سلام عليكم مهندسينا وخبرائنا الأعزاء
عندي خطأ متكرر في السيارة وهو
p0170
P0173
وأيضا السيارة بتطفي عند فتح التنك لتعبئة البنزين
السيارة سبورتاج 2007 ، 2700 سي سي ، 6 سلندر بمواصفات أمريكية
مع خالص الشكر لكم
عرض للطباعة
سلام عليكم مهندسينا وخبرائنا الأعزاء
عندي خطأ متكرر في السيارة وهو
p0170
P0173
وأيضا السيارة بتطفي عند فتح التنك لتعبئة البنزين
السيارة سبورتاج 2007 ، 2700 سي سي ، 6 سلندر بمواصفات أمريكية
مع خالص الشكر لكم
الاكواد دى معناها ان الكمبيوتر مش قادر يظبط نسبة البنزين إللى نسبة الهواء فى المحرك نظراً لأن كمية الهواء تجاوزت الحد اللى يقدر يخلى الكمبيوتر يضخ كمية البنزين المناسبة لكمية الهواء - وده سببه غالباً وجود تسريب هواء من خطوط الفاكيوم او ان الـماف فيه مشكلة - بس لو ربطنا الكودين مع تبطيل السيارة فجأة عند فتح غطاء تانك البنزين يكون الاحتمال الاكبر وجود مشكلة فى احد مكونات منظومة المحافظة على البيئة الخاصة بخط البنزين (غير علبة البيئة اللى فى الشكمان) ودى بتبقى مكونة من علبة بها فحم كربونى بجوار تانك البنزين وتسمى الكانيستر(فايظ البنزين بينزل فيها) ومزودة ببلف كهربائى + بلف ابخرة كهربائى بجوار المحرك اسمه purge valve - ولكن فى البداية تأكد من إن غطا البنزين سليم والجوان بتاعه كويس- وكمان تأكد من سلامة التوصيلة الكهربية للبلف و ان الخراطيم الراكبة على بلف الابخرة purge valve سليمة ومتوصلة كويس ومافيهاش تنفيس لأنها اكبر مصدر للفاكيوم لو كانت بايظة - تأكد من سلامة علبة الكانيستر من حيث وجود اى شرخ أو انسداد بها - وتأكد من سلامة البلف الموجود على علبة الكانيستر وسلامة توصيلته الكهربية والخرطوم الخارج منه .
صورة توضح مكان الـ purge valve وهو بجوار البوابة
http://i1383.photobucket.com/albums/...pspdcan2lk.jpg
ربنا يجازيك خير ويجعله في ميزتن اعمالك يارب
شكرا لك
مهندس احمد سلام عليكم
أنا شيكت على الاسلاك والخراطيم ومفيش مشكلة ، وسألت على علية الكانستر لقيتها مش موجودة في التوكيل ،وطلبتها من كيا انترناشونال ، ووصلت وغيرتها الحمد لله
لكن لازالت مشكلة تبطيل السيارة كما هي
طبعا أنا لسه معملتش ريست للأخطاء بعد تغيير الكانستر ، ومجرد ما غيرتها فتحت غطاء التانك فمبطلتش ، لكن وقفت عالبنزينه راحت مبطلة مباشرة
رجعت للميكانيكي ، فتح التانك وجد زي صوت غليان ،،،،، وقالي احتمال يكون في هواء بيدخل للتانك هو اللي بيعمل الصوت
ولذل ننتظر يومين ونعمل ريست للأخطاء ونشوف
ايه رأيك ياباشا ؟
هل تم الكشف على خراطيم ووصلات الكهربا بتاعة ال purge valve ولا لسه زى ماقلتلك قبل كده البلف ده بيسبب فاكيوم بدرجة كبيرة جدا
عموما اعمل كلير للاعطال وشوف الاخبار ايه الاول
الكودين نفس الخطأ و لكن علشان العربيه 6 سلندر بيطلع كود لكل Bank
دى اسباب العطل فى كيا تحديدا
P0170 KIA Fuel Trim Bank 1 Too Rich Or Lean
http://www.autocodes.com/p0170.html
P0173 Kia Fuel Trim Bank 2 OBDII Engine Light Trouble Code | Engine-Codes.com
و دى اسباب العطل بصفه عامه فى السيارات الاخرى
https://www.obd-codes.com/p0170
https://www.obd-codes.com/p0173
مساء الفل يا بشمهندس، أنا سهرتي الليلة كانت في الورشة ، لأن العربية مش مظبوطة من امبارح ، بعد تغيير الكانستر ،،،، مع أي فرامل تبطل ، وبعدها لما تدور بيبقى السحب ميت جدا ومخنوق فترة وتدوس علاخر عشان تبدأ تسحب .
رجعت بالليل للورشة ، الفني شيك على شغل زميله وقلب الوصلتين الصيغيرن بتوع الكانستر واحدة للبلف والتانية مكتوب عليها بريجر (ضغط) ، وبقت تسحب كويس مفيش مشكلة ومبتبطلش مع الفرامل ، وبحسها بقت خفيفة عن الأول كمان.
