ساعدوا اخ محتاس أرجوكم!! استفسار عاجل بخصوص سلاح المدفعية (تجنيد دفعة أكتوبر 2016)

**No_Name_Is_Ftw** · 19-10-2016 07:43 PM

المشاركة الأصلية كتبت بواسطة hugan

الاسئله كثيره فعلا
لاءن ده موعد دفعه اكتوبر
الواسطه بتاعتك ماعملش حاجه الا لو كان في سلاحك فعلا
اي حد مكانه كان هايسال نفس اسئلته
ولو حد عنده واسطه علشان يرتاح في جيشه مش هايتاخر

حضرتك هو مش فى السلاح دة, هو اصلا على المعاش لكن لة علاقات كتيرة وأساليب تظبيط اكثر بحكم المناصب الحساسة جدا الى تولاها قبل احالتة للتقاعد مع المجلس العسكرى فى 2012. لكن هل تفتكر انة ممكن يوزعنى فى خدمة كويسة بعد مركز التدريب؟ اصل مفيش بنى ادم واحد عرف انى مدفعية الا وبشرنى بكل مكروة, بعيد عن السامعين يعنى. واية هى الخدمات او الاماكن الكويسة الى ممكن مجند مدفعية يخدم فيها؟

**محمد 2001** · 19-10-2016 11:23 PM

هههههههههههه االمدفعية سلاحي الغالي حتشووووووووووف أيام جميييييييييلة لو ربنا كرمك ورحت مركز المدفعية رقم 2 الكيلو 26 وبالمرة لو تترحل لسيدي براني تبقي لعبت معاااك يا نجم يا تستحمل وتعدي أيامك يا مش حتشوووووووف خير خاااااااااااااالص لو واستطك جامدة زي ما بتقول يبقيي وأنت في مركز التدريب يوديك دار المدفعية

**No_Name_Is_Ftw** · 20-10-2016 12:02 AM

المشاركة الأصلية كتبت بواسطة محمد 2001

هههههههههههه االمدفعية سلاحي الغالي حتشووووووووووف أيام جميييييييييلة لو ربنا كرمك ورحت مركز المدفعية رقم 2 الكيلو 26 وبالمرة لو تترحل لسيدي براني تبقي لعبت معاااك يا نجم يا تستحمل وتعدي أيامك يا مش حتشوووووووف خير خاااااااااااااالص لو واستطك جامدة زي ما بتقول يبقيي وأنت في مركز التدريب يوديك دار المدفعية

اية دار المدفعية دى معلش؟؟ وهل مركز التدريب الى فى كيلو 26 دة كويس ولا لأ؟ ومدة مركز التدريب بتبقى قد اية؟

**Mu7ammeD** · 20-10-2016 01:54 AM

يعني أسرائيل هتسيب كل الاقمار الصناعيه والانترنت وكل دة وهتيجي تفتح موضوع في نايل موتورز عشان تعرف أسرار الجيش المصري؟

أستقيموا يرحمكم الله

**volociximab** · 20-10-2016 06:18 AM

يا بنى نصيحتى فى الجيش بوجه عام انك تستخدم اسلوب الشاب الاهطل...البرود و اللامبالاة و السير مع القطيع...اعتبر نفسك فى عالم افتراضى او فى حلم.هتشوف شخصيات و عقليات و اسلوب فى الحياة مشى امورك.متسلمش رقبتك لحد.و خليك ماشى مع الجمع

**No_Name_Is_Ftw** · 20-10-2016 10:50 PM

متابع!

**mrvolt** · 20-10-2016 10:53 PM

لو سمحت هوا فيه فيش قبل الترحيل ولا هوا مرة واحده

**No_Name_Is_Ftw** · 20-10-2016 10:58 PM

المشاركة الأصلية كتبت بواسطة mrvolt

لو سمحت هوا فيه فيش قبل الترحيل ولا هوا مرة واحده

ما انا عندى نفس السوأل. الفكرة ان الفيش صلاحيتة 3 شهور فقط, وانا عملت الفيش مرة واحدة فى حياتى ايام ما كنت لسة فى مرحلة تجهيز الورق من 3 شهور و أسبوعين بالظبط فبالتالى لو مشوها معايا ميرى هيقولولى الفيش صلاحيتة انتهت, لكن سألت اكثر من حد دخل جيش وخلص وقالولى مش هحتاج واحد جديد قبل الترحيل والله أعلم برضو.

**محمد 2001** · 21-10-2016 12:45 AM

المشاركة الأصلية كتبت بواسطة no_name_is_ftw

اية دار المدفعية دى معلش؟؟ وهل مركز التدريب الى فى كيلو 26 دة كويس ولا لأ؟ ومدة مركز التدريب بتبقى قد اية؟

دار المدفعية دة عبارة نادي ومطعم خاص بضباط المدفعية وبالنسبة لمركز التدريب اللي في الكيلو 26 أو الكيلو 4ونصف أو اي مركز تدريب بيبقي صعب لأن أنت بتتحول من الحياة المدنية للعسكرية ودي أخر مكان تقدر الواسطة تساعدك فية قبل الترحيل