دعوى لمنتدى بروتون لكل من يريد الانضمام لارسال شكوى للشركه الام

**waleedseng** · 04-12-2008 04:05 PM

أنا مقتنع إن المنتدى دا مفيد جداً بس أنا مستغرب إن الناس بتكتفي بالشكوى هنا على الرغم إن د مش هيحل مشاكل العربية.
لازم لازم الشكاوي دي توصل الشركة في ماليزيا.
بجد حرام عربية جامدة زي دي و عيوبها الهايفه دي تكون سبب في إن الناس متشتريهاش و السبب إن التوكيل مش عارف يصلح شويت أصوات في العربية.
بجد أنا مخنوق علشان أنا كان نفسي أجيبها جداً.

**waleedseng** · 04-12-2008 04:25 PM

المشاركة الأصلية كتبت بواسطة ahmedsiyam

اخى الفاضل هو موش بيرد على الناس شخصيا القصة كلها ان الموضوع لازم يبقى بنظام بمعنى ايه
انا عندى مشكلة مثلا روحت كاتبها فى الموضوع بتاعه و هو اوتوماتيك هايقراه و بعدين كلمته على تليفونه عرفته بنفسى و يتم الاتفاق على حل المشكلة و بعد لما الموضوع يخلص اروح كاتب تانى فى نفس الجزء المخصص للمشاكل اللى حصل علشان يبقى الكلام على عينك يا تاجر
المشكلة اتعرضت و حلها اتعرض فى نفس الموضوع
انا لو مكانه و قعد ارد على تساؤلات و مشاكل الناس كلها موش هاخلص و نجيب وقت منين للعملاء بره هو هايخد الموضوع من على المنتدى و يظبطه و يستنى صاحب الشكوى يكلمه و يتفق معاه على ميعاد ده طبعا بالنسبة للشكاوى الكبيرة
انما اللى عنده بقى مشكلة فى فرش الباب و المالتى فنكشن و التزييق و الحاجات البسيطة دى يروح الصيانة على طول يخلص

اسمحلي يا أحمد
اولاً الوصلة دي معموله علشان الناس تستفيد مش علشان نوصل لبشمهندس أمر و إلا كان التلفون كفاية.
يعني واحد زيي كان بيفكر يشتري العربية لما كنت أشوف بشمهندس أمر برد على الناس و أشوف الناس بتؤل إن مشاكلهم إتحلت كنت أكيد هطمئن

ثانياً: مشاكل فرش الباب و المالتى فنكشن و التزييق و الحاجات البسيطة دى تبقى بسيطة لو كان التوكيل بيعرف يحلها. بس للأسف مش بتتحل و السبب مش إهمال من التوكيل لكن الناس مش بتعرف تحلها أصلاً.
مش عارف الناس مخدوش تدريب كفاية ولا إيه السبب.

**ahmedsiyam** · 04-12-2008 08:54 PM

اسمحلي يا أحمد
اولاً الوصلة دي معموله علشان الناس تستفيد مش علشان نوصل لبشمهندس أمر و إلا كان التلفون كفاية.
يعني واحد زيي كان بيفكر يشتري العربية لما كنت أشوف بشمهندس أمر برد على الناس و أشوف الناس بتؤل إن مشاكلهم إتحلت كنت أكيد هطمئن

ثانياً: مشاكل فرش الباب و المالتى فنكشن و التزييق و الحاجات البسيطة دى تبقى بسيطة لو كان التوكيل بيعرف يحلها. بس للأسف مش بتتحل و السبب مش إهمال من التوكيل لكن الناس مش بتعرف تحلها أصلاً.
مش عارف الناس مخدوش تدريب كفاية ولا إيه السبب.

يا وليد انت بتتكلم زيى مايكون انت شخصيا بتعانى من المشاكل دى فى العربية و انت اصلا موش راكبها عموما انا هاقترح عليك حل ظريف
انت عارف ان فيها مشاكل و عارف ان التوكيل اداء سيئ يبقى خلاص سيادتك ممكن تشوف عربية تانية لا تضايقك و لا التوكيل برضه يكون مستواه موش قد كده و تبقى انت اشتريت دماغك و ريحت نفسك و استثمرت فلوسك صح و تبعد عن وجع القلب اللى عندك من قبل ماتجيبها

