تغيير زيت الباور لانسر بومه كما تنص الشركه

**هشام نصر** · 23-10-2016 03:57 PM

بسم الله ..
1-قم برفع السياره من الأمام ووضع جاك التثبيت من الجانبين في المكان المحدد .
2-افتح غطاء مستودع زيت الباور و اشفط ما به من زيت مع الحرص حتى لا تثقب الفلتر داخل المستودع .
3-افصل خرطوم الراجع للمستودع وقم بتوصيله بخرطوم آخر يتدلى لوعاء للتجميع أو وصل خرطوم الراجع بزجاجه فارغه للتجميع .
4-افصل فيشة كهرباء البوجيهات يمين و شمال .
5-شغل الموتور من الكونتاك بصوره متقطعه ( لن يدور الموتور لأننا فصلنا كهرباء البوجيهات ) وخلال ذلك نقوم بتحريك طارة القياده يمينا ويسارا وذلك حتى تمام خروج زيت الباور بالكامل .
6-وصل خرطوم الراجع للمستودع .
7-املأ المستودع بزيت الباور الجديد بين العلامتين ( اجعل من يساعدك هنا بحيث يضيف زيت بحيث يحافظ على مستوى الزيت لا ينزل تحت علامة min ) .
8-كرر الخطوه رقم 5 حتى استقرار مستوى الزيت بالمستودع ( لم يعد يقل مستواه ) .. توقف .. و اكمل مستوى الزيت حتى علامة max .
9-وصل فيشة البوجيهات يمين و شمال .
10-شغل الموتور idle بدون ضغط على بنزين . حرك عجلة القياده يمين و يسار حتى يتم خروج أى فقاقيع هواء ان وجدت .
11- تأكد مره أخرى من مستوى الزيت . أنزل السياره على الأرض .
تم بحمد الله
والحمد لله الذي بنعمته تتم الصالحات

**tasaka** · 23-10-2016 04:47 PM

5-شغل الموتور من الكونتاك بصوره متقطعه ( لن يدور الموتور لأننا فصلنا كهرباء البوجيهات ) وخلال ذلك نقوم بتحريك طارة القياده يمينا ويسارا وذلك حتى تمام خروج زيت الباور بالكامل .

ايه الحكمه من الخطوه دى ؟؟ هل دى بتخلى الطاره اسهل فى الحركه ؟؟

هل الخطوه دى مكتوبه فى الكتالوج ؟؟

شكرا على الموضوع

انا شفت طريقه ( اعتقد انها أأمن ) انك بترفع العجلتين اللى قدام .. و الموتور مطفأ تحرك الدريكسيون يمين و شمال لاخراج باقى الزيت القديم .. و ميزتها ان مفيش اى حمل على الطلمبه و هى فاضيه من الزيت

**tasaka** · 24-10-2016 06:07 AM

المشاركة الأصلية كتبت بواسطة tasaka

ايه الحكمه من الخطوه دى ؟؟ هل دى بتخلى الطاره اسهل فى الحركه ؟؟

هل الخطوه دى مكتوبه فى الكتالوج ؟؟

شكرا على الموضوع

انا شفت طريقه ( اعتقد انها أأمن ) انك بترفع العجلتين اللى قدام .. و الموتور مطفأ تحرك الدريكسيون يمين و شمال لاخراج باقى الزيت القديم .. و ميزتها ان مفيش اى حمل على الطلمبه و هى فاضيه من الزيت

بعد اعاده قراءه الموضوع بتأنى .. العجل الامامى مرفوع عن الارض فى خطوه رقم 1 ( يعنى حركه الدريكسيون سهله )

الخطوه رقم 5 .. يظهر لاخراج الزيت اللى جوه طلمبه الباور ( بس بدون حمل كبير على الطلمبه ) .. لكن برضه حيكون فيه حمل بسيط عليها لما الزيت اللى فيها يفضى اثناء المارش المتقطع ( بدون تدوير )

عموما طريقه حلوه برضه و فيها نسبه امان عاليه للطلمبه

شكرا على الموضوع

**هشام نصر** · 24-10-2016 02:11 PM

تم تنفيذ هذه الخطوات على سيارتي بومه 2006 و الحمد لله بنجاح . كما ينص كتالوج لانسر بومه 2006 . تحياتي للجميع .

**هشام نصر** · 24-10-2016 02:24 PM

ملاحظات :
1-تأكد عند فصل كهرباء البوجيهات يمين و شمال أن تكون الفيش بعيده عن خراطيم البنزين .( ممكن تعزلها بكيس أو بلاستر )
2-تأكد بعد تمام العمل أن لا يزيد الفرق بين منسوب الزيت بالمستودع عند تشغيل الموتور و عند إطفاؤه عن 5 مم .. ان كان أكثر من ذلك ... ببساطه كرر عملية ازالة فقاقيع الهواء رقم 10 .