تجربه تنظيف بسيط للرشاشات
بقالى فتره بفكره بتنظيف الرشاشات وانهرده بقى فكيتهم بنفسى وبحرص شديد اول شى مسطره الرشاشات مثبته بعد2مسمار8ملى المسمارين دول مثبتين كمان ماسوره راجع للقربه فكيت المسمارين بقت المسطره حره نهزالمسطره لفوق ولتحت مع شد بسيط هتلاقى الاربع رشاشات خرجوا من راس الماتور هنفصل فيشه كل رشاش هنيجى بقى لااصعب مرحله فصل الرشاش عن المسطره فى كلبسه لونها نحاسى ماسكه الرشاش بالمسطره هنسحبها للاعلى هتطلع الكلبسه بعدكده نهزالرشاش لفوق ولتحت برفق عشان منقطعش السيل وعشان كمان الرشاش نفسه ميتكسرش اول ميتفك الرشاش من المسطره اتفرج بقى على الشوائب ولون البنزين اسود من الاتساخ ودا كله متجمع فى المسطره نيجى بقى للرشاش ناحيه دخول البنزين هتلاقى الرشاش فيه شوائب نظفته بwd40 بعدكدا غسلته ببنزين نظيف بعدكده ركبت الرشاش فى المسطره مع الحرص على السيل اثناء التركيب بعد كدا ركبت التيله الكلبسه ونفس الخطوات فى كل رشاش عملتها نيجى لتركيب الرشاشات فى راس الماتور طبعا الاربعه بيركبوا مع بعض نطغط على المسطره مع الهز البسيط لفوق وتحت هزبسيط عشان مينقطعش السيل والفبره اللى فى مقدمه الرشاش وبعدكده نربط المسمارين وندور العربيه اسمع صوت الماتور اختلاف بجد حتى الماتور يعتبر معدوم الرعشه جربت بقى على الطريق والله بجد فرق فى السحب والعربيه فى السلانسيه صوتها ناعم وديا تجربتى النهرده