الأهم من درجة اللزوجة هو مستوى الأداء المطلوب من الزيت... بمعنى إن إيه هي أكواد الـapi أو acea أو ilsac المطلوبة؟؟؟
هي دي الحاجة الأهم اللي تدور عليها الأول... وبعدين ابقى دور على اللزوجة.
خلي بالك...
أغلب الكتالوجات اللي بتنصح بلزوجة 10w-30 بس بتبقى كتالوجات أمريكية...
اللزوجة دي متوفرة بسهولة جدا هناك وتعتبر اللزوجة الشعبية الأولى المنتشرة في أمريكا..
فلو لجأت لكتالوج أمريكي.. أرجو إنك تشيل اللزوجة دي من دماغك.. وحاول توصل لكتالوج العربية بتاع الشرق الأوسط.. لإن غالبا هتلاقي لزوجات تانية موجودة بسهولة في السوق..
على سبيل المثال..
كتالوجات كيا/هيونداي في أمريكا بتنصح بـ3 لزوجات بس.. 5w-20 أو 5w-30 أو 10w-30
نفس الكتالوجات في الشرق الأوسط بتنصح بـ4 لزوجات.. 5w-30 أو 10w-30 أو 15w-40 أو 20w-50
إنما توصيات مستوى الأداء واحدة في الاتنين.
...
المفضلات