عرض للطباعة
أنا لاحظت كده انه لما تكون العربية دايرة و واقفة مثلا في إشارة لما اكون دايس على الفرامل بشكل بسيط بحس كده ان في صوت حاجة بتخبط في الفرامل او في الدركسيون مش عارف هي صحيح حاجة بسيطة جدا بس بحس بيها وعلشان التخبيط يروح لازم ادوس على الفرامل جامد بيختفي الصوت او التخبيط ده
الموضوع ده بيحصل لما تكون العربية واقفة بشكل كامل اما لوكانت ماشية مافيش اي حاجة خالص
هل ده الطبيعي ولا انا علشان متعود على الفرامل تكون ناعمة فلما ادوس فرامل بسيط بيحصل الموضوع ده؟
العربية اوتوماتك سبورت خليجي
الصوت ده عادي من احتكاك الفرامل بالطنبورة مع قوة دفع العربية عشان بتبقى على D
الصوت ده طبيعي جدا بيحصل في كل الأتوماتيك
بس في اللانسر عشان الفرامل مش حساسة لازم تدوس عليها سنة زيادة مش زي الكرولا مثلا
لو سقت الكرولا حتاخد فترة لحد ما تتعود على الفرمل حتلزق في الدريكسيون كتير من حساسية الفرامل
بالظبط كده الكلام ده مظبوط بس التعامل مع السياره بفن ده مطلوب ولضمان الحفاظ على الطانبوره والتيل الخلفى بالذات لما تكون واقف فى اشاره او ماشبه ذلك حاول تخلى العربيه على N او P ولما تركن العربيه لفتره وتسيبها ياريت تجيب العربيه ع N وبعد كده تسيب فرامل نهائى وتتاكد ان العربيه مش محكومه من فرامل تجيب P وبعد كده ارفع الهاند بريك او ماترفعوش ولو هاترفعه بلاش لاخر تكه
:B4_048:
كلامك مزبوط يا اخ mohamedezat
بس انا رأيي انه يشد الهاند و يحط N أفضل من انه يحط على P
لأن تيل الفرامل الخلفي تقريبا ما بيخلصش في اللانسر لكن لوحطيت على P بيعمل lock للجير بوكس وده مش كويس لوكان في مطلع أو منزل