عندي ملحوظة مهمة بالنسبة لتمدد الهوا..
مقدار التمدد في الغازات معتمد على فرق درجات الحرارة.. يعني لو جبنا كاوتشتين مليناهم هو في درجة حرارة 20 مثلا.. فالهوا اللي هيسخن لحد 40 درجة مئوية هيتمدد أكتر من الهوا اللي هيسخن لحد 30 مئوية بس.
والتمدد معناه ضغط زيادة
درجة حرارة التشغيل بتاعت الإطار بتبقى في حدود 40-45 درجة تقريبا...
ده معناه إن الهوا هيتمدد زيادة في الشتا.. مش في الصيف.
الكلام ده بشوفه بشكل عملي بحكم إني ساكن في جدة في السعودية...
لإن الجو هنا له خصائص مش موجودة في أماكن كتير... إن الفرق بين درجات الحرارة في النهار والليل يكاد يكون مش موجود...
يعني في الصيف.. عادة الحرارة بتبقى في حدود 38 الصبح... وبالليل في حدود 33 .. يعني 5 درجات فرق بس.
في الشتا نفس الكلام تقريبا.. الصبح حوالي 27.. وبالليل حوالي 23..
الكلام ده معناه إيه؟؟؟
مقدار التمدد بتاع الهوا في الصيف يعتبر بسيط جدا (من 38 درجة اللي هي درجة حرارة الجو إلى حوالي 45 درجة اللي هي درجة حرارة التشغيل) ومش بشوف تغير في ضغط الكاوتش نهائي مع إني حاطط هوا عادي.. ولا نيتروجين ولا كلام فاضي.
مع العلم بإني بظبط الهوا على 35.
التمدد الفعلي بشوفه بنسبة بسيطة في الشتا.
...