تجربتي مع لمبات tungsram megalight ultra 120%

**Mahmoudtouch** · 29-09-2016 10:19 PM

انا كنت بعاني من مشكله النور و خصوصا علي الطريق السريع علشان بسافر كتير سمعت عن لمبات الفيلبس بانواعها و الاوسرام النايت بريكر و نزلت اشتريهم بس لاقيت التونجسرام هي المتوفره ركبتها و في الاول لاقبت الفرق بسيط و قولت الفلوس راحت في الزباله لحد ما ركبت عليهم كتاوت و ما شاء الله دلوقتي اول مره احس ان عندي نور ادرجه ان الواطي بشوف بيه كويس الحمد لله و العالي بينور مسافه بعيده قوي هو مش في قوه الزينون بس حاسس انها قريبه منها لان نورها ابيض

**تامر راغب** · 30-09-2016 12:13 PM

ربنا يباركلك فيهم

**mbx4e** · 30-09-2016 02:18 PM

احساسك عامل لما الكهربا تكون قاطعه وانت مشغل شمعه وواحد دخل عليك بكشاف فيه ١٠٠ ليد هو دا احساسك دلوقت
تخيل بقى لما الكهربا تيجي ( فوانيس اصلي +عدسات + زينون ٤٣٠٠كالفن)

**عبدة البروف** · 30-09-2016 06:30 PM

ممكن العنوان فين في دمشق ورقم تلفون

**sherif_mahalla** · 30-09-2016 07:10 PM

أنا عايز أركب زينون أو كتاوت ألاقي فين بأسعار معقوله

**mohammed96** · 09-10-2016 09:23 AM

حضرتك جبتهم منين وبكام

**Mahmoudtouch** · 10-10-2016 08:12 PM

اللمبات القويه مع كتاوت فى رايي افضل من الزينون و أوفر اللمبات انا جبتها من محل اسمه المدينه اللى واقف فيه رجل كبير اسمه مصطفى كنت عارفه قبل ما اروح من المنتدى فى مشاركه من عضو و بصراحه الرجل أمين لانه فضلي النوع ده عن الاوسرم نايت بريكر بالرغم من ان الاوسرم ب 220 و التونجسرام ب 150 و قالى ان الافضل منهم الفيلبس اكستريم فيجن بس مكنتش موجوده عنده و قال ان سعرها لما تنزل هتبقى فى حدود 300 ده بالظبط اللى حصل و فعلا بعد التجربه بصراحه الفرق كبير الحمد لله