عرض للطباعة
صباح الفل يا اجدعمنتدي
انا كنت عايز استفسر عن طريقة ضبط الاسبراتير العربيه لانسر كريستاله مسقطلها مكنه موديل 2000 انجيكشن 1500 سي سي 2 كامه بس العربيه مخنوقه في الطلعه وبتاكل بنزين اللتر بيمشيني 7.5 او 8 كم ولما امشي مشوار تسقف وانا ممون 80 التسقيف بيبقي عالي لو 92 بيبقي ةاطي شويتين وسالت ناس كتير قالولي الاسبراتير عايز يتظبط
ممكن حد يفيدني بيتظبط ازاي احسن مش لاقي صنايعي عدل يعرف يظبطه
واسف علي الاطاله وشكرا
لقيت الشرح دة عني الموضوع سهل ممكن اعمله بنفسي ولا لازم حد يظبطهولي
طريقه ظبط الاسبراتير ( تقديم الكهربا وتأخيرها )
الأسبراتير الأول علشان تظبطه لازم تفهم وظيفته .. اولا بيسموه بالأنجليزي Distributor (موزع) وفعلا هو بيقوم بتوزيع الشرارة (بتاعة البوجيهات) طب ازاي ؟؟؟؟ فكرته بسيطة جدا .. مع لفة الكرنك بيلف الأسبراتير بيلف الشاكوش بيلمس طرف الشاكوش بأقطاب سلوك البوجيهات يقوم موزع الكهرباء بأنتظام شديد علي سلوك البوجيهات .. وبردو بنفس الترتيب السابق ذكره ( اول - ثالث - تاني - رابع ) .. علشان يدي كهربة للبوجيه يقوم عامل spark ( شرر ) - في نفس توقيت طلعة البستم يقوم الأحتراق الناتج مولد قوة تدفع البستم - وهكذا مع كل سلندر ( 4 بوجيه مقابل 4 سلندر مقابل 4 بستم مقابل 8 صباب - 2 لكل سلندر واحد بنزين والتاني للعادم )
امال اظبط ازاي ؟؟؟ عن طريق اللف يمين ويسار .. لما بتلف الأسبراتير انت بتقدم توقيت الشرر عن طلعة البستم او بتأخرها عن توقيت طلوع البستم .. فالظبط في غاية الأهمية - لأنها لو مقدمة ( تسبق الطلوع ) هتدى شرر قبل البستم وبالتالي حصل احتراق قبل طلوع البستم فتلاقي العربية عالية وبتعمل صفع ( بتسقف او بتكتك لما تدوس بنزين ) ولو مأخرة ( بعد طلوع البستم ) هتحس بهدر وفقد في الطاقة والعربية واطية ( يعني ار بي ام واطي او قليل ) ومش بتسحب معاك .. يفضل تبطل العربيه الاول وتهوى الصاموله ال 13 بتاعه الاسبراتير عشان يبقى حر الحركه معاك وهتلفه يمين سنه بسيطه اوى وتطلع تجرب لقيت تسقيف يبقى كهرباء زياده هترجعه سنه صغيره للاتجاه المعاكس وتجرب لحد ما تلاقى العربيه مش بتسقف وفى نفس الوقت بتسحب ومش مخنوقه وممكن من غير ما تطلع انك تضغط بنزين على الاخر وتسمع لو فيه صوت تسقيف من عدمه . وهى دى ظبطه الاسبراتير .
كلام جميل و شرح مبسط .... بالمناسبة ... شرح حضرتك ينفع لأى اسبراتير
موضوع انك تاخد لفة بالعربية ده مهم جدا .... من فترة .. كنت قلت لصنايعى يظبطلى الاسبراتير .... و ظبطه زى ما حضرتك شرحت ... و زود بنزين .. و الموتور تمام .... بس و انا مروح .. العربية كانت مخنوقة جدا و بتترج لما ازود بنزين .. ظبطت الاسبراتير بنفسى .. و اخدت العربية مشوارين و طلعت النتيجة تمام و لله الحمد .... كنت مبسوط انى عدلت على شغل الميكانيكى
شكرا للافادة
الله ينور يا باشا يعني اجمد قلبي واحاول اظبطها انا وانا ونصيبي ؟؟؟
وياريت لو في تعديل او حاحة مهمه ناقصه في الشرح دة تفيدني بيها
جمد قلبك و اتكل على الله ..... و دائما اعمل حساب اسوأ الاحتمالات ... و اسوأ الاحتمالات .. انك حتظبط الاسبراتير ... بس مش حتظبطه اوى ....
اعذرنى ... انا مش حقدر افيدك اكتر من كدة علشان انا مستجد فى موضوع الاسبراتير ده :)
رحت لميكانيكي ظبطهولي واطلع من عندة الاقي العربيه مش قادرة تمشي اتشليت جنبها قلت لا هظبطه انا بنفسي وظبطه والحمد لله بطلت تسقف بس لسه هشوف استهلاك البنزين عمل ايه
مش حتلاحظ فرق كبير فى استهلاك البنزين نتيجة ظبط الاسبراتير ... الفرق ممكن تلاحظه نتيجة ظبط الكربراتير
ربنا يوفقك و متابعين معاك
شكرا يا باشا بس العربيه بعد ما ظبطتها بطلت تسقف بس فيها مشكله ملاحظها اني بحس برعشه في العربيه ساعات تبقي جامدة وساعات تبقي خفيفه ولما اجي ادورها الصبح بتلقط في ثواني بس بحس انها هتبطل وترجع تلحق نفسها وتترعش
مع العلم المكنه 1500 اتنين كامه انجيكشن اوتوماتيك
واسف علي الاطاله
العفو يا فندم ... لا شكر على واجب ... انا لسة بتعلم ...اقتباس:
المشاركة الأصلية كتبت بواسطة virse
جرب تظبط الكربراتير و شوف اخبار الرعشة دى ايه
انجيكشن مش كربراتيراقتباس:
المشاركة الأصلية كتبت بواسطة ahmed_eng2001