الموضوع: كدا ممكن تواجهني مشكلة في نوع تاشيرة بنتي لكندا ؟

عن تجربة: اخر حاجة تشيلي همها في كندا هو موضوع المدارس للاطفال. اما عن الورقيات فده هيعتمد في اي ولاية في كندا حضرتك هتروحيها لكن حسب التجربة وحسب معلوماتي فمش هتحتاجي تخرجي من كندا. ليا اصدقاء كتير سافروا الي كندا واولادهم في سن قبل دخول المدارس وبعد ذلك اولادهم دخلوا المدارس بدون ادني مشكلة. توكلي علي الله وفي امان الله الي كندا الجميلة

العفو يا فندم.
ما تغيريش اي حاجة. كندا بلد اهم حاجة عندهم الاطفال فتوكلي علي الله.
نصيحة مهمة لو حضرتك حتسافري قريب اول حاجة تعمليها لما توصلي ان شاء الله هو انك تشتري ليكي ولبنت حضرتك ولكل العائلة اطقم لبس مناسب لشتاء وثلوج كندا.
وبالتوفيق ان شاء الله

هتروحي فكتوريا - بريتش كولومبيا ؟
أنصحك تعدلي الفيزا قبل ماتسافري
في كندا مش بيطلبوا تصريح دراسة ولا قبول من مدرسة لكن بيطلبوا أوراق سليمة
وبريتش كولومبيا بيعتمدوا في القبول للمدرسة قرب السكن بس تكون أوراقها سليمة
Minor children – Study in Canada
شوفي آخر الصفحة
Exceptions: Studying without a study permit
الفيزا ملهاش علاقة بالإستثناء دا ومش مطلوب تصريح دراسة عشان تطلع الفيزا
يعني مجرد تغيير بسيط لن يطلبوا أي شيء وهيتم في يوم أو إتنين بالكتير

المشاركة الأصلية كتبت بواسطة medhat fathy

عن تجربة: اخر حاجة تشيلي همها في كندا هو موضوع المدارس للاطفال. اما عن الورقيات فده هيعتمد في اي ولاية في كندا حضرتك هتروحيها لكن حسب التجربة وحسب معلوماتي فمش هتحتاجي تخرجي من كندا. ليا اصدقاء كتير سافروا الي كندا واولادهم في سن قبل دخول المدارس وبعد ذلك اولادهم دخلوا المدارس بدون ادني مشكلة. توكلي علي الله وفي امان الله الي كندا الجميلة

أيوه المدارس مش بيشترطوا حاجة و وبيدخلوا الطفل بشهادة الميلاد
ولكن الطفل بيمر ورقه على مكتب تسجيل تابع للمنطقة السكنية
المكتب بيكون دقيق جدًا في طلباته وبيرفضوا ذهاب أطفال للمدارس لو فيه ورقة ناقصة
حتى لو واحد من والديه وضعه مش سليم بيرفضوا يبعتوا ورق الطفل للمدرسة

بناء علي تجربتي الخاصة باقامتي انا واسرتي في كندا حتي العام الماضي ومروري بتجارب المدارس والعمل وكل نواحي الحياة وعلاقاتي بعشرات الأسر الموجودة في كندا لاسباب مختلفة مثل الدراسة والهجرة وحتي اللجوء، لا اذكر اي مشكلة في الحاق الاطفال بالمدارس. الموضوع اسهل مما تتخيلي. فقط احرصي علي ان تكون جميع الشهادات التي معك مثل الشهادات الدراسية او شهادات الميلاد وخلافه ان تكون باللغة الانجليزية وحتي دي كمان ممكن تترجميها بسهولة في كندا.
نصيحتي الاخيرة توكلي علي الله ولا تنسي شراء مستلزمات الثلوج اول ما توصلي بالسلامة ان شاء الله.