ماتور 2000cc 2e

**ramykassem** · 07-10-2016 12:53 PM

السلام عليكم
انا اول مرة اخش اعمل مشاركة فى المنتدى وكمان اول مرة اركب العربية جولف 2 وبخصوص نوع العربية هى متركب عليها ماتور 2000cc 2e العربية كانت بتنتش منى وكمان كانت بتبطل وبتسحب بنزين كتير جدا خاصة فى الطرق السريعة رحت لهانى متخصص فى موضوع الانجكشن ونضفلى الرشاشات وبقت واتحلت مشكلة انها بتبطل وبقى سحبها جميل لكن مشكلة البنزين زى ما هى وبتسحب كتير ممكن مشوار 60 كيلو تحسب حوالى من 20 الى 25 لتر سالت واحد راكب ولف قالى الموضوع ده ملوش اى حل حتى لو غيرت بوابة او غيرت ايرفوميتر هلى فعلا الكلام ده صحيح ولا ممكن يبقى فى حل

**sherif_mahalla** · 07-10-2016 04:37 PM

بيتهيألي ده الاستهلاك العادي لل ٢٠٠٠سي سي

**windofchange** · 07-10-2016 05:04 PM

لغاية متحل المشكلة حط زيت خفيف كلزوجة زي لزوجة 10w 40 بيقلل الاستهلاك شويه و بيمشيك عشر الاف كيلو

**windofchange** · 07-10-2016 05:08 PM

حط البوجيهات المتوافقه مع الموتور و ديه تعرفها من موقع ngk رجلك تكون خفيفة ع .دواسة البنزين متمورش كتير و سيب الغيار ينزل لاقل ار بي ام و بعدين مور و غير غياراتك علي ٢ و نص ار بي ام و متعديش ار بي ام ٣ و انت بتجري لان ساعتها استهلاك البنزين بيتضاعف

**ramykassem** · 07-10-2016 09:27 PM

شكرا لافادتكم ليا بس يا ريت حد يقولى على حل جزرى للموضوع وهل فعلا ان المتور ده طبيعى انو بيسحب بنزين كتير كدة وهل لو ركبت المتور 1800 abs هيوفر معايا

**svneleven** · 08-10-2016 06:51 AM

حضرتك بتقول مشوار 60 كم ياخد تقريبا 20 لتر بنزين. يعني ال لتر بيعمل 3 كم. طبعا الاستهلاك ده فوق الوصف و كتير جدا. لو حضرتك مركب مكنة r36 مش هتسحب كد ابدا. حتي طريقة سواقتك مهما كانت عنيفة لا يمكن توصل للاستهلاك ده ابدا. مؤكد في حاجه غلط و لازم فني يشوف العربية.

**ramykassem** · 10-10-2016 02:23 AM

كلامك صح ياباشا طب الحل انى اعمل ايه لان رحت لمتخصص فى موضوع ظبط البنزين ومظبطش معايا برضو هل فعلا لازم اغير ماتور مع العلم الماتور شغال ممتاز وسحو جميل جدا

**tasaka** · 10-10-2016 02:33 AM

المشاركة الأصلية كتبت بواسطة svneleven

حضرتك بتقول مشوار 60 كم ياخد تقريبا 20 لتر بنزين. يعني ال لتر بيعمل 3 كم. طبعا الاستهلاك ده فوق الوصف و كتير جدا. لو حضرتك مركب مكنة r36 مش هتسحب كد ابدا. حتي طريقة سواقتك مهما كانت عنيفة لا يمكن توصل للاستهلاك ده ابدا. مؤكد في حاجه غلط و لازم فني يشوف العربية.

طبعا موش طبيعى ابدا .. و موش هو ده استهلاك مواتير ال 2000 فى العربيات بصفه عامه ( موش الجولف )

شوف حساس الشكمان .. ان كان حد ينضفه لك

و الرشاشات و البوجيهات

**ramykassem** · 10-10-2016 04:33 AM

تمام تسلم ياباشا هراجع المواضيع ديت وان شاء الله خير

**svneleven** · 10-10-2016 05:21 AM

ما فيش احتمال ان البنزين بيسرب من التانك او اي خرطوم؟ الافوميتر أو حساس الشكمان اعتقد هما اللي يخلو العربية تاكل بنزين جامد ممكن تبص عليهم.

الموضوع: ماتور 2000cc 2e

LinkBack

أدوات الموضوع

عرض

-

-

المواضيع المتشابهه

الحمد لله ماتور العربيه باظ و هشترى ماتور استيراد

عاوز ااسقط ماتور 2000cc اوتوماتيك فيكترا بدل 1600 مانويل موديل 2003

بالنسبه للماتريكس:عمرة ماتور ولا ماتور استيراد؟

ماتور الشيرى 1100 ونفس ماتور السوزوكى

تسقيط للكرستالة ماتور 2000cc

الكلمات الدلالية لهذا الموضوع

المفضلات

المفضلات

ضوابط المشاركة