الموضوع: اعادة بيع كثيرة لكورولا 2017....

انا استلمت 2017 فى اول اكتوبر الفئه الثانيه واتعرض على 50000 لابيع ورفضت الان سعر سعر السوق لها 385000 جنيها وفيه ناس بتبيع لتحقق مكاسب ماليه.
انما الاخوه اللى بيقولوا انها متساويش فلن ارد عليهم لانهم عايشين فى اوهام فجميع السيارات ارتفعت اسعارها
الكيا بيكانتو وصل سعرها 190000 جنيها والاسبورتاج وصلت 500000 جنيها والصنى وصل سعرها 200000 جنيها قيمه الجنيه هى اللى انخفضت متحكوش على روحكم

كل ده بسبب عده عواكل مضاربه ف سوق والتجار وكثره الفساد ف البورصه والقيمه المضافه الى بوظت الدنيا للسلع وارتفاع دولار بسعرين ف سوق والخ ياترى امته بقى تنزل الاسعار بشكلها الطبيعى والكورولا عربيه كويسه بس الاسعار مش لصالحها ولا لاى عربيه اخرى يعنى مستحيل اشترى سيراتو 2017 ب 300 الف وله سبورتاج 500 الف وله سكودا 480 الف استحاله اسعار ملهاش لا قيمه ولا معنى ولا عمر شركه المصنعه تعمل كده سعر لعربيات صغيره الحجم او متوسطه الحجم بسعر ده لكى الله يامصر

الفئه الثانيه مغلق الحجز بتاعها فى التوكيل وعند فتح الحجز لن يقل سعرها فى التوكيل فى الحجز سته شهور عن 340000 جنيها فرق الجمارك مابين الدولار الجمركى 17 جنيها حاليا والدولار الجمركى القديم 8.88 جنيها
يعنى بالميت 8 جنيها واحسب بقا 40 % و 13% قيمه مضافه
وسعر السوق سوف يرتفع الى 430000 جنيها تقريبا هذا اللى انا متوقعه

وهل يعقل ان الفرنا اوتوماتيك ١٨٥ الف جم ودحرام ولا حلال مع احترامى لاصحاب الفرنا وهى عربية متسواش المبلغ دة خالص بس زيادة الدولار وطمع التجار هم دول السبب وزيادة للاسعار بالمنظر دة لكن الكورولا اعلى عربيةاعتمادية فى السوق مع اقل مصاريف تشغيل مقارنة بالسيارات الالمانى

للمتابعة

المشاركة الأصلية كتبت بواسطة hero

و الله انا عندي اركب فيات 128 و لا ادفع نص مليون جنية في عربية تركي و فئة سيارات متوسطة....لحد الازمة ما تعدي

المصيبة يا باشا انها مش حتعدي، الاسعار مش حتنزل لان ببساطة الدولار طالع فالاسعار حتزيد كمان و كمان