سوبارو xv أم هوينداي كريتا

**alaafmah** · 17-10-2016 07:41 AM

السلام عليكم
أريدكم جزاكم الله خيرا أن تقترحوا على من واقع التجربة الشخصية أو الخبرة أو من خلال قراءاتكم واراكم السديدة - علما باني أقيم في احدى مدن الصعيد البعيدة عن القاهرة -أن تساعدوني على الاختيار بين:
سوبارو xv وبين هيونداي كريتا بغض النظر عن فارق السعر

ف سوبارو xv يابانية 100% دفع رباعي، يعيبها قلة انتشارها وضعف سعر إعادة البيع ونقص أو قلة قطع الغيار
بينما كريتا اكثر انتشارا وكيلها معقول وإعادة بيعها اعتقد ممتاز ة– بناء على انتشارها ووكيلها - جر أمامي فقط، قطع غيارها متوفرة

أي أن المقارنة بين الجودة (سوبارو xv )وبين مجاراة السوق (كريتا )
ماذا تفعل لو كنت مكاني

**bluemail** · 17-10-2016 10:36 AM

عليكم السلام
مبدئيا سوبارو عربيه جميله لكن قطع غيار وصيانه في التوكيل فقط
هل في محافظتك فرع للتوكيل او مركز معتمد ؟
ده اللي يحدد اختبارك
بالتوفيق

**alaafmah** · 17-10-2016 12:23 PM

شكرا استاذ bluemail للافادة

للاسف مفيش توكيل في المنيا، بس حسب معلوماتي وتجربتي مع الياباني قطع غيارة معمرة

يا ريت الاخرين يفودونا

**AHMEDJUDDY** · 17-10-2016 08:57 PM

سوبارو xv طبعا ،، وعلي فكره الكريتا مش منتشره زي ما انت متخيل و توقعاتي انها هتفشل في مصر وممكن تقارن الانتشار مثلا بأختها الاكبر التوسان هتلاقي في الشارع التوسان مغرقه الدنيا علي الطريق و الكريتا كل فين و فين لما تشوفها ،، وبالتالي هتقع لما تحب تبيعها ،، ولو الموضوع كدا يبقي تركب xv انظف 100 مره من الهيونداي ،، وبعدين يا سيدي ممكن تشوف مركز خدمه معتمد لابو غالي و تروح كل 10000كم او تنورنا في القاهره .
وعلي فكره والله العظيم انا بقيت اشوف الXVاكتر من الكريتا في شوارع القاهره .

**alaafmah** · 18-10-2016 07:46 AM

السلام عليكم
شكرا سعادة المحترم ahmedjuddy
والله ان مقتنع ب السوبارو بس السوق عندنا غير منطقية الى حد كبير

ادعو من له خبرة في تجارة السيارات ان يفيدتا

**د.هشام** · 18-10-2016 08:36 AM

كقيمة مقابل السعر ، ال سوبارو طبعا بدون تفكير.
والله اعلم

**megaarts** · 18-10-2016 01:24 PM

نصيحه ابعد عن الكريتا لانها اولا غير منتشره بالمره ومتقارنهاش بالتوسان خالص من حيث الخامات والتقفيل
ثانيا تقفيل هندي وليست كوري
نصيحه خليك في ال xv عربيه محترمه جدا وانتشارها كويس جدا علي عكس الامبريزا
نصيحه لوجه الله سيبك من الكريتا ولو في نفس الوقت انت قلقان من السوبارو يبقي خليك في التوسان او الاسبورتاج طالما مش فارق معاك فرق السعر

**AHMEDJUDDY** · 18-10-2016 11:20 PM

المشاركة الأصلية كتبت بواسطة megaarts

نصيحه ابعد عن الكريتا لانها اولا غير منتشره بالمره ومتقارنهاش بالتوسان خالص من حيث الخامات والتقفيل
ثانيا تقفيل هندي وليست كوري
نصيحه خليك في ال xv عربيه محترمه جدا وانتشارها كويس جدا علي عكس الامبريزا
نصيحه لوجه الله سيبك من الكريتا ولو في نفس الوقت انت قلقان من السوبارو يبقي خليك في التوسان او الاسبورتاج طالما مش فارق معاك فرق السعر

الكلام ده مظبوط ،،، زي ما انا قلت بالضبط .

**svneleven** · 19-10-2016 06:12 AM

ال xv علي عكس كل السوبارو. منتشرة و اعادة بيعها مش صعبة و بتمسك سعر كويس.

**alaafmah** · 19-10-2016 07:52 AM

السلام عليكم

شكرا للسادة الافاضل: د. هشام ، megaarts، AHMEDJUDDY، svneleven،
على اضافاتهم القيمة

ومشكورين لانهم رجحوا كفة السوبارو

على فكرة الاعضاء لما ينشروا استفسار حتى لو بسيط بالنسبة للبعض، فانه ممكن ان يكون حيوى جدا بالنسبة لهم، وعند الاختيار يكون الانسان في حيرة شديدة