لان الزيوت فى امريكا بتكون ب الكوارت Quart ( موش باللتر ) .. و ده بيساوى 0.946353 لتراقتباس:
هى ليه زيون امسويل اللتر فيها 946 مل
عرض للطباعة
لان الزيوت فى امريكا بتكون ب الكوارت Quart ( موش باللتر ) .. و ده بيساوى 0.946353 لتراقتباس:
هى ليه زيون امسويل اللتر فيها 946 مل
نظام القياس في أمريكا مأخود من النظام البريطاني القديم في القياس .. وبيسموه نظام القياس الإمبريالي Imperial System
علشان كده تلاقيهم بيقيسوا بوحدات مختلفة عن الوحدات اللي بقية العالم بيقيسوا بيها..
يعني مثلا:
الطول:
البوصة = 2.54 سم
القدم = 12 بوصة = حوالي 30 سم
الياردة = 3 قدم = 91 سم
الميل = 1760 ياردة = 1.609 كيلومتر
الوزن:
الرطل = 0.453 كيلوجرام
الأونصة = 28.3 جرام
الحجم:
وده بالذات فيه اختلاف بين أمريكا وبريطانيا...
الكوارت الأمريكي = 0.946 لتر
الجالون الأمريكي = 3.785 لتر
الكوارت البريطاني = 1.2 كوارت أمريكي
الجالون البريطاني = 1.2 جالون أمريكي
ومن الوحدات الأساسية دي بقى فيه وحدات تانية كتير مشتقة منها خاصة مثلا بالضغط والطاقة مثلا...
زي:
الحصان (الأمريكي) = 0.754 كيلووات
psi (رطل/البوصة المربعة) = 0.6895 بار
المفروض إن أمريكا وبريطانيا عايزين ينقلوا للنظام المتري (اللي احنا بنستخدمه) .. وأخدوا قرار إن النظام المتري يشتغل مع النظام الإمبيريالي في بعض التطبيقاتفي نفس الوقت كفترة انتقالية لحد ما الناس تتعود تشوف الوحدتين..
الكلام ده بدأ من سنة 1968... ولحد دلوقتي مش عارفين يطبقوه !!!!!
...
بالنسبه لزيت الفتيس الكتالوج طالب Nissan matic s
ومش متوفر غير فى التوكيل
وطبعاً حاسس ان دى اشتغاله من التوكيل لان نيسان مش هتكون مخترعه زيت مخصوص
ولو حصل واشتريت من التوكيل وغيرت بره
التوكيل بيدينى الزيت فى جركن عادى اكون جايبه معايا يعنى ممكن يكون اى نوع زيت وخلاص
هل فيه مكان اقدر اشترى منه زيت نيسان ماتيك اس فى جركن محكم الغلق زى زيوت الموتور كده
الشركات الكبيرة (اللي إنتاجها غزير) فعلا بتعمل زيوت خاصة بيها...
والحقيقة مش الشركة نفسها اللي بتعمل.. إنما شركة إنتاج الفتيس اللي بتورد لها هي اللي بتعمل زيوت خاصة بيها..
الفكرة إن نيسان عندها شركة تبعها متخصصة في إنتاج الفتيس بكافة أنواعه.. اسمها Jatco.. وبالتالي فهما فعلا عندهم القدرة إنهم يطوروا زيوت خاصة بيهم..
https://en.wikipedia.org/wiki/Jatco
راجع الكتالوج كده .. مكتوب إن زيت Matic D ممكن يتحط مكان الـMatic S.. طبعا لو ما لقيتش الـMatic S
راجع المشاركة رقم 4... فيها تفاصيل عن الزيوت البديلة..
عموما.. اسأل عند بتوع قطع الغيار في الأماكن المشهورة في القاهرة (ش شامبليون - ش دمشق - العباسية ...) يمكن ربنا يسهل وتلاقي زيت أصلي.. أو اسأل في قسم نيسان في المنتدى.
...