سلاموا عليكوا..
انا معايا لانسر 1600 .. والعربيه تمام والحمدلله
بس النهاردة سمعت صوت غريب.. اول مرة اسمعه بعد 11 الف كيلو..

في زنه كده خفيفة بسمعها لما بدوس بنزين , ظهرت النهاردة فجاة..
هيا مش عاليه بس الى يركز يسمعها ..
ولما بدوس فرامل بتروح وبعدها ترجع تانى طول مانا ماشى..
بس هيا موجوده لما بدوس بنزين بس.. انما لو واقف والعربيه دايره مش بتبقى موجوده.

ولما بدوس فرامل بيبقى في تصفيره بسيطة كده, مش مسموعة بس انا خدت بالى منها.

فهل دا مثلا يكون تيل الفرامل؟

والزنه المتواصله دى ممكن تكون بسبب ايه؟

وسؤال بعيد عن الموضوع .. تحت الدركسيون , عند مفتاح الكبوت , تحتيه فيه اسلاك, هل الاسلاك دى ليها غطا ولا هيا الطبيعى انها مكشوفة, اصل انا حاسس انى خبطت حاجة بشوز سيفتى كنت لابسه ساعتها وانا نازل من العربيه في المنطقة دى.

ياريت تفيدونى يا لانسرواية.

شكرا مقدما.