الموضوع: من فضلكم ساعدوني - مشكلة صدأ بسيارة لادا

موضوع التكلفة ما حدش هيقدر يفيدك فيه لانه تقديرى و يختلف من سمكرى لاخر و حسب حجم الاجزاء البايظة و ممكن تصور الاجزاء البايظة بحيث نحاول نديك رينج تكلفة تقديرية للسمكرة و الدوكو
بالنسبة لتغيير اللون اذا كانت العربية فابريكة برة و جوة يبقى اياك تغير لونها او حتى ترشها كلها على نفس اللون لان ده هيخسف قيمتها و اذا كان فيه اجزاء محتاجة تترش رشها لوحدها عشان تبقى اسمها مرمات بدل ما تبقى اسمها رشة نضافة برة

والله من خبرتى المتواضعة بالسيارات اعتقد انه دى مشكلة كبيرة شوية وتحتاج لحل جذرى بمعنى انه لابد من الذهاب لسمكرى 10 على 10 وسمعته تمام وياريت لو مجمع او ورشة متكاملة فيها كل التخصصات لعلاج هذا الموضوع وبالنسبة لموضع المرمات وعدم الرش والكلام ده اعتقد ان هذه التصورات فات زمانها الان مع اعتذارى للاخ صاحب الرد وخاصة لو انت اشتريت العربية بهدف انك تركبها وتقضى بيها امور حياتك وناوى تخليها معاك فترة من الزمن العالم دلوقت عايش فى وادى والناس فى مصر عايشة فى وادى ياسيدى الفاضل المفروض انه السيارة اصلا تستخدم لفترة لا تزيد عن خمس سنوات وبعد كده تقلب وتشترى غيرها بس فى اليد قصيرة والعين بصيرة.

صور الاجزاء اللي فيها بارومة وارفعها عشان الصورة تكون اوضح للاعضاء ونقدر نقول حتتكلف كام تقريبا

tعلي فكرة العربية رشة برة بس ومن جوة فابريقة اين الردود