**waleedseng** · 05-12-2008 12:00 AM

المشاركة الأصلية كتبت بواسطة ahmedsiyam

يا وليد انت بتتكلم زيى مايكون انت شخصيا بتعانى من المشاكل دى فى العربية و انت اصلا موش راكبها عموما انا هاقترح عليك حل ظريف
انت عارف ان فيها مشاكل و عارف ان التوكيل اداء سيئ يبقى خلاص سيادتك ممكن تشوف عربية تانية لا تضايقك و لا التوكيل برضه يكون مستواه موش قد كده و تبقى انت اشتريت دماغك و ريحت نفسك و استثمرت فلوسك صح و تبعد عن وجع القلب اللى عندك من قبل ماتجيبها

أخي في الله أحمد انا صحيح معنديش العربية بس مين قال إني معنديش مشكلة

أنا مشكلتي إني حبيت العربية دي و عايز أشتريها بس زعلان من المشاكل إللي مش بتتحل في التوكيل (لاحظ إني مش بفتي دا من كلام الأعضاء هنا

).
و مفيش حاجة في إيدي ممكن أعملها علشان أصلح الوضع دا (مينفعشي أشتكي و أنا معنديش العربية) وكمان مستغرب إن أصحاب العربيات مش بيشتكوا.
و بعدين يا أحمد مش الأفضل بدل ما أشتري دماغي و أجيب عربية تانية إني على الأقل أحاول أصلح الوضع عن طريق مساعدتك و مساعدة الأعضاء أصحاب العربية.
و بعدين كدة برده تقترح عليا أجيب عربية تانية إنت عايز تمشيني من المنتدى ولا أيه :K14:

**ahmedsiyam** · 05-12-2008 03:45 AM

العفو يا اخى الفاضل انت منورنا و منور المنتدى
انا عايز اقولك بلا اى مبالغة ان العبد لله اكتر عضو هنا معاه العربية و فيها مشاكل انت لا تتخيلها و اوع تفتكر انى راضى عن العربية اللى معايا كده بالعكس انا راسلت الشركة فى مالزيا لان اللى عندى عيوب صناعة و كنت باجهز حملة اعلانية سلبية برعاية منافس قوى جدا لعز العرب و هاتبقى فى الجرائد و قصة كبيرة اوى بس الحمد لله مالزيا وعدونى انى لو حبيت ابيع العربية دى و اجيب موديل 2009 هايدونى دعم كبير جدا فى سعرها علشان اعوض جزء من خسارتى
و على فكرة انا لحد النهاردة بيطلعلى حاجات غريبة جدا فى عربيتى و التوكيل يعملها و ترجع تانى لان ده عيب صناعة من الاول يعنى العربية عايزة ترجع خط الانتاج يشوفوا مالها
و مع ذلك انا راضى حتى الان عن دعم التوكيل ليا كادارة و دعم مركز الخدمة فى الصيانة و العربية انا فعلا مبسوط من ادائها جدا و ده اللى بيخلينى ادافع عنها بالرغم من كل القرف و المشاكل اللى بتقابلنى فيها
مين قالك يا باشا بقى اننا موش بنغير فى التوكيل ده انا عايز اقولك ان فى انتقاد مستمر مننا كاعضاء بس الوكيل ماعندهوش حل العربيات اصلا بتطلع من المصنع كده و هم بيحاولوا بقدر الامكان يظبطوا الدنيا على قد ما يقدروا
و مع ذلك الوكيل بيساعدنا بقدر الامكان علشان كده تلاقينى بدافع عن انمهندس امر جدا لانه بيعمل حاجات موش بتاعته فى سبيل ارضاء العملاء
لو انت حابب تجيب العربية توكل على الله و 2009 هى الافضل و انا و ناس كتير هتلاقينا بنساعدك و هاتنبسط منها

لو قلقان منها عادى شوفلك اى عربية تانية تريحك و بعدين فى موضوع كان فيه اخ فاضل بيسال على البريليانس او النيو اكسنت او الجين انا رشحلته النيو اكسنت

انا موش باحب العربية حب اعمى بس بحاول اكون عقلانى فى حكمى على الامور

كل سنة و انت طيب و ياريت يكون قصدى وصلك و احب اشوفك فى المنتدى و قسم بروتون على طول منورنا كلنا سواء معاك جين2 او اى عربية تانية

