استفسار بخصوص برافو 2011

**ahmed zakaria** · 18-10-2016 09:18 PM

يا جماعة انا ان شاء الله هشتري برافو 2011 ستبترونيك بس ضاربة ايرباج ...حد يعرف اكشف عليها فين او تكلفة اصلاح الايرباج ؟؟؟؟؟؟؟؟؟
او ليكوا اي نصايح؟؟؟؟؟؟

**م/أحمد عبد الفتاح** · 18-10-2016 09:36 PM

اللى اعرفه ان الايرباج لما تضرب مابتتصلحش ولازم تتغير الحته بالكامل اللى فى الدركسيون سواء جزء من الدركسيون او الدركسيون كله وبتتعمل فى التوكيلات واعتقد فى بعض العربيات بتحتاج تعريف على كمبيوتر العربية - احسن حاجه تسأل التوكيل - واعتقد كمان بتبقى تكلفتها عالية جداً - وسؤال مهم قبل ماتشترى تسأله للمالك هى ضربت ليه ؟؟؟؟ لو حادثة يبقى تكشف كويس عليها وتخلى بالك لتكون الحادثة اثرت على حاجات تانية وتدخل فى مصاريف انت فى غنى عنها

**م/أحمد عبد الفتاح** · 20-10-2016 12:03 AM

بصراحة معرفش مكان تانى بيشتغل فى الموضوع ده غير توكيلات السيارات لأنه موضوع حساس جدا بالنسبة للأمان - المشكلة فى انك حتى لو غيرتها ممكن تحتاج تغير الموديول أو الكونترول بتاعها كمان وده أكيد بيحتاج يتبرمج على كمبيوتر العربية والتوكيل هو المصدر الوحيد للبرمجة دى - إتصل بالتوكيل بتاعها وإسأل على سعر التغيير عندهم إنت مش حاتخسر حاجه.
هى عموما الايرباج سعرها خارج مصر بيبقى فى حدود ٣٠٠ أو ٤٠٠ دولار - لو الموديول كمان حايتغير حاتزيد التكلفة لأن الموديول تمنه قريب من تمنها أو اقل حاجه بسيطة .