لكن هو لاحظ ان بلف الكانستر مش شغال ، يعني بيفصله ويركبه ومفيش أي تغيير او صوت ،،، ولما بيفصل خرطوم من الكانستر صوت الغليان اللي في التانك بيروح .
وهو شيك على البلوف اللي في حوض الماكينة وشغالين تمام .
واخيرا قالي البلف بتاع الكانستر كهربته شغاله تمام لكن شكله بايظ وعايز تغيير ، وبحثت عنه لقيته ب 65 دولار ،،،،،
ايه رأيك ياكبير ؟؟؟؟
http://www.kiapartsnow.com/genuine/k...em%2c%2c31435A
دي صورة القطع بتاعتها
314352D501 - Kia Parts Now
يبقى الكانيستر كان متركب غلط !!!!!
عموماً هل لمبة الأعطال طفت ولا لسه منورة ؟
وهل جربت تمون وفتحت الغطا العربية بطلت ولا مجربتش ؟
عملت ريست للاخطاء وجربت أمون والعربية مطفتش ،، لكن بعد فترة نورت تاني وادتني مجموعة اخطاء كتير نفس الاولى وهي مس فاير على السلندرات الستة والخطأين 170، 173 ،،،، والجديد بقى هما كودين اول مرة اشوفهم
p0447
p0453
وللاسف العربية بتموت ومبقتش تسحب في اوقات كتير وشوية تلاقيها سحبت عادي
قربت أتجنن منها والله يا بشمهندس
اعتقد كده ان الخرطومين الصغيرين اللي قلبهم الفني اخر مرة ممكن يكونوا عكس ولازم يرجعوا زي الأول
او مش فاهم
منتظر رد حضرتك
تحياتي
القول الفصل للمهندس احمد عبد الفتاح .. و دى شويه روابط للمساعده فقط
الخطئين الجداد دول خاصين ب EVAP System .. يعنى دوره الوقود بسبب قراءه ضغوط خارج المدى المسموح
ده فى كيا تحديدا
P0453 KIA EVAP Emission System Pressure Sensor High Input
P0447 KIA EVAP Emission System- Vent Control Valve Circuit Open
و ده بصفه عامه
https://www.obd-codes.com/p0453
https://www.obd-codes.com/p0447
احتمال الوصلتين معكوسين .. و ده سبب قراءه ضغوط خارج المدى المسموح اللى سببت الخطئين الجداداقتباس:
رجعت بالليل للورشة ، الفني شيك على شغل زميله وقلب الوصلتين الصيغيرن بتوع الكانستر واحدة للبلف والتانية مكتوب عليها بريجر (ضغط) ، وبقت تسحب كويس مفيش مشكلة ومبتبطلش مع الفرامل ، وبحسها بقت خفيفة عن الأول كمان.
هو بيكون فى الدوره بلف للتهويه .. و اعتقد ( موش متأكد ) فى العاده بيكون مفتوحاقتباس:
لكن هو لاحظ ان بلف الكانستر مش شغال ، يعني بيفصله ويركبه ومفيش أي تغيير او صوت ،،، ولما بيفصل خرطوم من الكانستر صوت الغليان اللي في التانك بيروح .
وهو شيك على البلوف اللي في حوض الماكينة وشغالين تمام .
واخيرا قالي البلف بتاع الكانستر كهربته شغاله تمام لكن شكله بايظ وعايز تغيير ، وبحثت عنه لقيته ب 65 دولار ،،،،،
و بيتقفل وقت اختبار دوره الوقود .. علشان التأكد من ان الدوره محكمه و ليس بها تسريب
و ده برضه اعتقد حيتسبب فى ضغوط زايده لو التوصيل معكوس
فى جميع الاحوال ( بغض النظر عن الخطئين الجداد .. اتأكد من كل فيش الحساسات على دوره الوقود انها سليمه و موصله كهربا كويس
القول الفصل للمهندس احمد عبد الفتاح
العفو يافندم كلام حضرتك كله مظبوط - واضح ان اللى ركب الكانيستر عك الدنيا مع ان المفروض الموضوع سهل وبنركب الجديد بنفس طريقة تركيب القديم والموضوع مش كيميا - الاكواد اللى عندك دى معناها ان خط ال purge اللى رايح للبلف اللى جنب الموتور قارى ضغط والمفروض انه يقرا سحب (فاكيوم ) فطبعا الاشارة رايحة للكمبيوتر غير الطبيعى بتاعها - كمان البلف بتاع التهوية اللى على الكانيستر الوضع بتاعه فعلا الطبيعى انه مفتوح - حاحاول ادور على رسمه للخطوط بتاعتك الاصلية علشان توصل الخراطيم زيها وبعد كده لازم حد يختبر البلفين التهوية وال purge
بيتهيئ لى .. انت لم تذكر سابقا فى الموضوع وجود خطأ مس فاير .. و ايه الكود اللى طلع ليهاقتباس:
وادتني مجموعة اخطاء كتير نفس الاولى وهي مس فاير على السلندرات الستة والخطأين 170، 173
لان المس فاير احد مسببات الخطئين 170، 173 برضه ( رقم 3 فى ترتيب الاهميه لمسببات الكودين )
بحثت شويه على الانترنت .. شكوى التبطيل بعد تفويل العربيه دى موجوده فى اكثر من موديل كيا ..
