xTc
https://www.youtube.com/watch?v=eL_c9egNbTQ

...

**borio1704** · 22-09-2016 04:23 PM

المشاركة الأصلية كتبت بواسطة ahmedz310

تمام يعني كده الفتيس فيه الخاصية دي
طب في الحالة دي يبقي انهي نوع من التلاتة اللي ذكرتهم افضل لفتيس الريو

أنا شخصيا أتفق مع صديقي tasaka تماما في الحتة دي..

الزيت الأصلي هو الأفضل .. لإنه فعلا متفصل تماما على احتياجات الفتيس بتاعك.. أو بمعنى أصح.. الفتيس بتاعك متفصل على الزيت ده تحديدا.

الزيوت الـuniversal كويسة جدا .. ولكن هل تضمن إنها بتوفر كل المواصفات المطلوبة بالكامل زي ما الزيت الأصلي موفرها؟؟؟

ما تنساش إن الزيت متوافق مع متطلبات زيوت تانية كتير... وإذا كان فعلا الزيوت دي كلها زي بعضها.. يبقى ليه نوجع دماغنا ونروح نجيب بتاع الفابريكا؟؟؟ ماهو أي حاجة تشتغل مكان أي حاجة!!!

...

**tasaka** · 27-09-2016 10:07 PM

المشاركة الأصلية كتبت بواسطة ahmedz310

طب هو ايه الفروق بين Atf spiii و Atf sp-iv
لان البعض بيقول ان ال sp-iv ينفع للفتيس اللي طالب spiii
؟؟؟
وطبعاً المفروض ماينفعش

هونداى لم تعلن عن وجود توافق بين الزيتين .. ده يوضح لك مباشره بالمنطق انه غير متوافق

لان كتير من الشركات بتعلن عن التوافق العكسى لزيوتها زى هوندا و نيسان و كرايسلر و GM .. تويوتا لم تعلن عن توافق عكسى لزيوتها ايضا مثل هونداى

دى ردود لفنى تدرب و يعمل فى مصنع هونداى .. Hyundai Factory Trained Tech since 2005

بيؤكد عدم وجود توافق بين الزيتين

و بيوضح ان SP iv هو لبعض ( و ليس كل ) انواع سيارات هونداى و كيا .. لفتيس 6 سرعات دفع امامى A6 series transmissions لبعض ( و ليس كل ) انواع سيارات هونداى و كيا .. مودبلات 2011 و اعلى لبعض ( و ليس كل ) انواع سيارات هونداى و كيا

NO NO NO NO NO NO NO !!!
the SP4 is just for the A6 series transmissions in the YF sonata, MD/UD elantra etc. 6 speed autos 2011+ only !!

Sp4 is for the new six speed auto in the new sonatas,accent,elantra, and santa fes and tuceons. Basically all the current bodystyles are the only things that take sp4. The genesis take ZF lifeguard thats 100 bucks a quart. Other than those exceptions 95% of the hyundais on the rd in usa take spIII

و ده رد احد ملاك هونداى انه اتصل باثنين Dealers لهونداى و قالوا له ممكن خلطهم مع بعض .. و لكن رد هونداى نفسها لما اتصل بيهم كان الا يخلط الزيتين على بعض

Yep, don't mix them.

Funny, I called 2 Hyundai dealerships in my area and they said it's OK to mix them a few years ago when I first got my car,

but Hyundai said not to, as well as this TSB, so don't