السلام عليكم .. انا لسه شاري لانوس 2007 وعاوز اغير مياه الردياتير ومش عارف العربية فيها ميه ايه عشان فتحت القربة لقيتها فاضيه .. ومش عارف اعمل ايه ومش عارف اجيب انهي نوع مياه ارجو الافاده من اصحاب الخبره
عرض للطباعة
السلام عليكم .. انا لسه شاري لانوس 2007 وعاوز اغير مياه الردياتير ومش عارف العربية فيها ميه ايه عشان فتحت القربة لقيتها فاضيه .. ومش عارف اعمل ايه ومش عارف اجيب انهي نوع مياه ارجو الافاده من اصحاب الخبره
اكشف الاول عل دوره التبريد بتاعت الريدايتر و املي القربيه مايه لحد ما تكتشف التسريب فين و بعد ما تشيك عل الدوره كلها و انها تمام تروح اي بنزينه موبيل عندهم غسيل دوره ردياتير تغسل و تحط مايه خضرا
املي القربة مايه من الحنفيه ؟؟؟
وهو كدا يبقا اكيد في تسريب عشان القربة فضيت ع الاخر ؟؟؟
اه من الحنفيه ولا تجيب جركن ب 40 جنيه مايه خضرا و يقع عل الارض لحد ماتروح لبتاع الردياتير عشان يشوف التسريب فين بظبط
عندي كانت بتفضي خالص و عربيتي بتزود من القربه بس و اكتشفت ان القربه مكسوره و مع ضغط الحراره بتبخر المايه من الشرخ ده
اكشف على التسريب حته لو حطيت ميه ايدا مثلا لو كبايه واو اى حاجه يكون ليها لون تكون رخصيه عشان تكتشف التسريب بسرعه لان ميه ملونه بتبان مكان التسريب وتعمل لون مكان اى تسريب وبعدين تعالجه خلى بالك تمشي وهو تسريب كتير كده لان القربه لوحده بتاخد ممكن 2 لتر يعنى تسريب كتير
لو لقيت المايه ام 25 المصري دي من الحنفيه متلونه اخضر حطها و تجري عل بتاع الردياتير عدل هتوريك التسريب احسن بس كده كده لازم تعمل غسيل دوره تبريد لردايتر فمش تفرق نوع المايه اوي معاك لانها كده كده رايحه
تمام شكرا جدا ليكم وبارك الله فيكم
يا جماعة انا بستخدم ماية حمراء من موبيل قالوا لى هى افضل وانا شايف اغلب الاعضاء بيقولوا ماية خضراء اغير بماية خضراء ولا لا مع ملاحظة ان محدش قال لى ان الماية الحمراء غلط بتاعة موبيل بالعكس قل ما اقول لحد يقول لى ممتازة
معرفش الفرق اوي بس في شركات تقول متحطش الا مايه خضرا بس و متحطش حمرا بسبب درجه الحراره تحت الصفر و المايه متجمدش جوه الماتور بس في مصر مش بتوصل للصفر و احنا بنحط المايه دي عشان انها مش بتتبخر عند درجه حراره 100 عند 160 في الغالب المهم ان المايه تكون ملونه و فيها ايثلين جليكول عشان تستحمل لحد فوق 100 درجه c بس كده و مش فيها املاح زي مايه الحنفيه غير كده الفرق في انها تجمد ولا لا و احنا في مصر فمش هتفرق معاك و عمليه الغسيل كلفتك كام بالمايه