نقل مواضيع من قسم البيجو لمنتدى آخر!!!

**amr mokhtar** · 02-12-2008 03:56 PM

انا النهاردة قلت أعمل زيارة لموقع إسمه (مصر موتورز) و لقيت بالصدفة الموضوع بتاعى (كل ما تريد معرفته عن 206)
لقيته هناك بالنص و اللى نقل الموضوع مشكورآ كتب إسمى فى الآخر و ذكر انى صاحب الموضوع الأساسى

بصراحة انا أتضايقت لإنه على الأقل لم يستأذن منى لإنه أكيد عنده account هنا فى نايل موتورز عشان يقدر يدخل على المواضيع
و لإن المواضيع دى انا بعتبرها ملك لنايل موتورز

و كمان حاجة تانية الموضوع ده انا كتبته بنائآ على تجربتى الشخصية مع العربية و أكيد ده بيختلف من واحد لآخر
يعنى الكلام ده لو منقول مش هيبقى ليه قيمة من غير صاحبه الأساسى

انا فتحت الشكوى دى هنا فى منتدى البيجو عشان لو حد لقى الموضوع ده هناك يعرف إن الموضوع ده اساسآ من نايل موتورز و لو عايز يسأل على حاجة يتفضل يسأل هنا

و الله انا مش بعتبر نفسى كاتب كبير و لا مؤلف قصص بس انا حبيت إنى أوضح اللى شفته
و يا ريت اى حد عايز ينقل موضوع من هنا يوديه اى حته تانية يستأذن من صاحبه طالما معروف و على قيد الحياه

**Sharky** · 02-12-2008 04:02 PM

دا طبيعى فى المنتدى دا

العديد منا إتنقلت منه مواضيع لهناك و منهم أنا شخصيا

**Powert** · 02-12-2008 06:53 PM

ده عادي جداً :k40:

ولو مش عاوز الموضوع ده يبقى هناك قدم هناك شكوى :k10:

بس مش هيتعمل بيها حاجة لان العضو كاتب اسمك

**aif** · 02-12-2008 07:28 PM

طيب ما إحنا عندنا مواضيع كتير منقولة ..... كل اللي بيتم ان اللي ناقل الموضوع بيكتب في الآخر .... م ن ق و ل ومش بيكتب غالبا اسم الكاتب الاصلي .... في حالتك ... انت بتقول انه كاتب اسمك و انك صاحب الموضوع
ده امر طبيعي في النت