الموضوع: اكسسورات وضمان صني 2017

السلام عليكم
دلوقتي انا اشتريت عربية نيسان صني 2017 الفئة التانية ورخصتها بعد عناء مع معرض القرش، المهم اني عايز اركب سنسور بارك ووحدات رفع للازاز وجهاز انذار، سالت في السبع لما رحت اعمل صيانة ال 1000 كيلو فقالي انهم مش بيركبوا اكسسورات وان مودرن موتورز بيركبوها علي ضمانتهم هما، لما كلمت نيسان علي الخط الساخن بلغوني ان لما مودرن موتورز بيركبوها بيخرج كهربة العربية من الضمان وبيظل الضمان ع الكهربة ع مودرن لانهم الي غيروا
بعد كل الرغي ده :d الفكرة اني كنت عند عشم نوار ف شارع دمشق بظبط الفرش وهناك قالي ان عنده السنسور الاصلي والانذار ووحدات الرفع الاصلي بتاع العربية وان السنسور هيوصله ارضي مش هياخد من كهربة العربية وبالتالي مش هيخرجها من الضمان " مفهمتش اوي حوار هيوصله ارضي ولو حد فاهم قصده يريت يشرح لي " وان وحدات الرفع كده كده هيا ليها مكان ف العربية ومعمول حسابها وهوا مجرد هيحط الكابل فيها مش هيفك اسلاك ولا هيعمل حاجة وجهاز الانذار هيركبه ف الباب " مفهمتش النقطة دي برضه عشان انا كنت نايم فعليا :d " ، هوا قالي انه هيديني ضمان ٥ سنين بس ده ع السنسور والانذار والوحدات مش ع كهربة العربية ككل زي مودرن موتورز

يريت لو حد عنده تاكيد لو ركبتهم في عشم نوار ده هيخرج كهربة العربية من الضمان ولا لا ؟
شكرا مقدما ونهاركم زي الفل

فعلا لو اتلعب فالضفيره هتخرج بره الضمان (دا اللى اتقالى فالسبع فرع المعادى)
دول كمان بيتلكوكوا لو غيرت زيت بره

السينسور بارك بيحتاج ياخد كهرباء (موجب) من لمض المارشيدير وطبعا هيتوصل بالارضى

العربيه فيها انذار - وفيها ايموبيليزر مش محتاج تركبلها واحد-
الانذار اللى فيها بيشتغل لو حد كسر الازاز وفتح الباب
وهى كدا كدا مش هتدور غير بمفتاحا المتشفر

بالنسبه لمكينه الرفع - معرفش عنها حاجه عشام مش مركبها