الموضوع: الى توكيل بروتون في مصر مع مناقشه الى بروتون ماليزيا

المشاركة الأصلية كتبت بواسطة tweety26980

وعموما ياجماعه
اناوالله قبل ماشتري الجين 2 ولا كنت اعرف حاجه عن موضوع الفجوه دي في التسارع
وثانيا ده عيب في السيارات لانه مش مكتوب كده في البروشور بتاع العربيه انها بتكون مخنوقه في الار بي ام من كذا لكذا
وثالثا عيب اوي لما شركه كبيره زي بروتون ولوتس يقعوا في حاجه زي دي
ولو مش عاجبكم فكرتي يبقى كأني ماقلتش حاجه
وبعدين انا واحد من الناس اللي رحت التوكيل 3 مرات في اسبوع عشان موضوع الغربله وكان الذنب مش ذنبي اساسا في كل اللي حصل من البدايه
وتعالى النهارده العربيه مش زي الاول طبعا ولو كانت اه اتحسنت شويتين بس انت لما بتزهق من حاجه بترضى بأقل الخساير
واشكركم

ياباشا محدش قال ان فكرتك وحشه .... انتا ممكن تغير الفلتر الى عندك ب فلتر ال IAFM لكن للاسف ده حيكون على حسابك الشخصى ماتقدرش تقول حاجه للشركه او التوكيل لان ده مش عيب تصنيع ... انا معاك انه خطأ هندسى اثر على اداء العربيه لكن مش عيب تصنيع ف متقدرش تطالب الشركه بتغيره , ده قصدى من كلامى .
ال IAFM يعتبر تعديل زيه زى الكامبرو CPS يعتبر تعديل , هل من حق الناس الى معاها واجا كامبرو انهم يطالبو بتعديل مواتيرهم ل موتور الCPS اكيد لا .

لكن بعيد ان الIAFM و موضوع فقد العزم .... لو العربيه فيها اى مشكله انتا من حقق تروح التوكيل و تغيرها او تصلحها مجانا و لو التوكيل معملكش الحاجه مظبوط او زى ما انتا متوقع ابعت ميل لبروتون مباشرتاً و اشتكى لجهاز حمايه المستهلك و يبقى كده ده حقك .

صدقنى انا شخصيا فى صفك مش فى صف التوكيل " لانى انا كمان متضايق منهم " بس انا بقولك على الشئ الى من حقك و الشئ الى مش حقك .

عموما انا عندى رأى ممكن مش عارف اذا كان كويس ولا وحش .

ممكن تتجمعو " مُلاك الجين 2 الى حاسين اوى بمشكله مع موضوع فقد العزم " و تناقشو مسأله تعديل الموتور ل IAFM و حاولو تاخدو احسن سعر للتعديل ده من التوكيل .... يعنى لو التعديل ده حيتكلف 150 دولار .. يعنى تقريبا 800 جنيه فى مقابل تحسين اداء السياره اعتقد المبلغ مش كبير اوى ...... بس هى المشكله طبعا ان التوكيل لو سعر القطعه ب 800 جنيه حيدهالك ب 2000 جنيه , فهنا ممكن تبدأو تتكلمو مع التوكيل فى مسأله السعر بحيث انه يعملها بدون نسبه ربح .