باجيرو

**amr abobakr** · 16-10-2016 03:43 PM

لاصحاب الخبره الافضل باجيرو ماكينه( 3000 ولا 3500 ولا3800) موديل 2003 لحد 2005
الفروق من حيث الكفاءه والبيع وغيره

**MrMsmmsmmsm** · 16-10-2016 10:22 PM

3800 اقوى بمراحل كتيييييييييييييير لامجال للمقارنه قوة رهيييييييييبه معاية موديل 2007

**amr abobakr** · 17-10-2016 01:49 PM

وبالنسبه لاستهلاك البنزين معدل الليترات للكيلوات

**MrMsmmsmmsm** · 18-10-2016 12:51 PM

80 لتر تعمل 450 كيلومتر

**tito29** · 18-10-2016 02:14 PM

انا عندي باجيرو 2001 الماكينة ال 3500
بالنسبة لأستهلاك البنزين مش مرعب خالص يعني سيبك من كلام الناس أللي مش فاهمة أي حاجة و تفتي و خلاص
الخلاصة في أستهلاك البنزين يعود الي رجلك أنت يعني لو رجلك حساسة علي الدواسة و تضغط بعقل و بلاش جري و هري و كيك داون يبقي أستهلاك بنزين مش فارق كتير عن أي عربية 1600 سي سي . ممكن نقول كده تقريبا من 150 الي 180 كيلو في الصفيحة و ده أستهلاك يعتبر معقول جدا جدا.
أما لو قرصت و أتشعوذت عليها يبقي حاتزعل جامد لأن أستهلاك البزين حايبقي أقل من 100 كيلو للصفيحة

بالنسبة للقوة أنا مش شايف فرق كبير بينها و بين ال3800 علي ما أعتقد أن ال3800 بدأت من 2004
عموما في المستعمل الحالة أهم من الموديل و بالذات مع قطع غيار مش رخيصة و تجار قمة في الأستغلال و السرقة عيني عينك
و المشكلة الحقيقية هي نظرة الناس ليك و انت راكبها يعني الشغلانة أللي تتعمل بجنيه في الألنترا تبقي بخمسين في الباجيرو ما أنت ثري عربي بقي في عيون الناس. ده حتي الشحاتين في الأشارات يجي عليك أنت الأول.

عموما من تجربتي مع العربية دي لازم تيقي مستعد نفسيا للتعامل مع تجار الأستيراد و الورش المتخصصة و لازم تبقي هادي و تستحمل بلاويهم و انت ساكت
علشان كده لازم تشتري حالة فائقة الجودة حتي لو أغلي 50 ألف جنيه
طبعا كعربية هي لا مجال للمقارنة مع أي عربية تانية خالص لأنها فئة تانية خالص
يعني تقارنها مع لاندكروزر ممكن أنما تقارنها مع هيونداي يبقي حرام

**akmm** · 16-11-2016 09:57 AM

كلام محترم ومنطقى ......................

**صني1978** · 07-01-2017 09:54 PM

ييييي

**MrMsmmsmmsm** · 08-01-2017 07:59 PM

بعبيها حوالي 60 لتر وأمشي بيها حوالي 360 ك واعبيها تاني دايما ماأحب انزل عن الربع زي ماقلت قبل كده
ودي نصيحه لاتخليها تنزل عن الربع قالولي كده في توكيلها بالكويت
زميلي عنده 3000 سي سي زعلان من سحبها
حاسس اني راكب حمار بكون محروج في الاشارات