مشكلة لا أعلم سببها في تويوتا كورولا ٩٩عيون
من كام شهر و العربية بتنقل غيارات بصعوبة و لازم أضغط عالدبرياش للآخر عشان أعرف أدي غيار و مع ذلك التعشيق أو الغيار بيلقط قبل ما أرفع رجلي ب5 سم يعني بعد ما أحرك الفتيس و أبدأ أرفع رجلي مبيعشقش فعلا غير في آخر ٥ سم فوق
أكتر من ميكانيكي قالي غالبا الديسك
بس ممكن أمشي بالعربية طالما الاسطوانة بتحرك العربية
زيت الموتور بينقص بمعدل لتر كل ٣٠٠٠ كيلو
أنا بحط ٣ كيلو بيبقى قرب العلامة العليا و الرابع بزود منه كل ١٠٠٠ كيلو حبه لحد ٣٠٠٠ خلص
هل ده معناه اني محتاج أغير حاجة في الموتور
مع العلم إن فيه تسريب بسيط من خرطوم الفايظ بتاع زيت الموتور
من كام يوم كنت ماشي عالطريق الدائري و شميت شياط في الكبوت
وقفت و بصيت
الزيت كويس و الموتور مش سخن قوي و المياه كويسه و المروحة شغالة و العجل سخن بس طبيعي
المهم اتحركت تاني الريحة راحت
كشفت عالفرامل مفيهاش حاجة
هل ممكن يكون الاسطوانة
العرض الأخير ان سحب العربية بيقل و استهلاك البنزين بيزيد
يا ريت حد يفيدني
