تجربتى السيئه مع تاكسي اوبر uber

**aaaa2000** · 20-10-2016 12:20 PM

النهارده كان عندى تجربه سيئه مع أوبر وارجو من الجميع انه يعمل حسابه انها ممكن تحصل له
انا ساكن فى أكتوبر فى كمبوند مفيهوش اى مواصلات نهائى وسيارتى من يومين فى التوكيل بتتصلح وانا لقيتها فرصه اخدها اجازه فى البيت بس جالى اجتماع مهم جدا فى المعادى ويعتبر مصيري فى شغلى ولازم اكون فى المعادى السعه 8 المهم قعدت افكر اعمل ايه الناس نصحونى بأوبر قلت فكره كويسه المهم جهزت نفسي والساعه 6:30 دخلت على البرنامج وعملت الطلب وكله تمام وقالوا لى فيه عربيه جايه لك فى السكه وادونى بيانتها وبيانات السواق وكنت متابعه على النت بس اتأخر والساعه بقت 6:50 ولسه ما وصلش كلمته فى التليفون رد عليا وسألنى ها نروح فين بالضبط وقلت له وقالى انا قريب منك خلاص المهم لغاية الساعه 7:15 با احاول اكلمه مش بيرد وفى النهايه عمل الغاء للطلب لعدم معرفة العنوان
حطوا نفسكوا مكانى واساسا مش عارف اعمل ايه ونزلت اجرى واركب مع السيارات الملاكى لغاية الشارع بره ووقفت لغاية مل لقيت تاكسى ووصلت المعادى 9
المهم فكروا فى الموقف خاصة فى المواعيد المهمه وكمان علشان مفيش اى وسيله تشتكى بيها السواق وتاخد حقك

**eng.salama93** · 20-10-2016 12:59 PM

المشاركة الأصلية كتبت بواسطة aaaa2000

النهارده كان عندى تجربه سيئه مع أوبر وارجو من الجميع انه يعمل حسابه انها ممكن تحصل له
انا ساكن فى أكتوبر فى كمبوند مفيهوش اى مواصلات نهائى وسيارتى من يومين فى التوكيل بتتصلح وانا لقيتها فرصه اخدها اجازه فى البيت بس جالى اجتماع مهم جدا فى المعادى ويعتبر مصيري فى شغلى ولازم اكون فى المعادى السعه 8 المهم قعدت افكر اعمل ايه الناس نصحونى بأوبر قلت فكره كويسه المهم جهزت نفسي والساعه 6:30 دخلت على البرنامج وعملت الطلب وكله تمام وقالوا لى فيه عربيه جايه لك فى السكه وادونى بيانتها وبيانات السواق وكنت متابعه على النت بس اتأخر والساعه بقت 6:50 ولسه ما وصلش كلمته فى التليفون رد عليا وسألنى ها نروح فين بالضبط وقلت له وقالى انا قريب منك خلاص المهم لغاية الساعه 7:15 با احاول اكلمه مش بيرد وفى النهايه عمل الغاء للطلب لعدم معرفة العنوان
حطوا نفسكوا مكانى واساسا مش عارف اعمل ايه ونزلت اجرى واركب مع السيارات الملاكى لغاية الشارع بره ووقفت لغاية مل لقيت تاكسى ووصلت المعادى 9
المهم فكروا فى الموقف خاصة فى المواعيد المهمه وكمان علشان مفيش اى وسيله تشتكى بيها السواق وتاخد حقك

مين اللي قال ان مفيش وسيلة تشتكي بيها السواق و تاخد حقك ؟ إذا كانت دي هي الميزة الأكبر ف اوبر عن التاكسي العادي .. حضرتك افتح الابليكيشن و ادخل علي تاريخ الرحلات و هتلاقي ف المساعدة انك تقدر تشتكي السواق و ممكن توصل لأنه يتعمله بان من الشركة بسبب موقف زي دا