**ahmad alshaaer** · 05-12-2008 06:10 AM

hانا مع الناس اللي بتشكر وتمدح في المهندس امر
لاني من احد الناس اللي وقف جمبهم في موضوع الغربله وعن شرط
هو بيقف جمبك ويساعدك من غير ماتحس ولاتعرف لانه مش مستني منك شكر
والله دي حقيقه
والعربيه ياجماعه مميزاتها كتير عن عيوبها التي بتظهر لبعض من مالكيها مش كلهم ودي نصيب طبعا
وكنت انا والاستاذ احمد صيام من الناس اللي نصيبهم وقع في عربيات بها مشاكل
وربنا يكرمكم
بس والله العربيه دي والتوكيل ده ومهندسيه من اول المهندس ااامر الى المهندس هاني اللي جوه الورشه من الناس المحترمه واللي الواحد بيعزهم جدااااا
ولكن ممكن يكون الفنيين اللي جوه الورشه هما اللي مهملين او تدريبهم مش كفايه ومش حاسين انهم شغالين في توكيل محترم مش ورشه فاتحها هو وقاعد فيها

**aapaap855** · 07-12-2008 03:40 AM

المشاركة الأصلية كتبت بواسطة ahmedsiyam

اخى الفاضل هو موش بيرد على الناس شخصيا القصة كلها ان الموضوع لازم يبقى بنظام بمعنى ايه
انا عندى مشكلة مثلا روحت كاتبها فى الموضوع بتاعه و هو اوتوماتيك هايقراه و بعدين كلمته على تليفونه عرفته بنفسى و يتم الاتفاق على حل المشكلة و بعد لما الموضوع يخلص اروح كاتب تانى فى نفس الجزء المخصص للمشاكل اللى حصل علشان يبقى الكلام على عينك يا تاجر
المشكلة اتعرضت و حلها اتعرض فى نفس الموضوع
انا لو مكانه و قعد ارد على تساؤلات و مشاكل الناس كلها موش هاخلص و نجيب وقت منين للعملاء بره هو هايخد الموضوع من على المنتدى و يظبطه و يستنى صاحب الشكوى يكلمه و يتفق معاه على ميعاد ده طبعا بالنسبة للشكاوى الكبيرة
انما اللى عنده بقى مشكلة فى فرش الباب و المالتى فنكشن و التزييق و الحاجات البسيطة دى يروح الصيانة على طول يخلص

مدير خدمة ما بعد البيع مش فاضي يرد على تساؤلات الناس
شكرا عالتوضيح
كنت فاهم شغلانتو دي سهلة طلع مش فاضيلنا
ربنا يكرمك ويكرمو
(الوصلة=تليفون) ايه الجديد
ممكن نشيل الوصلة ونحط رقم التليفون وخلاص ونبقى ننسق مع بعض (ويا ريت تبقى مسجات او رنات)
مبتريقش على كلامك (لاني بحترمك جدا جدا جدا) بس فلتت منك حبتين

**ahmedsiyam** · 07-12-2008 04:17 AM

يا باشا الاحترام متبادل بينا طبعا

بس اقترح هو هايرد ازاى او اكتبله فى الوصلة نفسها

بس انا اقترحت الوصلة ممكن تمشى ازاى فى المداخلة دى

هاقولك على حاجة اكتب موضوعك و كلمه وان ماردش عليك اكتب فى نفس الوصلة بتاعة الشكاوى اللى حصل معاك

**MOMOBARAK** · 16-12-2008 10:45 PM

انا شايف ان المهندس امر لوحده مش كفايه غير ان عدد مالكى البرتون بيكتر يوم عن يوم .انا من رأيى ان نتجه للشركه الام .علشان يضغطوا على عز ويزودوا عدد المهندسين والفنيين وتتوزع المسئوليه على الكل مش على فرد واحد . الراجل حيروح مننا على النظام ده حيسمع مين ولاحيكلم مين ولا حيشوف شغله اذاى ؟الضغط عليه جامد اوى!

**shehabhopazone** · 17-12-2008 12:11 AM

السؤال اللى بيطرح نفسه يا جماعه لما الضمان يخلص وقبلتنا مشاكل بعد الضمان حنروح كل شويه التوكيل و نكع فلوس ولا ايه مع ملاحظه ان قطع غيار السياره مبالغ في سعرها يعنى انا سمعت من التوكيل ان تمن الجير بوكس الاتوماتك بتاع العربيه ب 45000 جنيه والله اعلم...