البعض بيشتكى من عدم دواره العربيه بعد التفويل مباشره
و البعض بيشتكى ان العربيه بتبطل اثناء المشى لمسافه 70 كم مثلا و بعدين تتظبط
الكلام ده فى اوبتيما و سبكترا 2007 و سبورتاج قديم جدا موديل 2000
فى رابط لمنتدى الكلام عن سبكترا .. شوف لو يفيدك
Quote:
Originally Posted by smartsgirl http://www.kia-forums.com/images/Kia...s/viewpost.gif
There is a known issue with the fuel tank ORVR not sealing completely and allowing fuel to seep into the charcoal canister and vacuumed all the way up to the intake via the Purge Control Solenoid Valve. This causes the hesitation.اقتباس:
We have noticed that our 2007 Spectra has been hesitating and stalling when we fill the gas tank. When we burn some of the fuel, this goes away. We filled the tank yesterday, and drove about 50 miles or so since then, and it was doing the hesitating & stalling as usual, then the check engine light came on. We have never had this happen before, and not sure what to do. We did release the gas cap, and it didn't have that normal air release sound it usually does. Any ideas??
When the dealer puts the vehicle in the air, they should be able to pull the breather tube from the underchassis and check for fuel. If they find fuel there or in the Purge Valve hose, they'll have to replace the fuel tank (ORVR built into the tank), canister, fuel tank air filter, canister valve and purge valve. Good luck.
و فى رابط لسبورتاج .. بيطلب تبطيل الموتور قبل التفويل
Kia Sportage: Fuel filler lid - Knowing your vehicle - Kia Sportage Owner's Manual
http://i1383.photobucket.com/albums/...psusu1vtll.jpg
للأسف مش لاقى أى معلومة عن توصيل الكانيستر بتاعك بس دى اللى لقيتها وفيها حتلاقى ٤ فتحات بتتوصل على ٤ خراطيم اللى فى الشمال لبلف التهوية واللى بعده من الشمال الخرطوم بتاع الـ purge valve إللى جنب الموتور وحتلاقيه خرطوم طويل ماشى تحت العربية وواصل للموتور (ممكن تلاقى جزء منه ماسورة) - واللى بعده الرفيع ده رايح للتانك بتاع البنزين كتهوية للتانك والرابع اللى فى اليمين خالص ده مش عارف أقرا المكتوب عليه رايح فين بس ده ممكن يكون موجود وممكن يكون عندك ٣ وصلات بس - لكن عموما لو موجود عندك يبقى حاتركب الـ ٣ التانيين والخرطوم الرابع اللى فى العربية تركبة على الوصلة دى - أو تخلى الميكانيكى يقرا اللى مكتوب عليهم والله الشركة محترمة وكاتبة عليهم كل وصلة رايحة فين .
بالنسبة لطريقة قياس بلف التهوية فتخلى الميكانيكى يفكه وينفخ فيه حتلاقيه عادى بيطلع النفس وبعدين حيديله تغذية ١٢ فولت من أى بطارية على الطرفين بتوع الكهربا اللى عليه حاتسمعه بيعمل صوت تكة يبقى قفل - ينفخ فيه تانى وهو عليه كهربا وقافل المفروض مايطلعش نفس - لو نفس يبقى بايظ
ربنا يجعله في ميزان حسناتك ، كتر ألف خير يابشمهندس
https://www.facebook.com/photo.php?f...type=3&theater
أشكركم من كل قلبي لمساعدتكم ،،، بالنسبة للكانستر انا حاولت ارفع صورته معرفتش ، وحطيته على اكاونت الفيس كصورة وده الرابط بتاعها
https://www.facebook.com/photo.php?f...type=3&theater
التركيب اللي كما جاءت به السيارة وكما هو الان الخرطوم الكبير اللي في النص ده رايح للتانك مباشرة
الشمال الصغير مكتوب عليه Pressure وده عليه حساس ورايح لخرطوم فوق التانك
اليمين الصغير مكتوب عليه To PURGE وده عليه حساس ورايح بخرطوم صغير فوق التانك أيضا
الكبير اللي تحت رايح بخرطوم لزور التانك فوق
بالنسبة للمس فاير على السلندرات الستة ،، الاكواد هي
P0300 , p0301 , p0302 , p0303 ,,,p0304 , p0305 , p0306
من شوية خليت الفني يفك بوجيه ويشوفه ،، لقيت عليه حلقة بني على الخزف ، والفني قال كده البوجيه ده مش مناسب للعربية ،،،، (البوجيهات دي والكابلات بتاعتها كنت غيرتها في الصيف في مصر وملقتهاش نهائي الا عند واحد في التوفيقية وقالي البوجيهات ايريديوم وكانت طقمين والبوجيه ب 85 جنيه تقريبا)
وعليه الفني نصحني أغير الكابلات ببوجيهات اصلية من التوكيل وكابلات جديدة
وربنا يصلح الحال وتمشي
وشاكر لكم تعبكم ومجهودكم ،،،